KUNDESERVICE BEDRIFT
Konto, kort og betaling

Kontoutskrift finn du i nettbank bedrift under Transaksjonar. Du kan søke på mottakar, kontonummer, beløp eller liknande. Du kan òg gå til Arkiv og velje Kontoutskrift i nedtrekksmenyen.

Bilag finn du òg under Transaksjonar. Gå inn på den inn- eller utbetalinga det gjeld og trykk på Bilag.

Garantiprovisjon finn du under Transaksjonar - Arkiv - vel Melding om betaling i nedtrekksmenyen. Garantiprovisjonen trekkast kvartalsvis.

Renteoppgåver finn du under Transaksjonar - Arkiv - vel Renteoppgåver i nedtrekksmenyen.
 

Har du bankkort for bedrift sperrar du kortet i nettbank bedrift. Logg inn i nettbanken, gå til Min oversikt, Kort, vel det kortet det gjeld og klikk Sperre kort. 

Har du ikkje nettbank bedrift, men er privatkunde med mobil- eller nettbank privat, kan du lese meir om korleis du sperrar kortet her.

Kredittkort for bedrift kan du sperre i AirPlus-appen, eller ringe 21 01 50 40. Kredittkortet er ei teneste frå AirPlus.

No kan du enkelt ta ut og setje inn kontantar i butikken. Slik set du inn kontantar i butikken

Mindre beløp kan du også setje inn via innskotmaskin i mange av lokalbankane våre. Har de store mengder kontantar anbefaler vi nattsafe.

Bruken av kontantar går kraftig tilbake. Derfor bør du tilby andre betalingsmåtar, også på arrangement. Med Vipps kan de ta betalt raskt og enkelt over disk.

Alle bedrifter (AS og ENK), med norsk organisasjonsnummer kan søke i KAR-registeret.

Ei bedrift som gjer eit søk på vegne av ei anna bedrift, er ansvarleg for å bruke registeret på riktig måte.  

I KAR-registeret finn du kontoar frå alle bankane i Norge – både bedrifter og privatpersonar.

Du kan bruke Click to Pay i alle nettbutikkar som støttar løysinga. Sjå etter Click to Pay-ikonet ved utsjekk.

Ja. Du kan når som helst deaktivere Click to Pay i mobilbank eller nettbank under Kort, og har full kontroll over kva kort som er registrert.

SpareBank 1 har Click to Pay-støtte for både Visa og Mastercard. Du kan legge til både eit bankkort og kredittkort og velje kva kort du vil bruke ved betaling.

Ja. Click to Pay bruker avansert sikkerheit frå Visa og Mastercard, inkludert kryptering og tokenisering. Du slepp å oppgi kortinformasjon til nettbutikken og bekreftar som regel også kjøpet med BankID – akkurat slik du er vant til.

Nei. Du kan bruke Click to Pay utan å opprette konto hos nettbutikken. Nettbutikken får heller ikkje kortinformasjonen din med Click to Pay.

Nei. Du aktiverer Click to Pay direkte i mobilbanken eller nettbanken –  utan å registrere deg hos eksterne aktørar.

IBAN står for International Bank Account Number. Det er kontonummeret du skal bruke når bedrifta skal betale eller få betalt frå utlandet.

• Finn bedriftskontoen sin IBAN i nettbanken: Gå til kontoar - klikk på ein konto - finn IBAN under kontoinformasjon.
• Finn IBAN utan å logge inn i nettbanken (men du må hugse kontonummeret).

BIC/SWIFT er banken sin internasjonale kode eller adresse.

• Vår BIC/SWIFT er SOFJNO22.

• Andre bedrifter sin BIC/SWIFT kan du finne her.

• Viss du får opp "Filoverføring feila" eller "Katalog og/eller fil ugyldig"
  Sjekk at du har tilgong til stasjonen og katalogen fila er lagra i.
  
  
• Viss du får opp "fakepath" i filstien
  Når det blir lagt opp filstiar kan det nokre gonger hende at dei blir omsett til "fakepath".  

Når ein har sendt inn ein Pain001 fil med utbetalingar, skal ein laste ned Pain 002 mottakreturfil, som viser om noko er feil eller om alt er ok i innsendt Pain001 fil. For betalingane som er utført lastar ein ned Camt054D avrekningsreturfil. 

SEPA står for Single Euro Payments Area, og er eit felles betalingsområde for euro som skal gjere det lettare å handle på tvers av land tilhøyrande EU/EØS i Europa. ISO 20022 XML er det nye formatet for innsending av betalingsfiler som skal nyttast for betalingar i euro innan SEPA og som har vore gjeldande frå 31. oktober 2016.

Les meir om nytt filformat for euro-betalingar. 

Eit reservert beløp er pengar som skal belastast kortet ditt, men som ikkje er trekt endå.

Når du brukar kortet ditt, blir ikkje pengane trekt med ein gong. Først sjekkar vi om det er dekning, og dersom det er det, blir beløpet reservert. Kor mykje du har disponibelt blir redusert med tilsvarande beløp, sjølv om saldoen framleis er uendra. Først når transaksjonen blir bokført neste virkedag, blir saldo oppdatert.

Vi anbefaler at du i alle fall betalar minstebeløpet på rekninga, så slepp du å få purregebyr.

Viss du ikkje kan betale minstebeløpet, ta kontakt, så finn vi ei løysing saman.

Betalar du ned alt du har lånt innan forfallsdato, kostar det deg ingenting. Viss du vel å utsetje å betale heile eller delar av kredittkortrekninga, blir det lagt til renter på lånet til summen er betalt ned.

Priseksempel ved utsett betaling:

Oversikt over betalingar finn du i nettbanken under Betaling > Transaksjoner > Kontobevegelser. Her kan du også ta ut bilag på alle betalingar. 

Det er kun mogleg å gjere innskot i eigen banks innskotsautomat og med identifikasjon med kort utstedt av din SpareBank 1-bank.

Det er altså ikkje mogleg å setje inn pengar på ein konto i SpareBank 1 i ein annan banks innskotsautomat, heller ikkje ein annan SpareBank 1-bank.   

Kva alternativ har eg?
Med tenesta Kontanttenester i butikk kan du ta ut og setje inn kontantar med bankkortet ditt og PIN-kode i matbutikken. Tenesta er tilgjengeleg i ca. 1450 butikkar i NorgesGruppen fordelt over heile landet.

Betalinga ligg i forfallsregisteret i 4 dagar. Viss den ikkje blir betalt i løpet av dei fire dagane, blir den flytta til "Ikkje utførte betalingar".

Tidlegare eFakturaer finn du i Fakturatjenesta under arkiv.

For å få tilgong til Fakturatjenesta må du vere brukar. Administrator i Fakturatjenesta kan opprette nye brukarar og gi tilgong.

Du kan bruke vårt skjema for å bestille Avtalegiro fast betaling.

Ønsker du meir informasjon om tenesta kan du sjå vår produktside for Avtalegiro.

NB: Viss du får neste rekning i posten, er det fordi den blei laga før Avtalegiroen blei oppretta. Den må betalast som vanleg.

For å avstemme manuelt må du lage filoppsett i nettbank bedrift. Klikk på Meny og Filoppsett under overskrifta Filer, klikk deretter på knappen Nytt filoppsett.
Lag namn på filoppsettet, vel filtype Bankavstemming ISO (camt.053 kontoinformasjon) ved hjelp av nedtrekkspil. Lag også filnamn for avstemmingsfil og lagre filoppsettet. 

Deretter vel du Bankavstemming i toppmenyen. Lag Ny manuell bankavstemming eller Ny gjentakande bankavstemming. Bankavstemmingsfila legg seg under menyval Hent filer. Fila kan då lastast ned og lagrast på ønska område for deretter å hentast inn i rekneskapsprogrammet.  

Dagens valutakurs er prisen på valutaen i eitt land målt opp mot valutaen i eit anna land i dag. Viss dagens valutakurs for euro er 11 kroner, vil det seie at 1 euro kostar 11 kroner for oss nordmenn.

Prisen på ein valuta blir bestemt av kor mange som vil kjøpe og selje den. Enkelt forklart går prisen på ein valuta opp viss etterspørselen er høg, og ned viss etterspørselen er låg.

Viss utanlandsk valuta er dyr i norske kroner, seier vi at krona er svak. Då blir det dyrare for oss å handle eller feriere i utlandet. Er utanlandsk valuta billeg, seier vi at krona er sterk, og det blir billegare for oss å handle eller feriere i utlandet.

For at pengane skal komme fram, må dei som skal betale ha denne informasjonen: 

• Namnet og adressa til bedrifta
• Bedrifta sitt IBAN nummer. Finn IBAN her
• Vår BIC/SWIFT-adresse som er SOFJNO22
• valutasort og beløp

Viss du har mista bankkortet ditt, eller det har blitt øydelagt, kan du enkelt bestille nytt i nett- eller mobilbanken. Det kostar 300 kroner, og du vil få det nye kortet i posten etter cirka ei veke. 

Logg inn i nettbank bedrift. I menyen går du til Kort, og vel det kortet du vil sjå PIN-koden på. Trykk på Vis PIN-kode for å sjå koden. 

Lån utan sikkerheit eller lån utan pant er lån der banken ikkje tar pant i bustaden din eller andre ting du eig som sikkerheit for lånet. Dette gir høgare risiko for banken, noko som er grunnen til at usikra lån som forbrukslån og kredittkort òg har høgare rente enn til dømes bustadlån og billån.

Det kan vere fleire årsaker til at kortet ditt ikkje fungerar:

• Du må aktivere nytt kort før det kan brukast til netthandel
  Har du fått nytt kort og skal handle på nett? Då må du aktivere kortet først. Dette gjer du enten med å bruke kortet i butikkterminal og taste inn PIN, eller du kan aktivere kortet i mobilbanken eller nettbanken under menyvalet Kort.

• Kortet ditt kan vere slite eller øydelagt
  Bestill nytt i mobil- eller nettbanken eller kontakt oss. 

• Har du gløymt PIN-koden?
  Viss du tastar feil kode tre gongar, blir kortet ditt automatisk sperra.  Har du gløymt koden, kan du hente han i mobilbanken eller nettbanken. Du kan opne kortet igjen i ein minibank ved å taste riktig kode. PS: PIN-koden på kredittkortet er som regel den same som på bankkortet.

• Har du aktivert regionsperre?
  Er du i utlandet, kan det vere regionsperra som gjer at du ikkje får brukt kortet ditt. Viss dette er tilfelle skal du ha fått ein SMS om at kortet er prøvd brukt i utlandet. Regionsperra kan du oppheve i mobilbanken.
  
  

Sjå også

• Kvifor verkar ikkje kontaktlaus betaling?
  

For kredittkortet er dette avgrensa av kredittgrensa di. Det høgaste beløpet du kan betale med kortet er det same som du har igjen av tilgjengeleg kreditt.

Du kan sjekke tilgjengeleg kreditt under kredittkortet i nettbanken. Der kan du også sjekke – og endre – kredittgrense.

For å få rabatt på strøymetenester, må du betale abonnementa dine med Mastercard Ung-kortet ditt. Du får automatisk 20 % rabatt kvar gong du blir belasta, inntil 500 kroner per år. Rabatten gjeld både for film, musikk, seriar og podkastar.

Når du brukar eit kredittkort, lånar du pengar av banken. Kredittgrensa di, eller kortet si kredittramme, er det maksimale beløpet du totalt kan låne før du må betale tilbake. Når kredittramma er «brukt opp», kan du ikkje bruke kredittkortet igjen før du har betalt inn på kredittkortet.

Kvar gong du betalar med kredittkortet, brukar du altså av kredittramma. Når du betalar ned heile eller delar av gjelda, anten via kredittkortfakturaen eller ved at du betalar inn ekstra i nett- eller mobilbanken, blir summen du betalar inn igjen tilgjengeleg for bruk.

Har for eksempel kortet ditt ei kredittramme på 20.000 kroner, og du brukar 10.000 kroner, har du 10.000 kroner igjen av kredittramma. Betalar du så inn 5.000 kroner, aukar den tilgjengelege kreditten din til 15.000 kroner.

Kor høg kredittgrense du kan få, avheng av ting som inntekt, betalingshistorikk og kor mykje gjeld du har frå før.

Sjå også

• Korleis endre eg kredittgrense på kredittkortet mitt?
• Eg ønsker å betale inn ekstra på kredittkortet.

Mikrokortet er eit tillegg til det ordinære bankkortet og fungerer på akkurat same måte, men berre kontaktlaust. For beløp under 500 kroner er det berre å «tæppe» på bankterminalen, og for beløp over 500 kroner må du taste PIN-koden. Koden på mikrokortet er den same som for dine andre kort frå SpareBank 1.

Inni kortet ditt er ei lita antenne som kommuniserer trådlaust med terminal i butikk. Denne antenna blir påverka av slitasje og særleg ved røff behandling ved til dømes at kortet blir bøygt.

Dersom kortet sluttar å verke, kan du bestille nytt i nett- eller mobilbanken eller du kan kontakte oss på 57 82 97 00.

Garmin Pay fungerer med både bankkort og kredittkort. Alle kort som støttar kontaktlaus betaling kan brukast med Garmin Pay.

Når du skal betale, vel du Garmin Pay på klokka og held den mot betalingsterminalen.

Viss betalingsterminalen støttar kontaktlaus betaling med kort (tæpping), fungerer den òg med Garmin Pay. Du kan med andre ord betale med Garmin Pay dei aller fleste stadene i Norge, og også mange stader i utlandet. Sjå etter symbolet for kontaktlaus betaling.

Det kostar ikkje noko ekstra å bruke Garmin Pay.

Garmin Pay er ei teneste som gjer at du kan betale med Garmin-klokka di i staden for det fysiske kortet ditt.

Dette hentar du i VPS (verdipapirsentralen) sin eigen portal.

Viss du ønsker å avslutte eit abonnement kan du gjere det enkelt i mobilbanken eller nettbanken. Vel den kontoen du betaler abonnementet frå. I oversikta som viser dei siste transaksjonane på kontoen, vil du få opp valet Endre abonnement ved betalingar som du kan avslutte abonnementet på.

Sjå også

Kor får eg hjelp og svar på spørsmåla mine om oppseiing av abonnement?
Kva er Minna Technologies?

Det er gjort ei kartlegging av kva abonnementstenster som er mest brukt. Om lag 20 av dei vanlegaste tenestene innan strøyming, mobil, trening, aviser osb. er lagt inn i denne første versjonen. Etter kvart vil du kunne seia opp fleire abonnement.

Nokre typar abonnement vil du ikkje kunne seie opp. Det gjeld f. eks. straum, som ikkje kan seiast opp med mindre kunden endrar adresse. Amerikanske abonnement kan per no heller ikkje seiast opp fordi tenesta frå Minna Technologies bygger på europeisk lovgjeving.

Minna Technologies er eit selskap som har spesialisert seg på̊ å avslutte abonnement. SpareBank 1 har inngått ein samarbeidsavtale med Minna Technologies, slik at du enkelt kan avslutte abonnement du ikkje lenger treng gjennom løysinga deira. Dette gjer du enkelt i mobilbanken eller nettbanken.

Sjå også
Korleis fungerer det når eg seier opp abonnementet i mobil- eller nettbank?

Betalingar med OCR og KID blir berre viste som ein totalsum i nettbanken. For å sjå alle betalingane må du laste ned filene frå nettbanken og inn i rekneskapsprogrammet.

Slik kan du bruke KAR-registeret i bedrifta di

KAR-registeret gjer at bedrifta di kan unngå å betale til feil person eller til ein konto som ikkje er aktiv. Det gjer at du slepp kluss og sparer tid. Som bedrift kan du slå opp i KAR-registeret på fleire måtar:

• Bruk nettbank bedrift eller Kundeportalen til Nets for å slå opp ein eller fleire kontoar. Tilgong får du gjennom oss. 
• Bruk bedrifta sine eigne rekneskapsprogram eller betalingsløysingar. Tilgong og behandlingstid er avhengig av programma de bruker. Vi kan sjølvsagt hjelpe deg med å få tilgong og setje dette opp. 

Enkeltpersonføretak (ENK) kan som ein hovudregel berre få tilgang til å sjekke om ein konto er aktiv og kan ta imot betalingar. ENK som er underlagt teieplikt i lov kan spørje på kombinasjonen kontonummer/fødselsnummer.

Føretak kan gjere ei spørjing på vegner av eit annan føretak, men er då ansvarleg for at formålet med bruk av KAR blir overhalde. Dette gjeld òg ENK underlagt teieplikt.

Har du spørsmål om KAR-registeret, og korleis du kan bruke det i bedrifta di? Ta kontakt med oss, så hjelper vi deg vidare. 

Behaldningsoversikt kjem ut i januar. Dokumentet finn du i nettbank bedrift under Transaksjoner -> Arkiv. Vel "Andre kundemeldinger".

Så snart dokumentet for årsoppgåve for fond er klart finn du dette i nettbank bedrift under Transaksjoner -> Årsoppgåve.

Den som er administrator kan avslutte konto inne i nettbank bedrift.

Slik gjer du det: Gå til Mi oversikt - Kontoar, klikk på kontoen det gjeld og finn Avslutt konto nede til høgre i bildet.

Du kan òg avslutte ein konto ved å fylle ut skjemaet på knappen nedanfor. Den som har signaturrett får tilsendt dokument for avslutning av konto som må signerast elektronisk. 

Hugs å hente ut bilag, som kontoutskrifter eller inn- og utbetalingar før du avsluttar ein konto. Disse har du ikkje tilgang til etter at konto er avslutta.

Viss det er ein skattetrekkskonto med pengar på konto, må du fyrst kontakte Skatteetaten for å få frigitt pengane, før du kan avslutte kontoen.

Skal du avslutte depositumskonto gjeld eigne reglar.

KAR-registeret blir oppdatert kvart døgn.

Frå du har bestilt tilgong, kan det ta inntil 3 virkedagar før KAR er aktivert.

Du kan avslutte kundeforholdet ved å klikke på knappen nedanfor. Fyll ut skjemaet og huk av for at du skal avslutte heile kundeforholdet. Den som har signaturrett får tilsendt dokument for avslutning av kundeforhold som må signerast elektronisk. 

Hugs å hente ut bilag, som kontoutskrifter eller inn- og utbetalingar før du avsluttar ein konto. Desse har du ikkje tilgang til sjølv, etter at kundeforholdet er avslutta.

Viss det er ein skattetrekkskonto med pengar på konto, må du først kontakte Skatteetaten for å få frigitt pengane, før du kan avslutte kontoen, og kundeforholdet.

Har du ein depositumkonto som også skal avsluttast gjeld eigne reglar.

Når du får eit nytt bankkort må kortet aktiverast. Det kan du gjere enten ved å bruke det i ein betalingsterminal, eller ved å aktivere det i nettbank bedrift under Kort. Det er korteigar eller administrator som kan aktivere kortet i nettbank bedrift.

Er du korteigar og privatkunde i banken kan du også aktivere kortet i den private nettbanken din under fana Kort.

Vi kan tilby filmottak hos TietoEvry slik at kunden kan sende og motta filer/betalingsinformasjon direkte til og frå rekneskapsprogrammet. Denne måten å sende filer på skjer over ein sikker kommunikasjonskanal, metoden heiter «SFTP» som står for «Secure File Transfer Protocol». 

Kven er dette for?

• Rekneskapsleverandørar: Dei som leverer sentraliserte system. Med sentraliserte system så meiner vi at all filoverføring skjer gjennom eit sentralt system for alle som bruker rekneskapssystemet.
• Dei som leverer til lokale installasjonar. Ein lokal installasjon betyr at leverandøren av rekneskapssystemet ikkje har nokon sentral handsaming av filene for kundane, kundane handsamar alt dette sjølv 

Ta kontakt med oss, så vil vi bistå med bestillinga. 

Sjekk om betalinga er avvist anten ved å nytte Pain002 mottaksreturfil som oppdaterer rekneskapsprogrammet om noko er feil, eller sjekk i nettbank bedrift under betale, godkjenn og avviste om betalinga ligg der. Avviste betalingar vil ikkje kunne setjast i gang. Her må årsaka til at betalinga er avvist rettast, og betalingsforslaget må sendast på nytt. 

For å få endra betalinga må du slette den i nettbank bedrift, før du sender betalinga på nytt til rekneskapsprogrammet, med ønska endringar.

Kode for skattetrekk manglar i betalingsfila. Betalinga må markerast med TAX/skatt i rekneskapsprogrammet.  

Dersom du har flytta kundeforholdet til ein ny bank, tar du kontakt med leverandøren av betalingsterminalen. Dei sørger for at betalingane frå terminalen går til riktig konto i den nye banken. Leverandøren sender ei endringsmelding for BankAxept til din tidlegare oppgjersbank.

Ta kontakt med leverandøren av betalingsterminalen, dei sender oss endring eller oppseiingsmelding.

Dersom de har avtale om bruk av kredittkort, må det òg endrast eller seiast opp direkte mot leverandør.

BankAxept er eit norsk betalingssystem som gjer det mogleg å bruke bankkort i både fysiske butikkar og på nett. Det fungerer som ei kopling mellom betalingsterminalen og kortet ditt, og sørger for at betalinga går gjennom. Dei fleste vanlege bankkort i Norge har BankAxept innebygd.

I tillegg er norske bankkort ofte kombinert med internasjonale betalingssystem som Visa eller Mastercard, slik at dei også kan brukast i utlandet og på nettbutikkar som ikkje støttar BankAxept.

For deg som bruker kortet, er det liten forskjell om det er BankAxept eller Visa som blir brukt. Men norske butikkar vel som regel BankAxept fordi det har lågare kostnader, og dei får pengane på konto raskare.

BAX-nummer er eit seks eller sjusifra nummer som koplar bankterminalen til butikken eller staden den vert brukt. For at betalingane skal fungere som dei skal, må dette nummeret vere lagt inn og aktivt på terminalen.

BAX-nummer sørger for at BankAxept-betalingar verkar. Same BAX-nummer kan brukast på fleire terminalar dersom du har det.

Innbetaling Total er ei effektiv løysing for bedrifter som ønskjer betre oversikt og flyt i økonomien. Tenesta gir deg elektronisk rapportering av innbetalingar, både med og utan KID, og er ei vidareutvikling av dagens OCR/eGiro-løysing.

Med Innbetaling Total får du:

• Automatisk oppdatering av kundereskontro opptil fire gonger dagleg.
• Elektronisk handsaming av alle typar innbetalingar – uavhengig av kva bank kunden bruker.
• Direkte kontering mot opne postar, òg for innbetalingar utan KID.
• Raskare oppfølging og enklare avstemming av konto.

Løysinga byggjer på ISO 20022 XML-formatet og nyttar meldinga camt.054 – ein open standard som gjer det enkelt å integrere med dine eksisterande system.