Kjøpe bedrift
kva er skilnaden på eit oppkjøp og ein fusjon? Når lønner det seg, og korleis går du fram?
kvifor kjøpe opp eller slå saman bedrifter?
Enten du vel å fusjonere eller kjøpe opp ein bedrift, handlar det oftast om å styrke posisjonen og rigge seg for framtida. Her er nokre vanlege grunnar:
- Effektiv drift og lågare kostnader – Ved å samle funksjonar og ressursar kan du kutte kostnader og jobbe meir effektivt.
- Sterkare marknadsposisjon – Eit oppkjøp eller ein fusjon kan gi større marknadsdel, høgare omsetning og betre forhandlingskraft.
- Rask tilgang til kompetanse og teknologi – I staden for å bygge opp alt sjølv, kan du få på plass ny teknologi, spesialistmiljø eller nye forretningsområde gjennom oppkjøp.
- Strategisk investering – Oppkjøp kan vere eit grep for å vekse inn i nye marknader, spre risiko eller gjere selskapet meir attraktivt for framtidig sal.
Seks tips for eit godt oppkjøp
Har du ein plan, er det større sjanse for å lukkast med kjøpet. Tenke gjennom:
- Kva er målet med oppkjøpet? Er det vekst, posisjonering i marknaden, tilgang til kompetanse, reduserte kostnader eller anna?
- Korleis skal du tene pengar? Endrar drifta som følge av oppkjøpet eller samanslåinga?
- Treng du finansiering? Vurder korleis kjøpet skal finansierast. For å få lån må du vise til ein god forretningsmodell, og det er smart å tenke gjennom kor mykje eigenkapital du kan bruke.
Treng du tips til ein god forretningsmodell?
Hos Innovasjon Norge finn du god informasjon om forretningsmodellar og malverk for Business Model Canvas.
Kanskje har du alt peila deg ut den bedrifta du vil ha? Men om ikkje er det no på tide å finne ut av det. Viktige ting du bør tenke på er
- kva bransjar er aktuelle? – Vurder din eigen risikovilje, interesser og motivasjon.
- korleis ser marknaden ut? – Sjå på trender og kundegruppa til dei bedriftene du vurderer.
- vurder organisering og selskapsform – korleis blir ditt personlege ansvar påverka? kva for skattereglar rammer deg og kva plikter får du?
- kva pris er du villig til å betale og kva rolle vil du ha? – du kan møte ein seljar som er einige i forventningane, eller du kan måtte førebu deg på harde forhandlingar.
- skal du kjøpe eit heilt selskap eller berre deler av det? – du kan for eksempel kjøpe kompetanse, tekniske løysingar eller kundar.
Når du har funne bedrifta du vil kjøpe, er det smart å finne ut mest mogleg om den før du treff seljar eller meglar. Då fremstår du som ein seriøs kjøpar, og kan stille sterkare i forhandlingar.
Ein revisor, rekneskapsførar eller advokat kan hjelpe deg med ein grundig økonomisk eller juridisk gjennomgang av bedrifta.
- Utfør ein grundig verdivurdering
- Engasjer ekspertar som advokatar, rekneskapsførarar og investeringsrådgivarar tidleg.
Oppkjøp finansierast ofte med eigenkapital og lån. Treng bedrifta di lån, ser vi på
- forretningsplan/modell
- budsjett
- evna til å betale ned på lånet
- kva for sikkerheit du har
- kven som er eigarar eller sit i styret
Sikkerheit for lånet kan vere pant i morselskapets eigedomar eller kausjon. Det er òg mogleg å ta pant i aksjar i selskapet som blir kjøpt opp.
Sett deg eit pristak før forhandlingane startar. Då er det lettare å ikkje la seg rive med undervegs.
For mange kan det vere ei god løysing at seljaren held fram med å jobbe i bedrifta ei lita stund etter oppkjøpet for å overlevere kunnskap, erfaring og relasjonar.
- Be om eksklusiv forhandling – då slepp du hastverk av presset frå moglege konkurrentar, og du sikrar ein god dialog med seljaren.
- Due diligence – gjennomføre ein selskapsgjennomgang for å få bekrefta verdien på bedrifta og finne eventuelle skjulte risikoar og utfordringar i selskapet du vil kjøpe.
Sjekk om det er nokon hefter på bedrifta før du gjennomfører oppkjøpet. Det kan til dømes vere pant i utstyr eller eigedom. Dette finn du ut ved å be noverande eigar om ein hefteoversikt.
Vi anbefaler at du bruker ein advokat med erfaring frå kjøp av bedrifter. Då er du trygg på at alle viktige punkt og spørsmål blir ivaretatt.
Avtale bør vere detaljert og innehalde alle vilkår og forpliktingar.
Oppkjøp, fusjon eller innmatskjøp – kva betyr det for deg?
Det finst fleire måtar å kjøpe ei bedrift på. Her får du ein enkel oversikt over dei tre vanlegaste metodane – og kva som kan vere fordelane og ulempene for deg.
Oppkjøp
Du kjøper heile eller delar av ei bedrift.
Det kan vere aktuelt viss du vil vokse raskt, ta større marknadsandel, få tilgang til teknologi, utstyr eller ansatte eller starte di eiga bedrift ved å kjøpe ei eksisterande.
Fordelar
- du får full kontroll
- du kan vekse raskt
Ulemper
- det kan vere dyrt og forarbeidet kan ta tid
- du må vite nøyaktig kva du vil oppnå
Fusjon
To bedrifter blir éin
Ved fusjon slår du deg saman med ei anna bedrift. I staden for å betale for den andre bedrifta, får dei eigarskap (aksjar) i det nye selskapet.
Fordelar
- de kan kombinere styrker og ressursar
- de slepp å konkurrere mot kvarandre
Ulemper
- krev at begge partar er einige om strategi og mål
- kan vere krevjande å få til i praksis
Innmatskjøp
Du kjøper eigendommar, ikkje heile selskapet
Her kjøper du utstyr og kontraktar, men ikkje sjølve selskapet. Den gamle bedrifta fortset å eksistere.
Fordelar
- mindre komplisert enn alternativa
- dei tilsette kan fortsetje som før
Ulemper
- du får ikkje med heile selskapets struktur eller historie
- kan vere avgrensa kva du får med i kjøpet
Treng du nokon å sparre med?
Når bedrifta endrar seg, kan økonomien gjere det same. Vi hjelper deg med å få oversikt.