Kjøpe bedrift

Har du ein plan, er det større sjanse for å lukkast med kjøpet. Tenk gjennom 

• kvifor du vil kjøpe ei bedrift
• kva målet er med oppkjøpet
• korleis du skal tene pengar
• om du treng finansiering

For å få lån må du vise til ein god forretningsmodell, og det er smart å tenke gjennom kor mykje eigenkapital du kan bruke.

Treng du tips til ein god forretningsmodell? 

Hos Innovasjon Norge finn du god informasjon om forretningsmodellar og malverk for Business Model Canvas. 

Kva er du på jakt etter? Viktige ting du bør tenke på er:

• Kva slags type bedrift skal du kjøpe? Kva er produktet?
• Korleis ser markedet og kundane ut?
• Kva slag strategi skal bedrifta ha?
• Kor mange tilsette trengst for å drive bedrifta?
• Kva er di rolle?
• Kva pris er du villig til å betale?
• Skal du kjøpe eit heilt selskap eller berre delar av det? Du kan for eksempel kjøpe kompetanse, tekniske løysingar eller kundar.

Når du har funne bedrifta du vil kjøpe, er det smart å finne ut mest mogleg om den før du treff selgar eller meglar. Då fremstår du som ein seriøs kjøpar, og kan stille sterkare i forhandlingar.

Ein revisor, rekneskapsførar eller advokat kan hjelpe deg med ein grundig økonomisk eller juridisk gjennomgang av bedrifta.

Oppkjøp finansierast ofte med eigenkapital og lån. Treng bedrifta di lån, ser vi på

• forretningsplan/modell
• budsjett
• evna til å betale ned på lånet
• kva for sikkerheit du har
• kven som er eigarar eller sit i styret

Sikkerheit for lånet kan vere pant i morselskapets eigedomar eller kausjon. Det er òg mogleg å ta pant i aksjar i selskapet som blir kjøpt opp.

Sett deg eit pristak før forhandlingane startar. Då er det lettare å ikkje la seg rive med undervegs. Tenk på at for mange som skal selje er det viktig at den som køper kjem til å drive bedrifta godt. 

Kundar, tilsette og leverandørar kan ha sterke relasjonar til seljaren. For mange kan det vere ei god løysing at seljaren held fram med å jobbe i bedrifta ein liten stund etter oppkjøpet for å overlevere kunnskap, erfaring og relasjonar.

Sjekk om det er nokon heftingar på bedrifta før du gjennomfører oppkjøpet. Det kan til dømes vere pant i utstyr eller eigedom. Dette finn du ut ved å be noverande eigar om ein heftingsoversikt.

Vi anbefaler at du brukar ein eigen advokat med erfaring frå kjøp av bedrifter. Då er du trygg på at alle viktige punkt og spørsmål blir ivaretatt.