Kva er periodisering?

Kva kan periodiserast?

Alle bevegelsar i økonomien i bedrifta kan i utgangspunktet periodiserast. Dette kan vere inntekter, kostnader, eller lønn til dei tilsette. Poenget er at dei blir knytte til den tidsperioden som er mest naturleg, slik at rekneskapen til bedrifta blir så korrekt som mogleg.

Periodisering av kostnader

Du skal alltid så langt det lèt seg gjere knytte kostnadene i rekneskapen til den tidsperioden dei faktisk gjeld. Då kan du periodisere desse for å gi eit riktig bilete av kvar kostnaden eigentleg høyrer heime i rekneskapen.

Eit døme på dette kan vere at bedrifta har ei stor utgift i januar som ikkje blir rekneskapsført før i februar, då vil det sjå ut som at januar har vore ein betre månad enn det i verkelegheita har vore. Du kan då velje å periodisere denne til januar for å få det meir korrekt.

Eit anna døme er at du betaler for leige av kontor for eit halvt år fram i tid, då ønsker du gjerne å periodisere denne med likt beløp kvar månad som leiga gjeld for, slik at dei månadlege kostnadene fordeler seg riktig i rekneskapen.

Korleis blir ein periodisering gjort? 

Det er vanlegast å periodisere kostnader, fordi alle bedrifter stort sett får ein faktura som gjeld for ein lengre periode enn den månaden fakturaen er datert. Eit grunnleggande rekneskapsprinsipp er at alle fakturaer skal bokførast på fakturadato, altså den datoen som står på fakturaen.

Når du periodiserar ein faktura legg du heile fakturaen i rekneskapen sin balanse som ei forskotsbetaling. Du bokfører det totale fakturabeløpet mot ein balansekonto for forskotsbetalte kostnader, og fordeler fakturabeløpet på dei periodane fakturaen gjeld for ved å auke kostnaden og redusere beløpet i balansen tilsvarande. Viss du har gjort det riktig vil beløpet gå i null ved slutten av perioden fakturaen gjeld for.

Viss du bruker eit rekneskapsprogram er det ofte ein automatisk funksjon for å periodisere, men det kan vere greitt å vite kva programmet gjer, slik at du får ei betre forståing for rekneskapen din.