Havbruksbransjen er prega av mykje innovasjon og kan dra nytte av dette når dei skal møte utfordringar med meir ekstremvêr som følge av klimaendringane. Klimaavtrykket frå næringa kjem i hovudsak frå tre faktorar: fôr, transport og bruk av havbruksfartøy.
Havbruksnæringa er ei sentral næring i Sogn og Fjordane med fleire kundar som driv oppdrett av laks og aure. Til tross for tydelege utfordringar, kan bransjen ta fleire grep for å redusere miljøpåverknaden. Utvikling av låg- og nullutsleppsfartøy, bruke berekraftig fôr og optimalisere transport samt arbeide for å bevare og styrke det lokale økosystemet rundt oppdrettsanlegga, er avgjerande tiltak. Desse tiltaka, saman med andre initiativ, kan bidra til å gjere havbruksnæringa meir berekraftig.
Storsmoltproduksjon
Storsmoltproduksjon som reinser alt prosessvatn, avfallet derifrå kan då brukast som gjødsel i landbruket. Dette vil også redusere utfordringar som lus, rømming og smitterisiko ved sjukdom.
Bruke fornybar energi
Installere solcellepanel og vindmøller på anlegg for å redusere avhengigheita av fossile brensel.
Utvikle miljøvennleg fôr
Bruke meir berekraftige ingrediensar som insektmel og alger i staden for soya og fiskemel.
Optimalisere transport
Bruke meir miljøvennlege transportmetodar, som elektriske lastebilar og tog, for å frakte fiskeprodukt. Servicenæringane kan levere mindre båtar med elektriske framdriftssystem.
Avfallshandtering
Implementere system for å samle opp og resirkulere plast og anna avfall frå oppdrettsanlegg.
Fremje biologisk mangfald
Redusere bruk av kjemikaliar ved å implementere naturlege metodar for å kontrollere sjukdommar og parasittar, som bruk av rensefisk.
Havbruksbransjen står overfor fleire utfordringar, som klimaendringar, miljøpåverknad og berekraftig ressursbruk. For å møte desse utfordringane, arbeider SpareBank 1 Sogn og Fjordane aktivt med å støtte havbruksnæringa i berekraftsarbeidet og sikre ei berekraftig framtid.
Berekraftig rådgjeving
Banken brukar ESG-modellen som rammeverk for rådgjevinga, med fokus på berekraftig drift, utsleppsreduserande tiltak og MSC-sertifisering, og hjelper kundane med å kombinere lønsemd og klimaansvar. Banken er opptatt av å støtte kundane og bidra med løysingar som hjelper kundane i overgangen til ei meir klimavenleg og berekraftig framtid.
Grønt bedriftslån
SpareBank 1 Sogn og Fjordane tilbyr grønt bedriftslån til havbrukskundar som gjennomfører tiltak eller investeringar i tråd med støtteprogram i Enova eller Innovasjon Norge.
Forventningar
SpareBank 1 Sogn og Fjordane forventar at havbrukskundar har stort fokus på miljø og berekraft i den daglege drifta. Sentrale område her er fokus på berekraftig fôr, null- eller lågutsleppsløysingar og relevante miljøsertifiseringar. Banken støttar ikkje selskap som ikkje etterlev lov om akvakultur og andre lover og forskrifter som regulerer drift av oppdrettslokalitetar.
Miljøprodukta våre
Vi ønsker å bidra til at fleire gjer miljøvennlege val. Derfor gir vi ekstra gode vilkår både til privat- og bedrifstkundane våre som vel miljøvennlege løysingar og investerer i framtidsretta tiltak.
Vi skal vere ei drivkraft for regionen vår, også når det gjeld berekraft. Vi jobbar hardt for å sørge for berekraftige val internt hos oss, og jobbar tett på samarbeidspartnarane og leverandørane våre.
