Trond Teigene
Administrerande direktør
Trond Teigene (1968) er administrerande direktør i SpareBank 1 Sogn og Fjordane. Det har han vore sidan våren 2016 då han kom frå stillinga som direktør for
Strategi og Forretningsutvikling. Teigene har jobba i banken sidan 2000. Han sit i styret i SpareBank 1 SamSpar AS, Samarbeidende Sparebanker AS og
Samarbeidende Sparebanker Utvikling DA. Teigene har ein mastergrad i strategisk leiing frå Handelshøyskolen BI.
Linda Vøllestad Westbye
Direktør privatmarknad
Linda Vøllestad Westbye (1979) har vore direktør for privatmarknaden sidan mai 2018. Ho kom frå stillinga som avdelingsdirektør i Lotteri- og Stiftelsestilsynet. Ho
har tidlegare og jobba i Landsforeningen for Trafikkskadde og ved Universitet i Bergen. Westbye sit i styret for EiendomsMegler 1 Sogn og Fjordane AS,
Bustadkreditt Sogn og Fjordane AS og Norsk Tipping AS. Ho har ein mastergrad i sosialantropologi frå Universitetet i Bergen.
Roy Stian Farsund
Direktør bedriftsmarknad
Roy Stian Farsund (1975) har vore direktør for bedriftsmarknaden sidan januar 2021. Han kom frå stillinga som banksjef for bedriftsmarknaden i Sunnfjord. Farsund starta i banken i 2008 og har tidlegare jobba i Nordea. Farsund har ein mastergrad i strategileiing frå Handelshøyskolen BI, og sit i styret i SpareBank 1 Finans Midt-Norge AS.
Frode Vasseth
Direktør finans og forretningsstøtte
Frode Vasseth (1977) starta i SpareBank 1 Sogn og Fjordane i 2002, og har vore direktør for økonomi og finans sidan 2013. I januar 2026 gjekk han over i ei meir utvida rolle som Direktør finans og forretningsstøtte. Vasseth sit i styret i Bustadkreditt Sogn og Fjordane AS og Eiendomskreditt AS. Han er utdanna siviløkonom og har ein MBA i finans frå Norges Handelshøyskole.
Reiel Haugland
Direktør kunde og marknad
Reiel Haugland (1981) har vore direktør for teknologi sidan 2016, men gjekk i 2023 over som leiar for prosjektet knytt til banken sin overgang til SpareBank 1-alliansen. Denne jobben hadde han ut 2024, og gjekk tilbake til jobben som teknologidirektør fram til slutten av 2025. Frå januar 2026 gjekk han inn i rolla som Direktør kunde og marknad. Han starta som trainee i 2007, og sidan det har han mellom anna vore fagsjef forretningsutvikling. Haugland er styreleiar i Førdefestivalen og styremedlem i Sunnfjord Utvikling AS. Han har ein bachelor frå Høgskulen i Volda og ein mastergrad i teknologi og innovasjon frå Norges Handelshøyskole.
Johanne Viken Sandnes
Direktør kommunikasjon og samfunn
Johanne Viken Sandnes (1983) starta i banken i november 2017 som leiar for marknad og kommunikasjon. I juli 2022 fekk ho stillinga som kommunikasjonsdirektør, og i januar 2026 gjekk ho over i stillinga som Direktør kommunikasjon og samfunn. Sandnes har tidlegare jobba som kommunikasjonsrådgjevar i TV 2 og i Knowit Experience. Sandnes sit i styret i Framtidsfylket. Ho har ein bachelor frå Høgskulen i Volda, og har starta på Master of management på BI.
Harald Slettvoll
Leiar risikostyring og etterleving
Harald Slettvoll (1974) har vore leiar for risiko og etterleving sidan 2017. I perioden 2008-2016 arbeidde han også med risikostyring i banken, i tillegg til at han i seks av åra var dagleg leiar for dotterselskapet Bustadkreditt Sogn og Fjordane AS. Før han vart tilsett i banken, arbeidde han som høgskulelektor ved Høgskulen i Sogn og Fjordane. Slettvoll tok utdanninga si som samfunnsøkonom ved Universitetet i Bergen.
