Korleis flyttar eg forsikringane mine?

Korleis du går fram for å flytte forsikringane dine, avhenger av kva type forsikring det gjeld.

Korleis flytte skadeforsikringar

Om du ønsker å flytte skadeforsikringane dine til Fremtind, bestiller du først forsikringane hjå oss. Deretter avsluttar vi dei gamle forsikringane for deg med éin månad oppseiingstid, slik at du unngår å vere dobbeltforsikra.

Du kan òg fylle ut eit kontaktskjema, så tek vi kontakt med eit tilbod.

Korleis flytte personforsikringar

Å flytte ei personforsikring inneber å kjøpe tilsvarande forsikring i eit nytt selskap og avslutte den i det gamle.

I motsetnad til skadeforsikringar vert ikkje personforsikringar automatisk sagt opp når du kjøper same type forsikring hos eit nytt selskap. Dette skuldast at du kan ha fleire personforsikringar samtidig, og i nokre tilfelle ha rett til utbetaling frå fleire forsikringar ved same hending.

Dersom du vurderer å flytte personforsikringane dine, kan du lese meir her: Kva reglar gjeld ved flytting av personforsikringar?

Alt dette kan dessverre vere litt komplisert, men vi hjelper deg gjerne om du lurer på noko. Du kan også lese meir om reglane på fremtind.no.