Kva er revisjonsplikt?

Kven har revisjonsplikt?

AS, enkeltpersonføretak, NUF, ansvarleg selskap (ANS/DÅ) og samvirkeføretak har revisjonsplikt, men du kan velje bort revisjon viss: 

• driftsinntektene er under 7 millionar kroner.
• balansen viser at eigedelane til bedrifta og gjeld har verdi under 27 millionar.
• gjennomsnittleg mengde tilsette er under 10 årsverk.

For å vere fritatt må ein aktivt velje bort revisjon i samordna registermelding. Det kan du gjere i samband med registrering av selskapet eller ved ei ekstraordinær generalforsamling.

Alle stiftingar, ASA og finansføretak har revisjonsplikt, uavhengig av storleik.

Kven kan utføre ein revisjon?

Det er mykje du kan gjere sjølv når det gjeld rekneskap og rekneskapsføring, men revisjon skal alltid gjerast av ein ekstern, statsautorisert revisor, som ikkje har tilknyting til selskapet.

Viss du tilset ein revisor, får du både råd og hjelp til å lage gode rutinar for rekneskapen. Men når du skal rapportere rekneskapen til styresmakta, må du passe på at revisoren ikkje har noko tilknyting til bedrifta di. Det betyr at familie og venner ikkje kan hjepe deg med revisjonen.