Oppdater kundeinformasjon

Norske myndigheter har bedt alle norske bankar om å sørge for at kundeinformasjon og legitimasjon er oppdatert. Som bank må vi kunne dokumentere overfor styresmaktene at vi gjennomfører nødvendige kundetiltak av alle kundane våre.

Styresmaktene har bedt alle norske bankar om å ha kjennskap til korleis kundane bruker produkta og tenestene til banken – og denne informasjonen skal registrerast og oppdaterast  jamleg gjennom heile kundeforholdet. Derfor stiller vi desse spørsmåla også til deg som har vore kunde i mange år.

Det er viktig at du svarer på alle spørsmåla slik at informasjonen vi har om deg er oppdatert og riktig. Dersom vi ser at det manglar svar frå deg, kan ein konsekvens bli at mobilbank, nettbank, kort og konto blir sperra inntil vi har registrert dine svar. Har du spørsmål? Kontakt Kundeservice på telefon 57 82 97 00

Legitimasjonskravet er skjerpa både i Norge og internasjonalt. Dette betyr ikkje at vi mistenker kundane våre, men føremålet er å forhindre økonomisk kriminalitet i møte med den digitale utviklinga. I samsvar med reglane for BankID må banken gjennomføre kontroll av pass for alle som har eller skal ha BankID.

Vi anbefaler at kundane legitimerer seg med pass. Med pass meiner vi: norsk pass, utanlandsk pass, norsk utlendingspass og norsk reisebevis for flyktningar.

Du treng ikkje pass for å vere kunde, men vi må ha ein gyldig legitimasjon. Har du ikkje pass kan du til dømes vise førarkort eller bankkort med bilde frå ein annan bank. For å få BankID er det krav om at du viser pass.

Skal du ha BankID må du ifølgje norsk regelverk legitimere deg med pass. Blir du kontakta må du derfor komme innom banken med gyldig  pass viss du framleis ønsker å bruke BankID frå banken vår.

Dersom du bur ein annan stad i Norge kan du møte ved eit anna Sparebank 1-kontor. Finn næraste kontor på sparebank1.no. Oppheld du deg utanlands må du ta kontakt med banken.