BRANSJE
Berekraft, bygg og anlegg
Bygg og anleggsbransjen har stort potensial når det kjem til å redusere utslepp av klimagassar. Ved overgang frå fossildrivne maskiner til fossilfrie, og fokus på utsleppsfrie byggeplassar vil dette kunne realiserast.
Årleg utslepp frå norske byggeplassar er ca. 340 000 tonn CO2. Utsleppa av CO2 kan reduserast med nær 99% og NOx med 96% ved bruk av alternative energikjelder og betre planlegging. Det er også venta fleire tilfelle av ekstremvêr som kan gje ein del ekstra utfordringar i bransjen. For å imøtekomme både utfordringane og redusere utslepp kan bransjen gjere følgande tiltak.
Bygg som toler klimaendringar
Både eksisterande og nye bygg bør utformast for å tole flaum, skred og kraftig vind, slik at dei står rusta for framtidige klimautfordringar.
Fornying av varmeanlegg
Varmeaggregat som i dag brukar fossil diesel, kan erstattast med løysingar som elektrisitet eller fjernvarme. Alternativt kan biogass, pellets/flis eller fornybar diesel nyttast.
Elektrifisering av anleggsmaskiner
Elektriske alternativ for maskiner som betongpumper, kraner, lifter og boremaskiner er viktige for å redusere utslepp.
Miljøvenleg transport
Person- og varetransport kan elektrifiserast for å redusere bruken av fossile drivstoff. Tunge køyretøy kan skifte til fornybare alternativ som fornybar diesel, biogass eller bioetanol.
Resirkulering og sirkulærøkonomi
Det er avgjerande å auke bruken av resirkulerte materialer og legge større vekt på avfallshandtering, resirkulering og sirkulærøkonomi.
SpareBank 1 Sogn og Fjordane tilbyr fagleg, målretta rådgjeving og legg vekt på tett dialog for å støtte kundane våre. Banken arbeider for å imøtekomme dei mange utfordringane bransjen no står ovanfor og er opptatt av at våre kundar held seg konkurransedyktige. For å redusere utslepp til bransjen har banken følgande tiltak.
Rådgjeving
Gjennom kundedialog gjere kundane våre merksame på utviklinga og støtte dei i arbeidet med å imøtekomme krava og forventningane frå offentlege og private aktørar.
Grønt bedriftslån
SpareBank 1 Sogn og Fjordane tilby Grønt bedriftslån, som skal motivere bedrifter til å gjere berekraftige investeringar og bidra til positiv omstilling for bedrifter og redusere klimarisiko. Grønt bedriftslån kan brukast til å finansiere investeringar som får tilskot/støtte hos Enova.
Banken har krav om levering av sluttrapport avfallsplan (jf. TEK 17 § 9-6). På heimesida til Direktoratet for byggkvalitet ligg skjema som kan nyttast for å dokumentere at krava vert følgde. Her ligg sluttrapport med avfallsplan for nybygg (nummer 5178) og sluttrapport med avfallsplan for rehabilitering og riving (nummer 5179).
Miljøprodukta våre
Vi ønsker å bidra til at fleire gjer miljøvennlege val. Derfor gir vi ekstra gode vilkår både til privat- og bedrifstkundane våre som vel miljøvennlege løysingar og investerer i framtidsretta tiltak.
Vi skal vere ei drivkraft for regionen vår, også når det gjeld berekraft. Vi jobbar hardt for å sørge for berekraftige val internt hos oss, og jobbar tett på samarbeidspartnarane og leverandørane våre.
