Slik ivaretar Sparebank 1 Forsikring personvernet ditt

• Identifikasjon og personlege opplysningar som namn, fødselsnummer, D-nummer (mellombels identifikasjonsnummer), statsborgarskap og kopi av legitimasjon.
• Kontaktopplysningar som telefonnummer, e-postadresse og adresse.
• Finansiell informasjon som kunde- og produktavtalar, opplysningar knytt til arbeidsforhold (lønn og stillingsprosent, arbeidsstad), transaksjonsdata, investeringsval i samband med pensjonssparing, kontonummer, forsikringshistorikk.
  
• Lovpålagte opplysningar som skattemessig heimstad, utanlandsk skatteregistreringsnummer, opplysningar i samband med finansiell rådgjeving, opplysningar i samband med arbeid mot kvitvasking og rapportering til offentlege styresmakter.
  
• Særlege kategoriar av personopplysningar kan innhentast når det blir inngått ein forsikringsavtale. Då kan det til dømes vere behov for å innhente helseopplysningar. Det same gjeld ved krav om forsikringsutbetaling. Då kan det vere nødvendig å innhente helseopplysningar frå legejournal om noverande og tidlegare fysiske og psykiske lidingar, skadar, nedsett funksjonsevne, og opplysningar som kan synleggjere nedsett arbeidsevne. Behandling av helseopplysningar kan også inngå der det er nødvendig i utvikling av produktprisar, i analysar som er knytte til solvens- og soliditetskrav. 
  
• Enkelte pensjonsforsikringsprodukt er tilbydd i fordelsprogrammet LOfavør. I desse tilfella behandlar vi opplysningar om fagforeiningsmedlemskap, dersom det er gjeve samtykke til det.
• Lydopptak kan vere opptak av samtalar.
  
• Andre typar personopplysningar som sivilstatus, kjønn, og yrke.
• Webadferd samlast inn på våre nettsider og i pensjonsportalar.

Frå deg

Dei personopplysningane som vi registrerer om deg, blir ofte også henta direkte frå deg. Som til dømes når du kjøper pensjonsforsikring, ved behandling av forsikringskrav, ved etablering av forsikringsprodukt eller når du elles nyttar deg av tenestene våre. 

Frå tredjepartar

I samband med kjøp av forsikring, endring eller fornying av forsikringar, kan vi også innhente informasjon frå andre (tredjepartar). Det same gjeld ved behandling av forsikringskrav, overhaldelse av lovkrav og kvalitetssikre opplysningar. Dette er nødvendig for å kunne tilby deg våre tenester og overhalde lovkrav som vi er pålagde. 

Døme på innhenting av informasjon frå tredjepartar som offentleg tilgjengelege kjelder og register eller kjelder frå private verksemder kan vere:

• Register som blir ført av offentlege myndigheiter (til dømes Folkeregisteret) 
• Firmaregister
• Sanksjonslister (som førast av internasjonale organisasjonar som EU og FN samt nasjonale organisasjonar som Office of Foreign Assets Control (OFAC)).
• Register som leverer informasjon om, til dømes reelle rettighetshavarar og politisk eksponerte personar. I samband med etablering av kundeforhold er vi lovpålagde å innhente opplysningar om verksemda sine nøkkelpersonar og reelle rettighetshavarar. Opplysningane blir innhenta frå Brønnøysundregistera og kommersielle informasjonstenester som leverer informasjon om mellom anna reelle rettigheitshavarar og politisk eksponerte personar.
• NAV, blant anna ved forsikringsoppgjer
• Skatt, til dømes opplysningar om inntekta di dersom arbeidsgjevaren din har tenestepensjon i SpareBank 1 Forsikring
• Arbeidsgjevar som har tenestepensjon hos SpareBank 1 Forsikring AS
• Norsk Pensjon. Norsk Pensjon er leverandør av pensjonsopplysningar til SpareBank 1 Forsikring AS som er regulert i ein eigen avtale mellom Norsk Pensjon og SpareBank 1 Forsikring AS
• Helseinstitusjonar og helsepersonell
• Andre forsikringsselskap
• Pensjonskontoregisteret AS
• ROFF: Register over forsikringssøkarar og forsikra
• Selskapa i SpareBank 1-alliansen

Frå informasjonskapslar (cookies)

Vi samlar inn informasjon om bruken din av nettsidene våre, plattformer og digitale appar som trafikkdata, stadsdata og andre kommunikasjonsdata. Les meir om vår bruk av informasjonskapslar (cookies) her.

Ved behandling av personopplysningar om dei private forsikringane dine og opptente pensjonsrettar vil formålet med behandlinga vår vere kundeadministrasjon, rådgjeving, fakturering og gjennomføring av forsikrings- og rådgjvingstenester i tråd med dei avtalane som er inngått med deg.

Vi behandlar personopplysningar for å oppfylle forpliktingane våre i samsvar med lov, forskrifter eller myndigheitsavgjerder.

Våre behandlingar basert på rettslege forpliktingar omfattar mellom anna:

• Førebygging og avdekking av straffbare handlingar som kvitvasking av pengar, finansiering av terrorisme.
• Sanksjonsovervaking.
• Oppbevaring av opplysningar etter regnskapslovgjevning.
• Rapportering til skattemyndigheiter, politimyndigheiter og tilsynsmyndigheiter. 
• Statistikk, analyse, og risikoklassifisering
• Andre forpliktingar som er knytt til teneste- og produktlovgivninga. Vi kan til dømes vere forplikta til å ha oversikt over tilsette som er omfatta av ein pensjonsavtale. Vi er forplikta til å registrere bevis på opptent pensjonskapital. Vi kan også vere forplikta til å innhente og behandle helseopplysningar om deg frå ein tredjepart, for å kunne sikra rettane dine gitt i medhald i lov og ivareta regulatoriske forpliktingar som vi har.  
• It-sikkerheit som sørger for at dine personopplysningar er beskytta. Dette gjerast mellom anna gjennom tilgangsstyring, logging, kryptering og brannmurar.

Vi kan bruke personopplysningane dine dersom det er nødvendig for å ta vare på ei berettiga interesse som veg tyngre enn omsynet til personvernet ditt. Den berettiga interessa må vere lovleg, definert på førehand, reell og sakleg grunngitt i verksemda vår.

Behandlingane våre basert på berettiga interesse omfattar mellom anna:

• Marknadsførings-, produkt- og kundeanalysar som gjer det mogleg å forbetre løysingane våre og tilby best moglege tilbod, produkt og tenester til kundane våre.
• For at vi skal kunne gje tilbod, etablere, gjere kundeadministrasjon og fakturere tenestepensjonsavtalar når du ikkje er ein part i avtalen.
• Kontroll, rapportering og analyse som gjer det mogleg for oss å utvikle forretninga og systema våre, i tillegg sikre god styring av verksemda vår. For å førebygge, avdekke, oppklare og handtere straffbare handlingar og bedrageri mot selskapet. Hensikta er å forhindre tap og auka premie.
• Sikringstiltak som kameraovervaking, adgangskontroll når hensikta er å sikre at dine personopplysningar, selskapet sine verdiar og tilsette er beskytta mot tap, øydelegging eller uautorisert tilgang.

Når vi behandlar personopplysningar om deg med grunnlag i dei berettiga interessene våre, kan du protestere mot behandlinga. Les meir om retten til å protestere under Dine rettar. 

For å tilby produkt og tenester, samt for å oppfylle dei forpliktingane som vi har tatt på oss for gjennomføring av pensjons- og forsikringsavtalar (kunde- og avtaleadministrasjon) vil vi bruke personopplysningane dine for å oppfylle dei forpliktingane som vi har tatt på oss.

Vi vil ved vurdering av avtaleinngåing, og under avtaleforholdet registrere opplysningar om deg og andre personar som har tilknyting til avtaleforholdet, som til dømes favoriserte, forsikra og dessutan medlemmer i ein tenestepensjonsavtale.

Andre forsikringsleverandørar av same type avtale kan overta ei forsikring, til dømes dersom arbeidsgjevaren din flyttar tenestepensjonsavtalen frå SpareBank 1 Forsikring til ein annan pensjons- og forsikringsleverandør. I slike tilfelle vil SpareBank 1 Forsikring dele og elles behandle personopplysningar som er nødvendig for å gjennomføre flyttinga. SpareBank 1 Forsikring følger standarden til finansnæringa for overføring av opplysningar ved slik flytting.

Behandlingsgrunnlag: Avtale, rettsleg forplikting, berettiga interesse, det er nødvendig for å fastsetje, gjere gjeldande eller forsvare rettskrav. 

Når du set fram eit krav om utbetaling vil vi ha behov for å behandle personopplysningar.

Opplysningar som vanlegvis blir behandla i slike tilfelle er skatteopplysningar og pensjonsoppteningsopplysninger frå arbeidsgjevaren din. Det er også behov for å behandle finansielle opplysningar, slik som kontonummer for utbetaling til korrekt mottakar. Vi er vidare ansvarleg for å innhente opplysningar for å avklare kven som er korrekt mottakar.

Blir det sett fram eit krav i samband med uførleik må vi i tillegg behandle helseopplysningar. Behandlinga er nødvendig for å vurdere krava og gjere korrekt utbetaling.

Behandlingsgrunnlag: Samtykke, det er nødvendig for å fastsette, gjere gjeldande eller forsvare rettskrav. 

Vi behandlar personopplysningane dine for å fastsette, gjere gjeldande og forsvare rettskrav, til dømes dersom du er usamd i utfallet av ei forsikringssak hos oss. Sidan vi ikkje kan vere sikker på om eit krav vil settast fram, vert det lagra opplysningar for moglege framtidige krav.

Behandlingsgrunnlag: Det er nødvendig for å fastsette, gjere gjeldande eller forsvare rettskrav. 

SpareBank 1 Forsikring behandlar personopplysningar der det er nødvendig for å oppfylle krav frå styresmaktene og følge lover, blant anna dei som gjeld forsikringsføretak og forsikringsprodukt.

Behandlingsgrunnlag: Rettsleg forplikting. 

SpareBank 1 Forsikring kan behandle personopplysningar til det føremål å førebygge, avdekke, oppklare og handtere bedrageri og andre straffbare handlingar mot selskapet eller andre. I slike tilfelle vil vi kunne innhente informasjon og dele opplysningar med andre bankar og finansinstitusjonar, politiet og andre offentlege myndigheiter.

Vi er pålagt å rapportere mistenkelege opplysningar og transaksjonar til ØKOKRIM v/Enheten for finansiell etterretning (EFE). Ifølge personopplysningslova og kvitvaskingslova har du ikkje innsynsrett i enkelte opplysningar vi har registrert så lenge ei etterforsking går føre seg.

Behandlingsgrunnlag: Rettsleg forplikting, berettiga interesse. 

Bankane og føretaka i SpareBank 1 har teieplikt om kundeopplysningar. Som hovudregel gjeld denne teieplikta også mellom føretaka i SpareBank 1. Likevel kan føretaka i SpareBank 1 utlevere visse personopplysningar med kvarandre der det er tillate i lov. Dette kan vere: kontaktopplysningane dine og fødselsnummeret ditt, samt kva Sparebank 1-selskap du er kunde i og kva tenester og produkt du har inngått avtale om.

Bankane i Sparebank 1-alliansen er registrerte forsikringsmeklarføretak som mellom anna formidlar pensjons- og forsikringsavtalar for SpareBank 1 Forsikring AS.  Vi vil i slike tilfelle dele personopplysningar med den banken i SpareBank 1-alliansen som bistår deg med rådgjeving om pensjon og forsikring.

Viss du nyttar Norsk Pensjon for å få oversikt over pensjonsavtalane dine, vil opplysningane dine frå oss komme fram her. 

Når vi administrerar ein tenestepensjonsavtale som du er med i via arbeidsgjevaren din vil det bli overført oppdaterte opplysningar om tenestepensjonen din til arbeidsgjevaren din.

Vert ein avtale som du er registrert i flytta, vil vi overføre opplysningane til avtalen til andre forsikringsselskap.

For at du, som har pensjonskapitalbevis, skal kunne flytte kapitalbeviset utvekslar vi opplysningar med Pensjonskontoregisteret. Det same gjeld dersom du vel å flytte Eigen pensjonskonto.