Bransjen står overfor utfordringar knytt til effektivitet og naturvern, men har òg store moglegheiter til å bidra aktivt i overgangen til ei meir berekraftig energiframtid. Bransjen kan gjennom både kortsiktige og langsiktige tiltak sikre meir stabil kraftproduksjon, betre ressursutnytting og redusere miljøpåverknad.

Effektivisering av eksisterande kraftverk
Oppgradering av eldre turbinar og generatorar kan auke effektiviteten utan behov for nye anlegg. Forbetring av styringssystem og tetting av lekkasjar i røyr og kanalar kan òg redusere energitap og sikre meir stabil produksjon.

Utviding av produksjonskapasiteten
Det kan vere aktuelt å vurdere ei utviding av produksjonskapasiteten, for eksempel ved bygging av små reguleringsmagasin. Desse magasina kan bidra til å lagre vatn og sikre ein jamn produksjon, sjølv i periodar med varierande nedbør. Slik regulering kan også betre kontrollen over produksjonen og auke tilgangen på straum i periodar med stor etterspørsel. Dette vil imidlertid vere eit konsesjonspliktig tiltak som krev løyve frå vassdragsmyndigheitene (NVE).

Miljøtiltak for redusert naturpåverknad
Tiltak som fisketrapper og omgåande løysingar for fiskevandring kan redusere påverknaden på biologisk mangfald. Restaurering av økosystem gjennom planting av vegetasjon og fjerning av ubrukelege dammar kan òg styrke naturen rundt vasskraftanlegga.

Utvikling av energilager
Pumpelagringsanlegg kan lagre energi ved å pumpe vatn til eit høgare nivå i periodar med låg etterspørsel, for så å sleppe vatnet ned igjen når etterspørselen aukar. Dette sikrar betre utnytting av overskotsenergi og stabil energiforsyning.

Digitalisering og smart styring
Digitale verktøy kan brukast for å overvake og styre kraftverka meir effektivt. Smarte system kan tilpasse produksjonen i sanntid basert på etterspørsel og tilgjengeleg vatn, noko som kan betre lønsemda og sikre meir stabil kraftleveranse.

Samarbeid og berekraftig utvikling
Vasskraftbransjen kan samarbeide med lokale myndigheiter, naturvernorganisasjonar og lokalsamfunn for å balansere energiproduksjon og naturvern. Deltaking i forskings- og utviklingsprosjekt kan òg hjelpe bransjen med å finne nye berekraftige løysingar og teknologiar.

Nye lovar og regelverk, samt aukande krav frå leverandørkjeder, er med å drive fram utsleppskutt og energieffektivisering, men dette krev også meir i frå kundane våre.  SpareBank 1 Sogn og Fjordane vil gjennom rådgjeving støtte kundane i arbeidet med å imøtekomme krav og regelverk samt arbeide aktivt med å utvikle produkt og tenester som er relevant i åra som kjem. 

Berekraftig rådgjeving
Banken brukar ESG-modellen som rammeverk for rådgjevinga, med fokus på berekraftig drift, utsleppsreduserande tiltak og MSC-sertifisering, og hjelper kundane med å kombinere lønsemd og klimaansvar. Banken er opptatt av å støtte kundane og bidra med løysingar som hjelper kundane i overgangen til ei meir klimavenleg og berekraftig framtid.

Grønt bedriftslån
SpareBank 1 Sogn og Fjordane tilbyr lån for investeringar i låg- og nullutsleppsteknologi, som energieffektive køyretøy og utstyr, for å støtte berekraftig omstilling.