Nettbank, mobilbank og telefonbank er stengt frå 22. september kl. 15 til 25. september kl. 08

Det vil ikkje vere mogleg å overføre pengar, godkjenne betalingar, sjekke saldo eller utføre andre oppdrag i denne perioden.

Dette gjeld både for privatkundar og bedriftskundar.

Information in English

Kva vil det ha å seie for deg som kunde? 

  • Du kan nytte bankkort og kredittkort som normalt
  • Sørg for at du har gjort alt du treng av betalingar og overføringar før helga
  • Det vil ikkje vere mogleg å overføre pengar til brukskonto eller til dømes borna dine. Vipps vennebetaling vil heller ikkje vere tilgjengeleg.
  • Skal du til utlandet så sjekk regionsperre på korta dine i god tid. Det vil ikkje vere mogleg å endre regionsperra i dette tidsrommet.
  • Ønskjer du å søke lån, må du gjere dette før onsdag 20. september klokka 12 om du er kunde i tidlegare SpareBank 1 Søre Sunnmøre. For andre kundar er fristen fredag 22. september klokka 15.
  • Betaling til utland med forfall 22. september vil bli flytta til 25. september. Dersom du vil at betalinga skal gå før helga må du sjølv endre forfallsdatoen. Dette må du gjere før torsdag 21. september kl. 15 (gjeld berre kundar i tidligere SpareBank 1 Søre Sunnmøre).

Årsaka til stenginga er teknisk samanslåing med SpareBank 1 SMN.

Kva vil fungere som normalt?
  • Du kan handle med kort på nett og i butikk
  • Bankkort og kredittkort fungerer som normalt
  • Vipps fungerer i butikk, på arrangement og på nett dersom du har lagt inn kortet ditt i Vipps.
  • Rekningar du har lagt inn på forfallsdato i helga går som vanleg
  • BankID vil fungere som normalt
  • Du kan melde forsikringsskade på meldeskade.no eller på telefon 915 02300
  • Aksjehandel vil vere mogleg på aksjehandel.sparebank1.no
Kva kjem ikkje til å fungere?
  • Nettbank, mobilbank og telefonbank blir stengt og du vil dermed ikkje kunne logge inn
  • Det er ikkje mogleg å legge inn nye rekningar eller betalingar
  • Betaling med Vipps til privatpersonar (vennebetaling) vil ikkje fungere
  • Du kan ikkje overføre mellom kontoar eller godkjenne eFaktura
  • Du kan ikkje bli kunde, søke lån eller bestille andre bank- og forsikringsprodukter i dette tidsrommet
  • Minibankane og innskotsautomatane våre i Volda, Ørsta, Ulsteinvik, Herøy, Vartdal og Sæbø vil vere stengt. Du kan ta ut pengar i butikk og i andre bankar sine minibankar.

Sjå opp for svindlarar

Svindlarar kan prøve å utnytte slike planlagt vedlikehald og sende ut falske e-postar og sms. Ikkje la deg lure av denne typen meldingar! Meldingsboksen i nettbanken er den sikraste måten for oss å nå deg, men vi kjem også til å sende viktig informasjon og varslingar på e-post og sms.

Vi sender deg ikkje lenker uoppfordra på e-post og du skal aldri gje frå deg passord, BankID eller påloggingsinformasjon til andre.