Slik kjem du i gang med nettbank bedrift
Nyttige verktøy for ein effektiv kvardag.
Førstegongsinnlogging Nettbank Bedrift
Gå til ssf.no/bedrift og vel innlogging oppe i høgre hjørne. Du loggar inn med vanleg BankId.
Ved første innlogging for kvar brukar, vil det kome ei velkomstmelding. Her må ein:
- Skrive inn e-postadresse
- Skrive inn landkode og telefonnummer
- Akseptere vilkåra for nettbank bedrift SpareBank 1.
- Klikke Bekreft vilkår
De vil få opp ei kjapp innføring i dei mest brukte funksjonane i nettbanken som ein kan klikke seg gjennom eller utsetje til seinare. Den viser korleis de:
- Tilpassar nettbanken
- Gir andre tilgang til nettbanken
- Lastar ned mobilbank bedrift
- Koplar til rekneskapsprogrammet
Til slutt får de opp ei vurdering av oppstartshjelpa. Når den er gjort kjem ein inn på framsida i nettbanken og kan ta den i bruk.
Sjekk moglegheitene i nettbanken
Hugs at du kan kontakte oss på chatten nederst til høgre viss du lurer på noko. Du kan også sjå om du finn svaret sjølv i ofte stilte spørsmål.
Betalingsoversikt
Få god oversikt over alle betalingar inn og ut av kontoane.
Brukarar og rettigheiter
Som administrator kan du enkelt legge til nye brukarar og styre kva tilganger de skal ha.
Effektiv rekneskapsføring
Koble nettbanken og rekneskapsprogram saman for ein enklare kvardag.
Med likviditetsplanleggaren ser du korleis økonomien har utvikla seg over tid og får ei prognose for tida framover.
Logg inn i nettbanken og sjå bedrifta sine lånedokument, årsoppgåver og andre dokument.
Last ned vår gratis mobilapp slik at du alltid har banken med deg i lomma.
Andre ting du kan fikse sjølv i nettbanken
- Søke om avdragsfritak eller terminutsetting på lån
- Sjå historikk på avdrag og renter
- Spare i fond
- Søke om lån og finansiering
- Bestille bedriftskort
- Bestille fleire kontoar
Kva lurer andre på?
Kva innloggingsmetode bruker du?
Eg bruker kodebrikke
Problem: Viss du tastar inn feil kode for mange gonger, blir kodebrikka sperra.
Løysing:Ring oss på 57 82 97 00 så hjelper vi deg.
Problem: Kodebrikka viser ingen tal på skjermen, eller den viser ein dato.
Bestill ny kodebrikke.
NB: Det kan ta opp til 10 dagar før du får ny kodebrikke. Viss du lastar ned BankID-appen får du tilgong med ein gong.
Eg bruker både BankID-appen og kodebrikke
Har du både BankID-app og kodebrikke, og det feilar ved innlogging kan du prøve følgande:
Viss du ønsker å bruke både kodebrikke og app:
Det er ikkje lenger mogleg å nytte både BankID-appen med biometri og kodebrikke på grunn av tryggleik. Har du biometri aktivert må du:
- Avinstaller BankID-appen.
- Installer BankID-appen på nytt.
- Når du set opp appen igjen, ikke aktiver "Raskare BankID" (biometri). Det kan til info ta opp mot 15 minutt før ein får sett opp BankID-appen på ny utan biometri.
Viss du ønsker å berre bruke kodebrikke:
- Opne BankID-appen og gå til Heim.
- Gå til Innstillingar.
- Trykk på Nullstill app.
Får du feilmelding?
Viss du får ei feilmelding som startar med BID (BID er ei forkorting for BankID), så har desse feilmeldingane med BankID å gjere. Sjå kva feilmeldingane betyr og kva som kan vere løysinga.
Oppdater nettlesaren din
Vi anbefaler å bruke siste versjon av nettlesaren din. Sjekk om du har siste oppdaterte versjon.
Tips! Viss du får problem i éin nettlesar, kan det fungere å prøve ein annan nettlesar. Til dømes: Google Chrome, Microsoft Edge, Firefox, eller Safari for Mac OS.
Merk at du må vere administrator for å legge til nye brukarar. Brukar treng ikkje å vere kunde i Sparebank 1 frå før, men må ha BankID for å kunne logge inn. Har ikkje brukaren BankID må han eller ho kontakte banken sin for å få det.
Det er ingen avgrensingar i talet på brukarar i nettbank bedrift, men fleire brukarar kan føre til prisendringar, sjå vår prisliste.
1. Opprett brukar
- Logg inn i nettbanken
- Klikk Meny oppe til høgre. Vel Administrasjon og deretter Brukarar.
- Klikk på knappen Opprett ny brukar.
- Fyll inn personnummer (11 siffer), førenamn og etternamn.
- Hugs å legge til tilgongar og rettar, sjå punkt 2 nedanfor.
Trykk på knappen under for å gå direkte til riktig stad i nettbanken.
2. Legg til tilgongar og rettar
- Vel tilgongar brukaren skal ha under Tilgong til funksjonar.
- Under Rettar vel du dei rettane brukaren skal ha til dei ulike kontoane.
- Du kan enkelt kopiere tilgongar og rettar frå ein brukar til ein annan. Klikk på Kopier rettar frå annan brukar og vel brukar, så klikkar du på Kopier og oppdater.
Sjå kva dei ulike tilgongane og rettane gir brukaren moglegheit til.
3. Lagre ny bruker
- Når du har valt dei tilgongane og rettar brukaren skal ha, vel du Signer og fullfør nedst på sida.
- Signer deretter med BankID.
No er brukaren lagt til. Tilgongane og rettane til personen gjeld umiddelbart.
Bedriftskonto
Kontakt den i bedrifta som er administrator i nettbank bedrift og be om å bli lagt til som brukar. Administratoren bestemmer då kva kontoar du skal ha tilgang til og kva rettar du skal ha.
Lag og foreining
Det same gjeld viss du er ny i styret i eit lag eller ei foreining og skal ha tilgang til konto. Kontakt den som er administrator i nettbank bedrift og be om å bli lagt til med nødvendige rettar.
Skal du legge til ny administrator i nettbank bedrift, gjer du det via knappen under. Når bestillinga er sendt inn, må avtalen signerast elektronisk i samsvar med bedrifta, laget eller foreininga sine signeringsreglar. Hugs å oppdatere i Brønnøysundregistera dersom det har vore endringar i kven som skal signere. Så snart avtalen er signert er ny administrator/kasserar klar til bruk.
Berre administratorar kan endre på tilgongar i nettbanken. Det gjer du under menypunktet Admin i nettbank bedrift. Der kan du også slette ein eksisterande administrator.
Sjå også: Kva er medadministrator?
Kontoutskrift finn du i nettbank bedrift under Transaksjonar. Du kan søke på mottakar, kontonummer, beløp eller liknande. Du kan òg gå til Arkiv og velje Kontoutskrift i nedtrekksmenyen.
Bilag finn du òg under Transaksjonar. Gå inn på den inn- eller utbetalinga det gjeld og trykk på Bilag.
Garantiprovisjon finn du under Transaksjonar - Arkiv - vel Melding om betaling i nedtrekksmenyen. Garantiprovisjonen trekkast kvartalsvis.
Renteoppgåver finn du under Transaksjonar - Arkiv - vel Renteoppgåver i nedtrekksmenyen.
Finn du ikkje det du leitar etter? Her er nokre tips
- Skal du ha kontoutskrift for ein heil månad, må du søke frå den 1. i månaden til 30. eller 31. for å få opp kontoutskrifta.
- Viss det ikkje har vore nokon bevegelsar på kontoen, vil det ikkje bli laga kontoutskrift.
- Treng du eit meir detaljert bilag, må du kontakte den du skal betale til, eller den som har betalt.