Kva er ein forretningsmodell?

Ein forretningsmodell er eit dokument som skildrar forretningsideen din, strategien for å lukkast og dei konkrete måla du har. Det er eit levande dokument som hjelper deg å stake ut kursen og overbevise investorar.

Ein god forretningsmodell seier noko om

• forretningsideen – ei kort forklaring av kva du skal levere og til kven
• marknaden – kven er målgruppa og kven konkurrerer du mot?
• organisasjonen – kven jobbar i bedrifta, kva kompetanse har de og kva organisasjonsform har du valt?
• økonomien – kva er dei føresette inntektene og kostnadene? Kor mykje pengar treng bedrifta for å drive godt?
• Gjennomføringa – kva skal gjerast og når skal det gjerast?

Bruk modellen aktivt, vidareutvikle den og få nye synspunkt på den. Du bør alltid ha ei ryddig utgåve for handa. Den blir nyttig når du skal presentere planar for samarbeidspartnerar, eller når du skal snakke med oss om finansiering.

Når du har ein god forretningsmodell, kan du halde fram arbeidet og lage ein meir detaljert forretningsplan.