Plassering i fond for bedrifter

Du kan velje mellom aksjefond, indeksfond, rentefond eller kombinasjonsfond. 

Aksjefond: Eit aksjefond består av eigardelar i fleire børsnoterte selskap. Ved å investere i et aksjefond eig bedrifta indirekte aksjar i dei ulike selskapa som fondet har investert i. Bedrifta tener pengar viss den samla verdien av selskapa i fondet stig. Aksjefond passar for bedrifter som skal investere i 10 år eller meir, ønsker høg avkastning og toler at investeringane svingar i verdi.

Aksjefond kan vere indeksfond eller aktivt forvalta fond. Her kan du lese meir om forskjellen på aktivt forvalta fond og fond som følgjer ein indeks.

Rentefond: Ved å spare i rentefond låner bedrifta i praksis bort pengar til fleire selskap. Bedrifta di tener pengar på renta som selskapa betalar på lånet. I eit rentefond tener ein ikkje like mykje som i eit aksjefond, men det er ei meir forutsigbar investeringsform fordi risikioen er låg.

Kombinasjonsfond: Eit kombinasjonsfond består av både aksjefond og rentefond, og det er forholdet mellom desse som avgjer kurssvingingar og forventa avkasting. Vi anbefaler ikkje kombinasjonsfond til bedrifter, sidan det kan medføre høgare skatt.

Sjå også:
Plassering i fond for bedrifter
Oversikt over alle fond vi tilbyr

Ein skil mellom aktiv og passiv fondsforvalting, også kalla aktivt forvalta fond og indeksfond. 

Indeksfond er passivt forvalta aksjefond, der fondet har som mål å følgje utviklinga til ein referanseindeks, for eksempel Oslo Børs. Det er ingen forvaltarar som aktivt tar stilling til kva aksjar eller verdipapir som skal kjøpast og seljast. Denne typen forvaltning krev lite oppfølging, noko som gir lågare kostnadar.

Risikoen i fondet følger den generelle risikoen i referansemarknaden over tid.

Til samanlikning har aktivt forvalta fond ein forvaltar, eller eit team av forvaltarar, som bestemmer kva aksjar eller verdipapir som skal kjøpast og seljast. Målet er å ta smarte val som gir betre avkastning enn den indeksen fondet samanliknast med.

Sjå også: 
Plassering i fond for bedrifter
Oversikt over alle fond vi tilbyr