TIPS OG RÅD
Tilsetje medarbeidarar
Treng du fleire folk? Når du skal tilsetje medarbeidarar er det fleire ting du må tenke på.
Her finn du informasjon, tips og råd om kva som er viktig.
Lovpålagte produkt
Har du tilsette er det ein del produkt og tenester du som arbeidsgjevar, ifølge lova, må ha. Her finn du kva for nokre.
Skattetrekkskonto
- Alle bedrifter som betaler ut lønn eller pensjon må ha skattetrekkskonto.
- Kontoen kan berre brukast til førehandstrekk av skatt, som deretter blir betalt inn til skattestyresmaktene.
Yrkesskadeforsikring
- Alle bedrifter med tilsette er lovpålagt å ha yrkesskadeforsikring.
- Yrkesskadeforsikring dekker tap, utgifter og eventuell erstatning i samband med sjukdom eller skade som oppstår i arbeidssamanheng.
Pensjon
- Bedrifter med tilsette er lovpålagt å spare til pensjon. Det blir kalla obligatorisk tenestepensjon, ofte forkorta til OTP.
- Det finst to hovudtypar pensjon; innskotpensjon og hybridpensjon.
Kostnadar ved tilsetjing
Når du tilset må du rekne med fleire kostnadar i tillegg til lønn. Sjå kva du bør ta med i reknestykket og kva det kan utgjere.
Det du bør ha med i reknestykket
- Pensjon som svarer minst til 2 % av årslønn
- Arbeidsgjevaravgift: 0 til 14,1 % av årslønn og av pensjonskostnaden
- Feriepengar på 12 % av årslønn
- Yrkesskadeforsikring (lovpålagt)
Satsen for arbeidsgjevaravgift varierer mellom 0 % og 14,1 %, avhengig av kva kommune bedrifta har hovudkontor i.
Sjå satsen for kommunen din hos Skatteetaten.
Døme på reknestykke:
| Årslønn | 500.000 kr |
| Pensjon, 2 % av årslønn | 10.000 kr |
| Arbeidsgjevaravgift = 14,1 % av årslønn + 14,1 % av pensjonskostnad |
71.910 kr |
| Feriepengar, 12 % av lønn | 60.000 kr |
| Yrkesskadeforsikring | 3.000 kr |
| Total | 644.910 kr |
3 tips til arbeidsgjevarar
Jobb meir effektivt
Gir du tilsette tilgang til kontoane til bedrifta i nettbanken, er det enklare å delegere oppgåver. Dei tilsette kan også fikse meir sjølv. Mellom anna kan nytilsette legge inn betalingar, samtidig som dei må bli godkjent av dagleg leier, eller annan person, før dei blir utbetalt. Både betaling og godkjenning blir gjort i nettbank og mobilbank.
Det finst også fleire moglegheiter viss dei tilsette skal ha bankkort, kredittkort eller virtuelt kort for enklare reiseadministrasjon, som reduserer tida tilsette bruker på reiserekningar.
Reduser sjukefråvær
Med ei behandlingsforsikring får dei tilsette trygg og rask behandling i det private helsevesenet. Du får dermed dei tilsette raskare tilbake på jobb etter sjukdom.
Få ein trygg og attraktiv arbeidsplass
Vil du gi dei tilsette ekstra gode fordelar kan du vurdere både gruppelivsforsikring og ulykkesforsikring. Begge gir økonomisk hjelp ved ulykke eller død.
I tillegg kan du kjøpe uførepensjon. Det gir dei tilsette månadlege utbetalingane i tillegg til folketrygda ved uføre.
Det er også ein fordel med reiseforsikring viss du har fleire som reiser i jobben.
Melde tilsette inn og ut av pensjon og forsikringar?
Det er lett å melde tilsette inn og ut av bedriftas pensjons- og forsikringsordningar. Du kan også sjå kva forsikringar kvar enkelt tilsett har, og justere samtykker og rollar for eiga bedrift eller samarbeidsparftnere, til dømes eit rekneskapsbyrå.
