Banken si rolle i omstillinga
– Trond Teigene, adm. direktør i SpareBank 1 Sogn og Fjordane

«Klimaendringane er i aukande grad stadig meir merkbare og utgjer ei aukande påkjenning på verda. Det er ein av vår tid sine største utfordringar. Klimakrisa kan ikkje løysast av land, organisasjonar og selskap åleine. Vi må finne løysingar i fellesskap globalt.»

«Den enkelte aktør må finne ut korleis dei skal bidra, og kva for ei rolle dei skal ta. Som ein regional sparebank i Sogn og Fjordane har vi ei viktig rolle i omstillinga. Næringsstrukturen i regionen er prega av utsleppsintensive bransjar, og det kan få konsekvensar. I regionen vår er vi tett på både folk og næringsliv, og vi ser korleis klimautfordringane påverkar lokalsamfunna. SpareBank 1 Sogn og Fjordane ynskjer å vere ein støttespelar for kundane våre gjennom krevjande tider og bidra til å skape løysingar som både reduserer utsleppa og styrkjer næringslivet i regionen. »

...

«Klimaovergangsplanen vår rettar eit fokus på sektorane som står for høge utslepp og størst energiforbruk; næringseigedom, bustadeigedom, landbruk, fiskeri, havbruk, sjøtransport og bygg og anlegg. Samtidig er vi opptekne av å ha orden i eige hus. Sjølv om banken si eiga drift ikkje er blant dei største kjeldene til utslepp, skal vi gå i front og redusere våre eigne utslepp og støtte opp under dei same forventningane vi har til kundane våre. »

For å lese fullstendig klimaovergansplan for SpareBank 1 Sogn og Fjordane kan du laste den ned.