Hjelpesider for filoverføring

Eit rekneskapsprogram lagar betalingsfiler for å kunne gjere fleire inn- og utbetalingar samtidig. Fila blir sendt til banken og betalingane blir gjennomførte. Dette kallast filoverføring eller remittering.

Har du fleire tilsette, kan du til dømes betale ut lønn med filoverføring. Lønns- eller rekneskapssystemet lagar ein lønnsfil som blir sendt til banken og utbetlingane skjer automatisk utan at du treng å registrere noko manuelt. 

Mange rekneskapsprogram kan koplast til nettbanken, og då treng du ikkje tenke på filoverføringar, kople nettbank til rekneskapsprogram.

Dersom ein ønsker å hente og sende filer manuelt via nettbank bedrift må ein opprette ønska filoppsett. 

For å lage ein filsti i nettbanken vel du Meny, Filer, Filoppsett og Nytt filoppsett. Vel riktig filtype, skriv inn namn og vel der fila skal ligge.

Viss du ikkje ser fana Filer må den som er administrator i nettbank bedrift tildele deg funksjonen Administrering av filer under Rettigheiter til funksjonar og handlingar.   

Hugs at for å bruke filoverføring må du ha integrert versjon av nettbankavtalen.

Har du nettbank og har rekneskapsprogram som har avtale med SpareBank 1, kan du kople saman nettbanken og rekneskapsprogram, og sleppe å tenke på filoverføringar.

Vi kan tilby filmottak hos TietoEvry slik at kunden kan sende og motta filer/betalingsinformasjon direkte til og frå rekneskapsprogrammet. Denne måten å sende filer på skjer over ein sikker kommunikasjonskanal, metoden heiter «SFTP» som står for «Secure File Transfer Protocol». 

Kven er dette for?

• Rekneskapsleverandørar: Dei som leverer sentraliserte system. Med sentraliserte system så meiner vi at all filoverføring skjer gjennom eit sentralt system for alle som bruker rekneskapssystemet.
• Dei som leverer til lokale installasjonar. Ein lokal installasjon betyr at leverandøren av rekneskapssystemet ikkje har nokon sentral handsaming av filene for kundane, kundane handsamar alt dette sjølv 

Ta kontakt med oss, så vil vi bistå med bestillinga. 

For å avstemme manuelt må du lage filoppsett i nettbank bedrift. Klikk på Meny og Filoppsett under overskrifta Filer, klikk deretter på knappen Nytt filoppsett.
Lag namn på filoppsettet, vel filtype Bankavstemming ISO (camt.053 kontoinformasjon) ved hjelp av nedtrekkspil. Lag også filnamn for avstemmingsfil og lagre filoppsettet. 

Deretter vel du Bankavstemming i toppmenyen. Lag Ny manuell bankavstemming eller Ny gjentakande bankavstemming. Bankavstemmingsfila legg seg under menyval Hent filer. Fila kan då lastast ned og lagrast på ønska område for deretter å hentast inn i rekneskapsprogrammet.  

Når ein har sendt inn ein Pain001 fil med utbetalingar, skal ein laste ned Pain 002 mottakreturfil, som viser om noko er feil eller om alt er ok i innsendt Pain001 fil. For betalingane som er utført lastar ein ned Camt054D avrekningsreturfil. 

For å få endra betalinga må du slette den i nettbank bedrift, før du sender betalinga på nytt til rekneskapsprogrammet, med ønska endringar.

• Viss du får opp "Filoverføring feila" eller "Katalog og/eller fil ugyldig"
  Sjekk at du har tilgong til stasjonen og katalogen fila er lagra i.
  
  
• Viss du får opp "fakepath" i filstien
  Når det blir lagt opp filstiar kan det nokre gonger hende at dei blir omsett til "fakepath".  

Sjekk om betalinga er avvist anten ved å nytte Pain002 mottaksreturfil som oppdaterer rekneskapsprogrammet om noko er feil, eller sjekk i nettbank bedrift under betale, godkjenn og avviste om betalinga ligg der. Avviste betalingar vil ikkje kunne setjast i gang. Her må årsaka til at betalinga er avvist rettast, og betalingsforslaget må sendast på nytt. 

Kode for skattetrekk manglar i betalingsfila. Betalinga må markerast med TAX/skatt i rekneskapsprogrammet.