Vi i SpareBank 1 Sogn og Fjordane tar personvernet ditt på alvor, og vi jobbar kontinuerleg med å sikre at personopplysningane dine skal vere trygge hos oss. I denne personvernerklæringa kan du lese meir om korleis vi behandlar personopplysningane dine.
Personvernerklæringa er oppdatert 12.06.2025
Du kan gå rett til det avsnittet som er mest interessant for deg.
Denne personvernerklæringa rettar seg til deg som er kunde, potensiell kunde, eller andre brukerar av SpareBank 1 sine tenester og nettsider. SpareBank 1 består av fleire bankar og føretak. Når vi skriv "SpareBank 1" eller "vi" i denne erklæringa, meiner vi bankar og føretak i SpareBank 1.
Det er den banken og/eller dei føretaka i SpareBank 1 du har eit kundeforhold til som er ansvarlege for å behandle personopplysningane dine. For å kontakte oss om personvern, kan du sende ein e-post til personvernombodet i banken eller føretaket.
SpareBank 1 består av fleire føretak som i nokre tilfelle samarbeidar om korleis dine personopplysningar blir behandla. Det gjeld for eksempel når du kjøper forsikring eller inngår kredittavtale. For å få svar på dine spørsmål, kan du kontakte banken eller selskapet der du er kunde.
Det vil aldri bli delt informasjon om deg mellom bankane.
Her kan du laste ned personvernerklæringa som PDF.
See how we safeguard your privacy. Download our privacy policy (PDF in english).
Vi treng personopplysningane dine for å kunne opprette og vedlikehalde kundeforholdet ditt slik at du kan bruke våre bank- og finansieringstenester. Vi behandlar også personopplysningar for å gi deg informasjon, tilbod og oppfylle våre forpliktingar.
Når du er kunde hos oss, innhentar og bruker vi personopplysningane dine for å kunne utføre oppdrag og tenester for deg, samt oppfylle våre rettslege forpliktingar.
Vi bruker personopplysningar når du for eksempel opprettar ny konto eller inngår avtale om betalingstenester hjå oss. Då vil vi kunne sende deg fakturaer, gjennomføre betalingar og levere andre tenester som du har avtalt med oss.
I nettbanken og mobilbanken vil du få oversikt over dine kontoar og transaksjonar. Du kan òg identifisere dine abonnement eller andre faste utgifter, som vi kan hjelpe deg med å avslutte.
Behandlingsgrunnlag: Avtale, rettsleg forplikting.
Vi bruker personopplysningane dine for å kunne tilby deg betalingsløysingar slik at du kan betale i fysiske butikkar og på nett. Dette omfattar betaling frå bankkontoen din med anten bankkort, mobiltelefon eller andre tekniske einingar du har.
Vi bruker òg opplysningane dine for å bidra til å unngå at du vert svindla.
Behandlingsgrunnlag: Avtale, rettsleg forplikting, berettiga interesse.
Vi bruker dine personopplysningar når du søker om lån hos oss. Det gjeld både viss du har søkt om lån med pant i fast eigedom, for eksempel hytte-, bustad- eller rammelån, eller kredittkort eller forbrukslån. For å kunne avgjere om vi kan innvilge lånet, må vi gjennomføre ein kredittvurdering av deg i tillegg til å behandle sjølve lånesøknaden.
Vi behandlar også personopplysningar til medlåntakar og/eller kausjonist. Etter at låneavtale er inngått, bruker vi personopplysningane dine for å følge opp ditt kundeforhold og registrere løpande nedbetaling av lånet.
Vi bruker heilt eller delvis automatiserte kredittprosessar. Automatisering betyr at avgjerda skjer utan manuell, menneskeleg behandling. Ved heilt automatiserte avgjerder som påverkar deg i vesentleg grad, informerer vi deg om det på førehand. Du kan då be om manuell saksbehandling.
Behandlingsgrunnlag: Avtale, rettsleg forplikting.
Vi bruker dine personopplysningar for å vurdere risiko ved sal av våre produkt og tenester. Dette gjer at du som kunde kan vere trygg på at verdiane dine blir tatt godt vare på.
Vi er pålagde ved lov å handsame kredittopplysningar, søknadsopplysningar og andre opplysningar om deg for å berekne kapitalkrav for kredittrisiko. Slik handsaming gjerast i samband med etablering av ditt kundeforhold og ved vurdering av kva tenester og produkt som er eigna for deg.
Beregningane gjerast ved bruk av eigne modeller, arbeids- og beslutningsprosessar, og interne retningslinjer. Dette gjeld klassifisering og kvantifisering av kredittrisiko og annan risiko. Med andre ord blir risikoen vurdert knytt til kreditt og andre økonomiske forhold.
Behandlingsgrunnlag: Rettsleg forplikting.
Vi bruker personopplysningane dine for å kunne opprette og vedlikehalde dine sparekontoar, for eksempel aksjesparekonto (ASK), samt yte investeringstenester til deg. For at vi skal kunne yte investeringstenester, må vi innhente opplysningar om deg som gjer oss i stand til å vurdere din eignaheit og hensiktsmessighet med omsyn til den påtenkte investeringstenesta eller det påtenkte investeringsproduktet, for eksempel porteføljeforvaltning eller handel i aksjar, obligasjonar og verdipapirfond.
Vi er pålagde ved lov å sørge for dokumentasjon av alle investeringstenester. Det betyr at vi gjer opptak av alle telefonsamtalar og lagrar all elektronisk kommunikasjon når vi yt investeringstenester til deg.
Fleire av spareprodukta våre leverast av samarbeidspartnarane våre, og avtale vil difor måtte inngåast med både bank og vår relevante samarbeidspartnar.
Behandlingsgrunnlag: Avtale, rettsleg forplikting.
Vi bruker personopplysningane dine for å kunne tilby deg forsikring, til dømes skadeforsikring og pensjon. Kva personopplysningar vi behandlar, avhenger av kva forsikring vi har avtalt med deg. Til dømes behandlar vi helseopplysningar dersom forsikringa er ei personforsikring, og opplysningar om køyretøyet ditt dersom forsikringa er ei bilforsikring.
Forsikringsprodukta våre leverast av samarbeidspartnarane våre, og avtale vil difor måtte inngåast med både bank og våre relevante samarbeidspartnarar.
Vi ønsker å vere tilgjengeleg for våre kundar både digitalt og fysisk, for å kunne yte best mogleg kundeservice og rådgjeving. Nettbanken og mobilbanken er våre føretrekte kanalar for å kommunisere med deg på ein trygg og sikker måte. I tillegg er vi tilgjengelege på e-post, chat, brev, telefon, i møter og andre kanalar, som for eksempel sosiale medium.
Vår chatbot skal effektivisere vår kundeservice og kunne svare på enklare henvendingar frå deg. Derfor startar alle chatsamtalar med vår chatbot. I nokre tilfelle brukte vi kunstig intelligens for at chatboten skal kunne forstå spørsmåla og gi deg treffande svar. Vi tek forbehold om at desse svara kan innehalde feil.
Viss du i løpet av samtalen ønsker å snakke med rådgjevar, vil samtalen med chatbot bli tilgjengeleg for rådgjevaren, slik at rådgjevar kan setje seg inn i henvendinga di. Du kan laste ned chatsamtalen når den er avslutta.
Når du startar ein chatsamtale utan å vere innlogga på våre nettsider, behandlar vi kun IP-adressa di. Chatsamtalen vil kunne brukast til statistikkformål og evaluering av kundeservice. Det er først når du har logga deg inn i nett- og mobilbanken at samtalen knyttast til ditt kundeforhold slik at vi kan yte best mogleg kundeservice.
Dine chatsamtalar kan nyttast til analyse og forbetring av chatboten. Vi vil imidlertid alltid sikre at eventuelle personopplysningar er anonymiserte først, slik at dine samtalar ikkje lenger kan knyttast til deg når analyse gjennomførast.
Behandlingsgrunnlag: Avtale, berettiga interesse.
I nokre tilfelle kan du komme i kontakt med vår talebot for å få ein meir effektiv kundeservice på telefon. Vår talebot vil, basert på kva du treng hjelp med, rute deg vidare til riktig rådgjevar som hjelper deg nærare med henvendinga di.
Vi vil ta stikkprøver av våre kundar sine spørsmål i taleboten for å teste om den fungerer etter hensikt og forbetre våre svar. For å oppnå dette, tar vi opptak av samtalene med taleboten for gjennomgang i forbetringsarbeid. Vi vil ekskludere lydfiler som inneheld personopplysningar frå forbetringsarbeidet.
Ellers lagar vi ein oppsummering av din dialog med rådgjevar. Denne oppsummeringa vert lagra på kundeforholdet ditt for å kunne følge opp og dokumentere henvendinga di. Vi kan lage oppsummering med støtte frå kunstig intelligens.
Behandlingsgrunnlag: Avtale, berettiga interesse.
Kanalar for digital kundeservice og marknadsføring
Vi ønsker å vere relevante for deg og behandlar difor personopplysningane dine for å kunne gje deg tilpassa råd og tilbod. For å marknadsføre våre produkt og tenester, behandlar vi ditt namn, dine kontaktopplysningar, fødselsdato og kva tenester eller produkt du har hos oss eller samarbeidspartnarane våre.
Viss du har samtykka, kan vi i tillegg behandle herunder samanstille og analysere andre opplysningar, til dømes dine transaksjonar, slik at vi kan tilpasse vår kommunikasjon og våre råd og tilbod for å vere endå meir relevante for deg.
Vi ivaretar din reservasjon mot marknadsføring.
Behandlingsgrunnlag: Samtykke, berettiga interesse.
Vi bruker dine personopplysningar i samband med marknads- og kundetilfredsheitsundersøkingar. Til dømes kan vi spøre deg om korleis di oppleving var etter at du har vore i kontakt med oss. Tilbakemeldingar frå våre kundar hjelper oss til å forbetre oss og våre produkt og tenester. I tillegg kan vi måle effekten av forbetringstiltak og sjå på koplinga mellom kundetilfredsheit og kundeåtferd over tid. Det er frivillig å svare på slike undersøkingar.
Behandlingsgrunnlag: Berettiga interesse.
Vi bruker dine personopplysningar for å førebygge, undersøke og rapportere økonomisk kriminalitet og andre straffbare handlingar mot deg, andre kundar eller oss. Dette er vi pålagde etter lover og forpliktingar.
Vi bruker også personopplysningar for å gjennomføre sanksjonsovervaking etter eige regelverk for dette, for å identifisere kundar og transaksjonar som er underlagt internasjonale sanksjonar og restriktive tiltak.
Behandlingsgrunnlag: Rettsleg forplikting, berettiga interesse.
Vi jobbar kontinuerleg med å sikre at personopplysningane dine er verna. Tiltak vi bruker er mellom anna tilgangsstyring, logging, kryptering, brannmurar, adgangskontroll og kameraovervaking, samt andre tekniske tiltak som ivaretat din sikkerheit og sikkerheita hos oss. I nokre tilfelle kan desse tiltaka innebere at vi behandlar dine personopplysningar, for eksempel ved kameraovervaking.
Vi har styrande dokument og rutinar for informasjonssikkerheit, avvikshandtering og opplæring av tilsette.
Eit viktig sikringstiltak er å identifisere deg som kunde og sikre ei bekrefting av kven du er (autentisering). Vi bruker BankID for å vere sikre på kven som logger seg på.
Behandlinga av dine personopplysningar ved bruk av BankID er beskriven i avtalevilkåra for BankID (PDF), og i BankID si personvernerklæring.
Behandlingsgrunnlag: Samtykke, avtale, rettsleg forplikting, berettiga interesse.
Vi har kameraovervaking i våre lokale og ved våre minibankar. Opptaka oppbevarast inntil 90 dagar. De kan oppbevarast lenger dersom opptaka brukast av politiet eller oss til andre føremål.
Behandlingsgrunnlag: Rettsleg forplikting, berettiga interesse.
Din aktivitet i nettbanken og mobilbanken loggast for å kunne spore tilbake til kva endringar som er gjort og av kven. Tilsvarande logging skjer i dei interne systema våre der vi behandlar personopplysningane dine. Loggane kan nyttast for eksempel dersom det er feil i systema eller det skjer eit sikkerheitsbrot. For å kunne identifisere eller førebygge uønska aktivitet i eller mot banken, har vi ein berettiga interesse av å logge denne trafikken. Slik logging skjer i eit omfang som er strengt nødvendig og forholdsmessig for å sikre god informasjonssikkerheit.
Behandlingsgrunnlag: Avtale, rettsleg forplikting, berettiga interesse.
Vi bruker personopplysningane dine for å sikre god verksemdsstyring. Vi analyserer personopplysningar for å få innsikt i behovet og forventningane til kundene våre. Innsikten gjer det enklare for oss å identifisere mogleg etterspurnad etter nye produkt og tenester samt forbetre funksjonaliteten i eksisterande produkt og tenester. Innsikt vil òg gjere oss i betre stand til å organisere oss riktig, herunder sikre at vi har riktig kapasitet og kompetanse på riktig stad.
Behandlingsgrunnlag: Berettiga interesse
Vi jobbar kontinuerleg med å forbetre og vidareutvikle systema våre, tenester og produkt. Hovudregelen er at vi skal bruke fiktive eller anonymiserte data når vi testar og utviklar løysingane våre, men nokre gonger må vi bruke personopplysningar for å sikre funksjonalitet og tryggleik.
Behandlingsgrunnlag: Behandlingsgrunnlaget er forenlegheit. Dette formålet ligg tett opp mot det opprinnelege formålet vi har om å levere avtalte tenester til deg.
Vi bruker personopplysningar for å utarbeide statistikk, både til eigne formål og for å dele statistikken med offentlege og andre private verksemder. Statistikken består av aggregerte data som ikkje kan knytast til deg. Formålet med det enkelte statistikkarbeidet vil avgjere kva personopplysningar vi bruker.
Døme på statistikk kan vere tidspunkt på dagen flest menneske er på matbutikken, kor mange kundar som bur i einebolig eller kva gjennomsnittspersonar i ein kommune betaler i straum, telefonabonnement eller matforbruk. Statistikk kan òg brukast i samband med berekraftsrapportering eller produktutvikling.
Behandlingsgrunnlag: Berettiga interesse.
Vi bruker dine personopplysningar for å kunne fastsetje, gjere gjeldande eller forsvare eit rettskrav frå deg. Vi lagrar dokumentasjon og historikk knytt til ditt kundeforhold så lenge du kan fremje krav mot oss. Det er foreldelsesfristen som avgjer kor lenge vi lagrar dokumentasjonen.
Behandlingsgrunnlag: Berettiga interesse.
Vi bruker dine personopplysningar for å kontrollere og sikre at vi er organiserte og driv verksemda på ein forsvarleg måte. Kontrollane skjer løpande, i form av for eksempel stikkprøvekontrollar, temakontrollar og revisjonar internt og eksternt. Dine personopplysningar kan inngå i kontrollgrunnlag, for eksempel når vi sjekkar kvaliteten på opplysningar vi innhentar i samband med antikvitvaskingsarbeid.
Vi overvåkar våre aktivitetar og behandlar personopplysningar i den samanhengen. Kontrollane utførast av både føretaks eigne tilsette, innleigde revisorar og styresmaktene.
Behandlingsgrunnlag: Rettsleg forplikting.
Vi bruker dine personopplysningar til profilering, for at vi skal kunne tilby deg spesifikke tenester og produkt i tråd med dine preferansar, førebygge og avdekke kvitvasking, svindel og annan økonomisk kriminalitet, fastsetje prisar, vurdere sannsynlegheit for mislighald og vurdere verdien av eigedomar.
Du har rett til å protestere mot profilering.
Behandlingsgrunnlag: Berettiga interesse, samtykke.
Her finn du informasjon om kva rettar du har når vi behandlar personopplysningar om deg.
Du har rett til å be om innsyn i kva personopplysningar vi behandlar om deg, og du har rett til å få ein kopi av desse opplysningane. I tillegg har du rett til informasjon om korleis vi behandlar opplysningane dine. Informasjon om dette finn du i all hovudsak i denne personvernerklæringa.
Opplysningar om mellom anna produkta dine, avtalar, kontaktinformasjon og transaksjonshistorikk er tilgjengeleg i nettbanken din. Dersom du ikkje finn informasjonen du leitar etter, kan du sende oss ein førespurnad om innsyn. Vi kan be deg presisere kva opplysningar du ønsker innsyn i. I dei tilfella du ikkje har nettbank tilgjengeleg, eller på annan måte ikkje kan lese elektroniske dokument, kan vi sende deg informasjonen på papir.
Det er nokre unntak frå retten til innsyn. Dette er der vi har lovpålagd teieplikt eller vi må halde informasjonen hemmeleg av omsyn til førebygging, etterforsking, avsløring og rettsleg forfølging av straffbare handlingar. Tilsvarande viss opplysningar berre finst i dokument utarbeidde for intern saksførebuing og unntak frå innsynsretten er nødvendig for å sikre ein forsvarleg saksbehandling. Du vil òg kunne nektast innsyn dersom innsynet vil røpe personlege detaljar om andre eller avsløre forretningshemmelegheiter.
Du har rett til innsyn i kva personopplysningar verksemda behandlar om deg. Du har derimot ikkje nødvendigvis rett til å få innsyn i namna til tilsette som har sett personopplysningane.
Det er viktig at opplysningane vi har om deg er riktige. Vi kontrollerer difor våre opplysningar om deg mot Folkeregisteret og andre kjelder. I tillegg ber vi deg bekrefte at opplysningane vi har registrert om deg er riktige med jamne mellomrom. Dersom du meiner at opplysningane våre om deg er uriktig eller ufullstendige, har du rett til å be om at opplysningane blir retta eller blir oppdaterte.
Du har rett til å be om at dine personopplysningar blir sletta dersom du
I mange tilfelle må vi behalde opplysningar om deg, sjølv om du ønsker opplysningane sletta. Dette kan gjelde både medan du er kunde hos oss og ei stund etter at avtalen med oss er avslutta. I praksis betyr dette at du ikkje alltid kan krevje at vi slettar opplysningane dine. Dette kan vere fordi vi har ei plikt etter lov til å lagre dei, eller fordi vi må ta vare på dei berettiga interessene våre. På same måte kan det vere at vi må behalde opplysningane dine for å fastslå, utøve eller forsvare rettskrav.
Du kan kreve at vi avgrensar behandlinga av personopplysningane dine i bestemte situasjonar, for eksempel dersom du
Vi vil framleis ha dei aktuelle opplysningane lagra, men all anna behandling av personopplysningane vil stansast mellombels. Vi kan begynne å behandle dine personopplysningar igjen viss det er aktuelt i samband med rettskrav, eller om det er for å verne ein annan persons rett.
Du kan sjølv finne og laste ned dei opplysningane du treng direkte i nettbanken, utan å måtte hente ut all informasjon på éin gong (dataportabilitet).
Ditt namn, fødselsnummer, e-post, telefonnummer og adresse(r) finn du enkelt under innstillingar i nettbanken.
Viss du ønsker å dele opplysningane dine med ein annan tilbydar, står du fritt til å gjere det direkte.
Oversikt over dine kontoar finn du i kontooversikta i nettbanken.
Ønsker du ei detaljert oversikt over transaksjonane dine, kan du enkelt eksportere ei full transaksjonsliste. Denne lista lastast ned som csv-fil, som kan åpnast som eit rekneark. Vel ein konto, trykk på Eksporter og velg kva tidsrom du vil sjå transaksjonar frå.
Vil du ha dine opplysningar om forsikringar kan du fylle ut eit enkelt skjema med BankID, og Fremtind Forsikring vil gjere dei tilgjengelege for deg innan 30 dagar.
Du kan be oss stoppe behandlinga av dine personopplysningar viss vi behandlar dei basert på våre berettiga interesser. Dette gjeld med mindre vi har viktige grunnar som går føre dine interesser, eller vi treng opplysningane for å fastsetje, gjere gjeldande eller forsvare rettskrav. Du kan òg be oss slutte å bruke dine personopplysningar til direkte marknadsføring, inkludert profilering for dette føremålet.
Viss du ønsker å reservere deg mot direkte marknadsføring, kan du kontakte kundeservice.
Dersom du ønsker å nytte deg av dine rettar, kan du kontakte personvernombudet eller kundesenteret vårt.
E-post blir sett på som ein usikra kanal, så vi anbefaler at du ikkje sender oss konfidensiell informasjon per e-post. Du får svar frå oss så raskt som mogleg og seinast innan 30 dagar. Dersom vi ser at saksbehandlingstida blir lenger enn 30 dagar, gir vi deg beskjed om det.
Dersom du har gitt oss samtykke til marknadsføring, kan du når som helst endre det i mobilbanken eller nettbanken.
Personopplysningar er opplysningar og vurderingar som blir knytt direkte eller indirekte til deg som person. Vi behandlar personopplysningar om deg avhengig av kva for produkt og tenester du har hos oss.
Personopplysningane vi registrerer om deg, vil vi som hovudregel få direkte frå deg som kunde, for eksempel ved oppretting av konto, søknad om lån eller når vi har kontakt med deg i digitale kanalar og chatsamtalar.
Vi innhentar opplysningar om deg frå andre for å kunne tilby deg tenester, overhalde lovkrav og kvalitetssikre opplysningar du har gitt oss. Døme på innhenting av informasjon frå tredjepartar som offentleg tilgjengelege kjelder/register eller kjelder frå private verksemder kan vere:
Vi samlar inn informasjon om bruken din av nettsidene våre, plattformer og digitale appar som trafikkdata, stadsdata og andre kommunikasjonsdata. Les meir om vår bruk av informasjonskapslar (cookies).
Vi må ha ein lovleg grunn til å bruke dine personopplysningar, og det er særleg fire lovlege grunnlag som er relevante for oss.
Vi bruker personopplysningar på grunnlag av avtalen vi har inngått med deg. Alle avtalar vi har med deg eller skal inngå med deg, skal skildre vilkåra tydeleg slik at du skal forstå kva behandling av personopplysningar som følger av avtalen.
Vi kan bruke personopplysningane dine dersom det er nødvendig for å ta vare på ei berettiga interesse som veg tyngre enn personvernomsynet. Den berettiga interessa må vere lovleg, definert på førehand, reell og sakleg grunngjeve i verksemda vår.
Døme der vi legg berettiga interesse til grunn for behandlingane våre:
Når vi behandlar personopplysningar om deg med grunnlag i dei berettiga interessene våre, kan du protestere mot behandlinga. Les meir om retten til å protestere under Rettane dine.
I nokre tilfelle vil vi be om samtykket ditt til å behandle personopplysningar. Det vil framgå av samtykket kva vi skal bruke dine personopplysningar til. Du står fritt til å trekke tilbake samtykket når du vil.
Du har oversikt over samtykka du har gitt under innstillingar i nett- eller mobilbanken. Her kan du også endre samtykka dine.
For å trekke tilbake andre samtykker, kan du sende ein e-post til personvernombodet i banken eller føretaket.
Vi har tausheitsplikt om kundeopplysningar. I nokre tilfelle er vi imidlertid lovpålagt å dele opplysningar om deg til for eksempel offentlege styresmakter. Vi kan også ha løyve til å dele dei med leverandørar av betalingstenester, føretak i SpareBank 1 eller andre aktørar. Vi sørger uansett alltid for at tausheitsplikta er ivaretatt.
Tausheitsplikten gjeld mellom bankane og føretaka i SpareBank 1, med unntak av følgande opplysningar:
Deling av desse personopplysningane vil gjere det mogleg for oss å sikre korrekt og einheitleg informasjon om våre kundar, samt tilpasse råd og tilbod. Unntaket gjeld berre bank, dotterselskap og produkt-selskap, og ikkje mellom bankane.
Viss du vil ha meir relevante råd og tilbod, kan du samtykke til at vi kan dele fleire opplysningar om deg.
Dine personopplysningar vil kun bli utlevert til offentlege styresmakter når dette følger av lovbestemt opplysningsplikt eller opplysningsrett. Vi er lovpålagde å utlevere personopplysningar til for eksempel Skatteetaten, NAV, Økokrim, politiet, domstolane, tilsynsmyndigheiter og offentlege nemnder.
Norge har òg inngått avtalar med fleire land om gjensidig skatterapportering for å bekjempe skatteunndragelsar og internasjonal skattekriminalitet. Avtalane blir ofte omtalte som CRS (Common Reporting Standard) og FATCA (Foreign Account Tax Compliance Act). I samsvar med desse avtalane er norske finansinstitusjonar forplikta til å identifisere og rapportere personar, selskap og andre einingar som er busette eller heimehøyrande i utlandet til norske skattestyresmakter. Du finn meir informasjon om CRS og FATCA hos Skatteetaten.
Dersom vi har løyve etter lov eller har fått ditt samtykke, kan vi utlevere personopplysningar til andre bankar, forsikringsselskap, finansforetak og samarbeidspartnarar. Eit døme kan vere om du vil sjå kontoinformasjonen din i ein annan bank, eller om du ønsker å sjå forsikringa di frå Fremtind i mobilbanken. Det vil også gjelde i tilfeller der banken er forplikta etter for eksempel kvitvaskingslova til å dele informasjon.
Ved betalingar til eller frå utlandet, utleverer vi tilhøyrande personopplysningar til dei bankane som er involvert i transaksjonen. Det er lovene i dei einskilde landa som bestemmer i kva grad opplysningane utleverast til offentlege myndigheiter eller kontrollorgan. Til dømes for å ivareta skatte- og avgiftslovgjeving i mottakarlandet, tiltak mot kvitvasking av pengar eller terrorfinansiering.
Viss du mislegheld kredittavtalane dine, kan opplysningane bli utlevert til eit inkassoselskap for å inndrive det misleghalde kravet på vegner av kreditor. Kravet kan også bli selt til eit inkassoselskap som då overtar som kreditor for kravet.
Vi nyttar tredjepartar til å levere tenester til deg som kunde. Dersom desse tredjepartane behandlar personopplysningane dine, vil desse vere databehandlarane våre.
Vi inngår databehandlaravtalar med alle verksemder som handsamar personopplysningar på våre vegner. Avtalen regulerer korleis databehandlaren kan bruke personopplysningar dei får tilgang til. Vi vil kun nytte databehandlarar som garanterer at dei vil etterleve personopplysningslova og GDPR.
Vi ønsker først og fremst å kun nytte databehandlarar som held til i EU/EØS. Dersom vi nyttar leverandørar utanfor EU/EØS-området, vil vi forsikre oss om at følgande vilkår er oppfylte for å sikre at personvernet og rettane til våre kundar er godt ivaretatt:
Vi lagrar personopplysningane dine så lenge det er nødvendig for dei formåla dei blei samla inn og behandla for, med mindre lov eller forskrift krev at vi lagrar dei lenger.
Som hovudregel beheld vi personopplysningane dine så lenge det er nødvendig for å oppfylle ein avtale du har inngått med oss, eller i samsvar med krav til oppbevaringstid i lovar og forskrifter. Etter det blir dei sletta eller anonymisert.
I dei tilfella der oppbevaring av personopplysningane dine er baserte utelukkande på eit samtykke frå deg, og du trekker samtykket ditt tilbake, vil vi slutte å samle inn opplysningar basert på samtykket, og slette opplysningane så raskt som mogleg.
Det er viktig for oss at du føler deg trygg når du besøker nettsida vår, samtidig som vi kan yte vårt beste for å gi deg det du treng.
Vi bruker informasjonskapslar (cookies) i dei digitale kanalane våre: nettsider, mobilbank, og nettbank.
Informasjonskapslar er små bitar data som nettlesaren eller appen lagrar på datamaskina eller mobiltelefonen din. Ein informasjonskapsel tilhøyrer eit bestemt nettstad, og kan derfor ikkje lesast av andre nettstader.
Bruker du nettsidene våre utan å identifisere deg, vil cookiesamtykket berre gjelde den eininga (som mobil eller pc) du er på. Ved innlogging i mobil- eller nettbanken, kan du velje å la svaret frå eininga gjeld deg som kunde.
Du kan sjølv velje kva kategoriar av informasjonskapslar vi kan bruke.
Du kan lese meir om bruken vår av informasjonskapslar (cookies) her.
For at nettsidene skal fungere, må vi bruke tekniske informasjonskapslar. Desse kan ein derfor ikkje slå av.
For at du skal sleppe å gjere dei same vala kvar gong du er på nettsidene våre, bruker vi funksjonelle informasjonskapslar. Dei lagrar opplysningar om bruken din av nettsidene, og kva innstillingar du har valt.
For at nettsidene skal bli betre og enklare, bruker vi informasjonskapslar som lagrar statistikk og analysar. Denne informasjonen hjelper oss til å forstå korleis nettsidene blir brukt, noko som gjer at vi kan forbetre oss.
For at du skal få innhald som er tilpassa deg, bruker vi informasjonskapslar som samlar informasjon om bruksmønsteret ditt og interessene dine. Dette gjer at vi kan gi deg meir relevant og tilpassa marknadsføring, også gjennom samarbeidspartnarane våre. Dette gjer vi i fleire kanalar, til dømes på nettsidene våre og i sosiale medium.
I tillegg til informasjonskapslar bruker vi pikslar og script frå tredjepartar. Dette er kodesnutter som let oss analysere bruken din på tvers av sosiale medium og kanalane våre, og vi bruker dette til å gi deg meir relevant marknadsføring.
Du kan sjølv velje kva kategoriar av informasjonskapslar vi kan bruke.
Viss du meiner vi bryt personvernreglane eller er misnøgd med behandlinga av førespurnaden din, oppmodar vi deg til å ta kontakt med oss, slik at vi kan gi deg svar og avklare eventuelle misforståingar.
Viss du lurer på noko om denne personvernerklæringa eller behandlinga vår av personopplysningane dine, kan du sende ein e-post til personvernombodet i bankane eller føretaka.
Viss du lurer på noko om denne personvernerklæringa eller behandlinga vår av personopplysningane dine, kan du sende ein e-post til personvernombodet i banken.
Her får du ei oversikt over endringar som blir gjort i personvernerklæringa.
| Endring | Dato |
| Synleggjort føremåla slik at det er lettare for deg å forstå korleis vi behandlar dine personopplysningar. Forenkla språket. | 12. juni 2025 |
| Justering i informasjon om utlevering av personopplysningar. | 1. oktober 2024 |
| Ordlydjusteringar, endring i oppsett av informasjon, og dessutan lagt til enkelte formål og bruksområde for personopplysningar i tråd med forretningsutviklinga. | 16. mai 2024 |
| Nødvendige justeringar og presiseringar i tråd med utvikling av tenestene våre, produkt og nettsider, og dessutan juridisk utvikling. | 28. august 2023 |
| Nødvendige justeringar og presiseringar i tråd med utvikling av tenestene våre, produkt og nettsider. | 28. mars 2023 |
| Nødvendige justeringar og presiseringar i avsnittet om informasjonskapslar. | 17. juni 2022 |
| Nødvendige justeringar og presiseringar i tråd med utvikling av tenestene våre, produkt og nettsider. | 8. mars 2021 |
