BRANSJE
Eigedom og berekraft
Eigedomsbransjen har låge direkte klimagassutslepp, men er knytt tett opp mot både industri, transport og energiforsyningssektoren. Ved å velje å bygge og forvalte meir berekraftig i framtida, kan bransjen ha stor innverknad på Norge sin veg vidare inn i det grøne skiftet.
Eigedomsbransjen står overfor store utfordringar knytt til energieffektivisering, høge energikostnader, og strenge regulatoriske krav. For å møte desse utfordringane og fremje berekraftig utvikling, kan bransjen fokusere på tiltak som energieffektivisering, bruk av fornybar energi, gjenbruk av materialar, og smart teknologi. Desse tiltaka vil bidra til å redusere miljøpåverknaden og auke verdien av eigedomane.
Miljøsertifisere organisasjonen
Sertifiser organisasjonen for å dokumentere miljøprestasjonar og sikre at alle aktivitetar er i tråd med berekraftige standardar.
Bruke fornybar energi
Erstatt fossil oppvarming med fornybare energikjelder, inkludert topplast, og installer solcellepanel og andre fornybare energikjelder for å redusere karbonavtrykket.
Berekraftige materialar
Prioriter innkjøp av bygningsprodukt utan helse- og miljøfarlege stoff, og med låge klimagassutslepp. Vel miljøvennlege byggematerialar som resirkulert stål og tre. Etterspør fossilfri byggeplass for å minimere miljøpåverknaden.
Utnytte takflater
Undersøk moglegheitene for å bruke takflatene til miljøvennlege tiltak som solcellepanel for å produsere fornybar energi.
Miljøleiing og gjenbruk
Be om at arkitekten utarbeider ein plan for korleis materiala kan demonterast og gjenbrukast ved ombygging eller riving for å minimere avfall. Implementer eit miljøleiingssystem for heile porteføljen og sett opp ein plan for kontinuerleg forbetring av bygga. Etterspør og prioriter bygningsprodukt med låge klimagassutslepp og fossilfri byggeplass for å sikre kontinuerleg forbetring av miljøprestasjonane.
Energieffektivisering og smart teknologi
Implementer energieffektive system som LED-belysning, høgeffektiv ventilasjon og isolasjon for å redusere energiforbruket. Bruk smart teknologi for å overvake og optimalisere energibruken i bygga.
SpareBank 1 Sogn og Fjordane har ambisiøse mål for bransjen, men er også klar over dei mange utfordringane som bransjen står ovanfor. For å støtte kundane i omstillinga til berekraftige eigedomar, vil banken bidra med finansiering, rådgjeving og produktutvikling. Det er viktig at omstillinga skjer lønnsamt og berekraftig, og at banken tilbyr produkt og tenester som møter kundane sine behov.
Berekraftig rådgjeving
Banken brukar ESG-modellen som rammeverk for rådgjevinga, med fokus på berekraftig drift, utsleppsreduserande tiltak og MSC-sertifisering, og hjelper kundane med å kombinere lønsemd og klimaansvar. Banken er opptatt av å støtte kundane og bidra med løysingar som hjelper kundane i overgangen til ei meir klimavenleg og berekraftig framtid.
Grønt bedriftslån
SpareBank 1 Sogn og Fjordane tilbyr lån med gunstigare vilkår for aktivitetar eller investeringar på område som er dekka av Enova eller Innovasjon Norge sine støtteprogram. Dette kan vere energikartlegging i yrkesbygg, forbetring av energitilstand i yrkesbygg eller bustadselskap eller installasjon av moderne varmesentralar som nyttar fornybar energi for å redusere utslepp.
Energimerking
SpareBank 1 Sogn og Fjordane ønsker å støtte kundane i eigedomsbransjen ved å auke andelen energimerka eigedomar i portefølja. Energimerking gir banken betre grunnlag for å måle status og effekt av energitiltak, samtidig som det gir kundane betre innsikt i bustaden sin energieffektivitet og moglegheit for forbetringar. For å oppnå dette krev bedrifta at kundar innan eigedomsbransjen har gyldig energiattest i tråd med energimerkeforskrifta. Dette sikrar at portefølja oppfyller dagens standardar og er godt rusta til å møte framtidige reguleringar og marknadskrav.
Lover og reguleringar
Rapporteringskrav
I 2021 blei EU taksonomien innført. Det er eit felles system for å definere kva aktivitetar som er berekraftige for investeringsformål, blant anna innan eigedom. Selskap med over 250 tilsette må rapportere om aktiviteten deira er berekraftig etter dei definerte krava og miljømåla.
Eigedomssektoren sin klimaplan
Eigedomssektoren sitt vegkart mot 2050 er ein plan utvikla av organisasjonane Norsk Eiendom og Grønn Byggalliane. Målet her er å bidra til eit berekraftig samfunn innan 2050. Dette innebærer å redusere klimagassutsleppa frå eigedomssektoren til eit minimum og sikre at alle bygg er energieffektive og miljøvennlege. Veikartet gir anbefalingar til eigarar og forvaltarar av yrkesbygg om kva val dei bør gjere på kort og lang sikt for å nå desse måla.
Vi skal vere ei drivkraft for regionen vår, også når det gjeld berekraft. Vi jobbar hardt for å sørge for berekraftige val internt hos oss, og jobbar tett på samarbeidspartnarane og leverandørane våre.
Miljøprodukta våre
Vi ønsker å bidra til at fleire gjer miljøvennlege val. Derfor gir vi ekstra gode vilkår både til privat- og bedrifstkundane våre som vel miljøvennlege løysingar og investerer i framtidsretta tiltak.
