Investeringssvindel
Tilbod om investeringar med eventyrleg profitt og låg risiko? Då er det kanskje snakk om investeringssvindel.
Kjenneteikn på investeringssvindel
Det finst mange former for investeringssvindel, men dei fleste inneber at du blir kontakta av ein person som prøver å overtale deg til å investere pengar. Problemet er berre at selskapet eller kryptovalutaen du investerer i ikkje finnast, eller er sett opp for å svindle menneske og bedrifter.
- Tilbodet verkar veldig bra, og du får døme på veldig høg profitt, med låg risiko. Ofte ei investering i eit patent, ein komande børsnotering eller i ein lovande gründeridé.
- Du får eit tilbod gjennom nettverket ditt, med invitasjon til næringslivsmøte der du får vite meir om tilbodet.
- Svindlarane speler på hastverk, til dømes at tilbodet er tidsbegrensa, eller at du «ikkje må gå glipp av denne eine moglegheita».
- Ein såkalla «rådgjevar» skal hjelpe deg gjennom prosessen, og ber deg gi frå deg BankID-kodar, legitimasjon eller stadfeste ulike trinn som etablerer deg som «kunde».
Hugs: Er tilbodet for godt til å vere sant, er det sannsynlegvis det òg.
Slik unngår du å bli lurt
Vêr på vakt kvar gong nokon tar kontakt med deg om investeringar. Det er viktig at du undersøker kven som står bak og les gjennom vilkåra for tilbodet. Bruk Finanstilsynet sin database for marknadvarslingar og søk opp selskapet du har fått eit tilbod frå. Andre tips:
- Ver kritisk og bruk sunn fornuft!
- Godkjenn aldri betalingar eller påloggingar i banken du ikkje har starta sjølv, eller ikkje veit kva er.
- Gi aldri frå deg kontoinformasjon, BankID-kodar, passord eller kopi av legitimasjon.
- Aldri tillat fjernstyring av PC/nettbrett i program som AnyDesk eller TeamViewer.
Har nokon allereie prøvd å svindle deg?
- Bryt kontakt med svindlarane og ta kontakt med banken for hjelp og rådgjeving.
- Meld alltid frå til politiet om du har blitt utsett for svindel.
- Sikre dokumentasjon i form av namn, e-postar, telefonnummer, skjermbilde, kontonummer, wallet-adresser og liknande.
- Ver obs på fleire svindelforsøk, til dømes om nokon tilbyr deg hjelp med å berge pengane frå førre svindel.
- Har du fått eit godt tilbod, men er i tvil om det er realistisk? Ta gjerne kontakt med oss, så kan vi ta ein sjekk.
