Trond Tjensvold
Trond Tjensvold er ansvarleg forvaltar for SpareBank 1 Utbytte. I tillegg er han ein del av forvaltarteamet som fovaltar SpareBank 1 Norge Verdi og SpareBank 1 Verden Verdi.
Trond er utdanna BSc Buisness frå Handelshøyskolen BI og MSc Finance frå University of Strathclyde.
Han har djup erfaring frå finansmarknaden etter over 20 år i bransjen. Trond har bakgrunn som fovaltar i SR-Forvaltning sidan 2013. Han har vore ein del av teamet som har forvalta SR-Banks fond, som blei til SpareBank 1 Fondene, sidan oppstart. Før den tida var han aksjemeklar og partnar hos Pareto Securities.
Beate Bredesen
Beate Bredesen er ansvarleg forvaltar for SpareBank 1 Verden Verdi.
I tillegg er ho ein del av forvaltarteamet som forvaltar SpareBank 1 Norge Verdi og SpareBank 1 Utbytte.
Beate er utdanna siviløkonom frå Handshøyskolen BI og AFA frå Norges Handelshøyskole. I tillegg har ho studert "Digital transformasjon og bærekraft" frå NTNU.
Ho har erfaring frå finansmarknaden sidan 1997. Ho har tidlegare jobba som forvaltar i SR-Forvaltning og Skagen. Før den tida jobba ho som analytikar i Orkla si investeringsavdeling.
Tom Sanne
Tom Sanne er ansvarleg forvaltar for SpareBank 1 Norge Verdi. Han er også ein del av forvaltningsteamet som forvaltar SpareBank 1 Verden Verdi og SpareBank 1 Utbytte.
Tom er utdanna siviløkonom frå Norges Handelshøyskole, og er autorisert finansanalytikar frå NHH/NFF.
Han har lang erfaring frå finans, og har tidlegare jobba nesten 17 år i Equinor Asset Management som porteføljeforvalter på europeiske og asiatiske mandat.
Eskil Angset
Eskil Angset er ansvarleg for våre indeksfond SpareBank 1 Indeks Global, SpareBank 1 Indeks Norge og SpareBank 1 Indeks Teknologi.
Eskil er erfaren finansanalytikar med djup innsikt i spare- og investeringsområdet. Han er utdanna siviløkonom og har ein AFA/MBA frå Noregs Handelshøyskole.
Han har brei erfaring frå finansbransjen med spesialisering i verdivurdering, strategi og analyse. I SpareBank 1 har han hatt ei nøkkelrolle i utviklinga av produktorganet innanfor spare- og plasseringsområdet, leia strategiarbeid i SpareBank 1 Forsikring og hatt ansvar for verksemdsstyring, finans og berekraft som COO i SpareBank 1 Gruppen.
Kort om SpareBank 1 Fonda
SpareBank 1 Fondene blir levert av Odin Forvaltning AS. Odin Forvaltning er heileigd av SpareBank 1 Forvaltning AS, som er eit føretak i SpareBank 1-alliansen.