Slik tar vi vare på pensjonen din
Vi sørger for at pensjonspengene dine jobbar for deg, slik at dei kan vekse over tid og gi deg ein trygg pensjon.
Oversiktleg
Full oversikt i Min pensjon.
Langsiktig
Investert for vekst over tid.
Ansvarleg
Tydelege krav til investeringane.
Kva er kapitalforvaltning?
Når du sparer til pensjon, tar vi vare på pengane dine ved å investere dei og følge dei opp over tid. Dette blir kalla kapitalforvaltning.
Vår jobb er å sørge for at pensjonspengane dine jobbar best mogleg for deg – år etter år, heilt fram til du skal bruke dei.
Vi gjer dette ved å
- investere langsiktig
- fordele pengane på mange investeringar
- tilpasse sparinga til din situasjon
- stille krav til ansvarlege investeringar
Du slepp å følge med sjølv – vi tar jobben.
Det viktigaste valet for pensjonen din
Pensjonssparinga di blir investert i aksjar og rente. Det er éin ting som betyr meir enn noko anna: kor stor andel som blir plassert i aksjar.
- Aksjar gir høgare forventa avkastning over tid, men svingar meir.
- Renter gir meir stabilitet, men lågare forventa avkastning.
Over tid er det fordelinga mellom aksjar og renter som har størst betydning for kva du får i pensjon. Når det er mange år att før du skal gå av med pensjon, toler sparinga betre dei svingingane som følger med aksjemarknaden.
Kva er ein spareprofil?
Ein spareprofil bestemmer fordeling mellom aksjar og rente. Det gjer det enklare å velje rett risiko for deg.
Du kan velje mellom spareprofilar med
- ulik risiko
- sparing tilpassa kor lenge du skal spare
- automatisk nedtrapping mot pensjon
Du kan òg få hjelp av vår digitale rådgjevar til å finne ei løysing som passar dine behov.
Nedenfor ser du kva spareprofilar du kan velje mellom.
Kva spareprofil passar for deg?
Her ser du dei ulike spareprofilane du kan velje mellom. Deretter vel du korleis pengane skal forvaltast.
Aldersjustert spareprofil
For deg som vil at sparinga tilpasser seg automatisk.
- Høg aksjeandel i starten gir gode moglegheiter for vekst.
- Risikoen blir trappa gradvis ned mot pensjon.
- Aksjeandelen blir redusert frå 100 til 20 prosent mellom 40 og 67 år.
- Ein liten andel av sparinga vert investert i eigedom (gjer ikkje svanemerka forvaltning).
Aksjar: 100 % aksjefond
For deg som vil ta høg risiko for høgast mogleg forventa avkastning.
- 100 % aksjar / 0 % renter.
- Høgast forventa avkastning, men også størst svingningar.
- Aksjeandelen trappar ned frå 100 til 40 prosent mellom 57 og 67 år. Du kan slå av nedtrappinga viss du ønsker det.
Offansiv: 75 % aksjefond
For deg som ønsker høg risiko og høg forventa avkastning.
- 75 % aksjar / 25 % renter.
- Høgare forventa avkastning enn moderat sparing, men også større svingningar.
- Aksjeandelen trappar ned frå 75 til 30 prosent mellom 57 og 67 år. Du kan slå av nedtrappinga viss du ønsker det.
- Ein liten andel av sparinga vert investert i eigedom (gjelder ikkje svanemerka forvaltning).
Moderat: 50 % aksjefond
For deg som vil ha ein balanse mellom tryggleik og forventa avkastning.
- 50 % aksjar / 50 % renter.
- Jamnare utvikling med gode moglegheiter for avkastning over tid.
- Aksjeandelen blir trappa ned frå 50 til 20 prosent mellom 57 og 67 år. Du kan slå av nedtrappinga viss du ønsker det.
- Ein liten andel av sparinga vert investert i eigedom (gjelder ikkje svanemerka forvaltning).
Forsiktig: 25 % aksjefond
For deg som ønsker låg risiko.
- 25 % aksjar / 75 % renter.
- Avgrensa svingningar og noko vekst.
- Aksjeandelen blir trappa ned frå 25 til 10 prosent mellom 57 og 67 år. Du kan slå av nedtrappinga om du ønsker det.
- Ein liten andel av sparinga vert investert i eigedom (gjelder ikkje svanemerka forvaltning).
Renter: 100 % rentefond
For deg som vil ta minst mogleg risiko.
- 0 % aksjar / 100 % renter.
- Stabil utvikling, men lågare forventa avkastning.
- Ein liten del av sparinga blir investert i eigedom (gjelder ikkje svanemerka forvaltning).
Korleis blir pengane forvalta?
Når du har valt spareprofil, vel du korleis investeringane skal forvaltast. Du kan velje mellom tre forvaltningsformer: aktiv, indeks eller svanemerka forvaltning. Felles for alle tre er at dei bygger på dei same prinsippa for langsiktighet, risikospreiing og ansvarlege investeringar.
Aktiv forvaltning
For deg som vil gi pensjonssparinga fleire moglegheiter.
- Vi meiner aktiv forvaltning gir betre moglegheiter for høgare avkastning over tid.
- Vi tar aktive investeringsval i staden for berre å følge marknaden.
- Erfarne forvaltarar gjer grundige analyser for å finne investeringsmoglegheiter andre overser.
- Vi investerer breiare, også i eigedom og unoterte selskap.
- Investeringane blir følgt tett opp med tydelege krav til berekraft.
Indeksforvaltning
For deg som vil følge marknaden til lågare kostnad.
- Pengane følger utviklinga i marknaden, ofte kalla passiv forvaltning.
- Investeringane er fordelte på mange selskap globalt.
- Kostnadene er lågare fordi investeringane følger marknaden.
- Selskap som bryt etiske krav, blir ekskludert.
- Målet er å gi marknadsavkastning over tid, utan å prøve å slå marknaden.
Svanemerka forvaltning
For deg som har tydelege krav til berekraft.
- Svanemerka forvaltning bygger på indeksforvaltning, men med strengare krav til berekraft.
- Investeringane vert valde blant selskap som scorer godt på klima og samfunnsansvar.
- Flere bransjar, som fossil energi og våpen, vert ekskludert.
- Forvaltninga er kvalitetssikra av Svanemerket.
- Svanemerka forvaltning har ein tydeleg berekraftsprofil, men kan ha litt andre svingingar enn marknaden.
Investerer i eigedom og fornybar energi
For å gi deg ein best mogleg pensjon investerer vi òg i eigedom og utvalde prosjekt innan norsk, fornybar energi.
Desse investeringane
- kan gi jamn og god avkastning over tid
- bidrar til betre spreiing av risiko
- gir tilgang til investeringar du normalt ikkje får som privatperson
Eigedom: Rundt fem prosent av sparinga blir investert i næringseigedom. Eigedom har historisk gitt stabil avkastning og bidrar til å gjere pensjonssparinga meir robust. SpareBank 1 Forsikring har lang erfaring med eigedom og eig bygg sentralt plassert i Oslo. Les meir om våre næringseigedomar.
Eigedom inngår i aktiv og indeksforvaltning, men ikkje i svanemerka forvaltning.
Fornybar energi: I aktiv forvaltning blir det også investert ein mindre andel i unoterte selskap innan fornybar energi. Dette gir fleire moglegheiter for avkastning og investeringar i løysingar for framtida.
Avkastningsrapportane
Tidlegare avkastning er ingen garanti for framtidig avkastning, men rapportane kan gi eit bilde av korleis spareprofilane og forvaltningsformene har utvikla seg over tid.
Når marknadene svingar
Når du sparer til pensjon, er det viktig å tenke langsiktig. Marknadene vil alltid gå opp og ned undervegs, men for pensjonssparing er det som regel viktigare å halde kursen enn å gjere endringar når marknaden svingar.
Få oversyn over pensjonen din
I kundeportalen Min pensjon kan du sjå korleis pengane dine er investert, velje spareprofil og følge avkastning over tid.
