Endre nettbanktilgangar
Som administrator i nettbank bedrift kan du enkelt legge til nye brukarar, og styre kva tilgangar dei skal ha.
Slik gjer du det:
Merk at du må vere administrator for å legge til nye brukarar. Brukar treng ikkje å vere kunde i Sparebank 1 frå før, men må ha BankID for å kunne logge inn. Har ikkje brukaren BankID må han eller ho kontakte banken sin for å få det.
Det er ingen avgrensingar i talet på brukarar i nettbank bedrift, men fleire brukarar kan føre til prisendringar, sjå vår prisliste.
1. Opprett brukar
- Logg inn i nettbanken
- Klikk Meny oppe til høgre. Vel Administrasjon og deretter Brukarar.
- Klikk på Opprett ny brukar.
- Fyll inn personnummer (11 siffer), førenamn og etternamn.
- Hugs å legge til tilganger og rettar, sjå punkt 3 nedanfor.
Trykk på knappen under for å gå direkte til riktig stad i nettbanken.
2. Velg ansvarsområde
I nedtrekksmenyen velger du kva ansvarsområde personen har i bedrifta. Du kan legge til fleire.
3. Legg til rettar til funksjonar og handlingar
- Velg tilgangar brukaren skal ha under Rettar til funksjonar og handlingar.
- Under Kontorettar vel du kontoane brukaren skal ha innsyn i. Brukaren får automatisk innsyn når du legg til ein konto via Legg til konto. Vil du gi godkjenning eller registreringsfullmakt, vel du det for den enkelte konto.
- Du kan enkelt kopiere tilgongar og rettar frå ein brukar til ein anna. Klikk på Kopier eksisterande brukar og velg brukar.
Sjå kva dei ulike tilgongane og rettane gir brukaren moglegheit til.
4. Lagre ny brukar
- Når du har valt dei tilgangar og rettane brukaren skal ha, vel du Signer og opprett nederst på sida.
- Signer deretter med BankID
No er brukaren lagt til. Tilgongane og rettane til personen gjeld umiddelbart.
1. Finn fram til brukar
- Logg inn i nettbanken
- Klikk Meny oppe til høgre
- Vel Administrasjon og deretter Brukarar
- Finn fram til, eller søk etter aktuell brukar i brukaroversikta
- Når du har funne brukaren klikkar du deg inn på brukaren.
2. Endre kontotilgangar
No står du på sida der du endrar på tilgangar til kontoar, funksjonar og handlingar for vald brukar.
Kontotilgangar
- Legg til kontoane du vil at brukaren skal ha tilgang til
- Huk av for funksjonane og tilgangane du ønskjer å tildele brukaren
- Du kan også kopiere tilgongar og rettar frå annan brukar. Under feltet Kopier eksisterande brukar velg du brukaren du vil kopiere frå
- Nederst på sida visast ei oppsummering av endringane du har gjort
- Lagre endringar
3. Endre funksjonstilganger
Klikk deg inn på fana for funksjonstilgangar
- Redigere tilgangar, funksjonar, handlingar og innsyn du vil at brukaren skal ha
- Lagre endringar
Endringane er utførte og gjeld umiddelbart.
Sjå kva dei ulike tilgangane og rettane gir brukaren moglegheit til
Trykk på knappen under for å gå direkte til rett stad i nettbanken der du kan endre tilgangar og rettar.
1. Finn fram til brukar
- Logg inn i nettbanken
- Klikk Meny oppe til høgre
- Vel Administrasjon og deretter Brukarar
- Finn fram til, eller søk etter aktuell brukar i brukaroversikta
2. Gjennomfør sletting
- Finn brukaren du ønsker å slette
- Deretter vel du ikonet for å Slette til høgre i oversikta
- Du får no opp kontrollspørsmål Ønsker du å slette brukar? Vel Ja og brukaren blir sletta frå nettbanken umiddelbart.
Trykk på knappen under for å gå direkte til riktig stad i nettbanken.
Dobbel godkjenning av betalingar i nettbanken bidrar til å skape tryggleik. Ved dobbel godkjenning må to personar i organisasjonen godkjenne betalinga, før fakturaen blir betalt.
Er de ein klubb som tilhøyrer Norges Idrettsforbund, har dei sett som krav at betalingar frå ein NIF-klubb skal ha dobbel godkjenning.
Administrator i nettbanken kan aktivere dobbel godkjenning, klikk på Meny, Kontoinnstillingar, Innstillingar og Endre godkjenning.
Ein medadministrator kan legge til og endre brukarar og brukarrettar saman med ein annan administrator eller medadministrator.
Bedrifta kan ha éin administrator eller to medadministratorar i nettbanken. Ein administrator har full kontroll og kan gjere endringar åleine. Medadministratorar må derimot samarbeide – det vil seie at to personar må godkjenne endringar som gjeld brukarar og tilgongar. Dette gjev ein ekstra tryggleik for bedrifta.
Kva betyr ulike tilgangar og rettar
Kontorettar
- Innsyn: Brukaren kan sjå saldo og transaksjonar på kontoar som er lagt til. Innsyn settast automatisk til på når ein konto leggast til. Bruk Legg til konto for å gi innsyn til fleire kontoar, eller Fjern konto for å fjerne innsynet.
- Registrere betalingar gir moglegheit til å registrere betalingar og legge inn maksbeløp på rekningar, overføre mellom eigne kontoar, samt registrere betalingslister og sende eller hente filer.
- Godkjenne betalingar gir moglegheit til å godkjenne utbetalingar og maksimumsbeløp.
- Lønn gir moglegheit til innsyn og godkjenning av lønnsfiler og lønnslister. Brukar må ha registreringsrett for å registrere og utføre lønnslistebetaling.
- Overføringar gir moglegheit til å overføre mellom eigne kontoar.
Funksjonar og handlingar
- Administrering av filer gir tilgang til å administrere alle filer og filoverføringar viss bedrifta har avtale om filutveksling med banken.
- Endre bedriftens kontonavn gir tilgang til å endre kontonavn på alle bedriftens kontoar. Endringane er synlege for alle brukarar.
- Innsyn fond gir innsyn i bedrifta sine fond.
- Innsyn i avtalar gjev innsyn i bedrifta sine signerande dokument og avtalar i banken.
- Innsyn i alle brukartilgangar gir innsyn i kva tilgangar andre brukarar har, men kan ikkje endre nokre roller eller rettar. Brukast for eksempel til revisjon.
- Innsyn i leasing, garantiar og køyretøylån gjev innsyn i bedrifta sine noverande og framtidige finansiering frå finansieringsselskapa i SpareBank 1-alliansen.