OTP-lova
Her kan du lese om reglane for obligatorisk tenestepensjon.
Lovpålagt pensjonssparing til dine tilsette
Obligatorisk tenestepensjon har vore lovpålagt sidan 2006. Arbeidsgjevarar pliktar å betale eit beløp tilsvarande minst to prosent av lønna til tilsette til pensjonssparing.
Kven gjeld OTP-lova for?
Du må opprette pensjonsordning for dine tilsette når du oppfyller minst eitt av desse vilkåra:
- Bedrifta har minst to tilsette som jobbar i 75 prosent stilling eller meir.
- Bedrifta har minst éin tilsett som ikkje har eigarandel i selskapet, og som jobbar i 75 prosent stilling eller meir.
- Bedrifta har fleire tilsette som jobbar i 20 prosent stilling eller meir, og som til saman utfører arbeid som tilsvarer minst to årsverk.
Kva skjer viss bedrifta ikkje opprettar OTP-ordning?
Det blir fort dyrt dersom du ikkje har obligatorisk tenestepensjon for dine tilsette. Bedrifta risikerer ei bot på 250 kroner per dag per tilsett for ikkje å ha pensjonsordning i samsvar med lova.
Hugs at du kvar månad må rapportere at du har OTP på stell. Dette blir gjort i a-meldinga.
Kva lurer andre på?
Minimum 2 % av løn opp til 12 G skal setjast av til pensjonssparing. 1G = 124.028 kroner.
OTP-ordninga inkluderer betalingsfritak viss den tilsette blir arbeidsufør.
I tillegg kan arbeidsgjevar velje å knyte til uførepensjon, ektefellepensjon eller sambuarpensjon og barnepensjon.
Prisen avheng av talet på tilsette og løna deira. I tillegg til månadlege innskot, må bedrifta betale omkostninger. For å kunne rekne ut prisen treng vi litt informasjon om bedrifta di og dine tilsette.
Du registrerer SpareBank 1 Forsikring som pensjonsleverandøren din i a-meldinga. Dette kan gjerast i lønssystemet ditt.
Organisasjonsnummeret vårt er 915 651 321.
Korrekt rapportering i a-meldinga er nødvendig for å unngå bøter, og for å sikre at dine tilsette får riktig pensjon.
Innskotspensjon er den vanlegaste forma for lovpålagt obligatorisk tenestepensjon (OTP). Arbeidsgjevar kan velje mellom ulike pensjonsordningar, som til dømes innskotspensjon eller hybridpensjon.