Kva er skjermingsfrådrag?

Når du sel aksjar eller aksjefond, kan det få betydning for skatten din. Har du selt aksjar eller aksjefond med gevinst, må du betale skatt av gevinsten. Sel du med tap, får du frådrag. Dette vil du sjå i skattemeldinga di neste år.

Skjermingsfrådrag er eit årleg frådrag som gjer at du slepp å betale skatt på ein liten del av gevinsten. Det gjeld for aksjar, aksjefond og aksjedelen av kombinasjonsfond med over 20 % aksjeandel.

Slik fungerer skjermingsfrådrag på ein aksjesparekonto:

Kvar år du eig aksjar og aksjefond over nyttår, opparbeidar du deg eit skjermingsfrådrag. Frådraget blir rekna ut ifrå ein prosentsats (skjermingsrenta) som blir fastsett av Skattedirektoratet éin gong i året.

Frådraget blir lagt som eit «skattefritt uttak» på kontoen, og du kan til kvar tid sjå beløpet du kan ta ut skattefritt i nett- og mobilbanken. Når du tek ut pengar frå kontoen, betalar du berre skatt på den delen som overstig innskudda dine og opparbeida skjermingsfrådrag.

Skjermingsfrådraget gir ikkje ekstra frådrag dersom du har tapt pengar på aksjefond eller aksjar.

Døme på uttak på aksjesparekonto:

• Du kjøper aksjar/aksjefond for 10.000 kroner på aksjesparekontoen din, og eig desse over nyttår.
• Skjermingsrenta for året blir fastsett til for eksempel 3,5 %, som tilsvarar 350 kroner.
• Desse 350 kronene legg seg i "skattefritt uttak" på kontoen.
• Den dagen du tek ut pengane med gevinst, vert dei 350 kronene trekt før skatten blir berekna. Du betalar då berre skatt på den delen av gevinsten som er over innskote beløp og skjermingsfrådraget – altså over 10.350 kroner.

Prøv Skatteetaten sin skjermingsfrådrag-kalkulator her

Sjå òg:
Kva er ein aksjesparekonto (ASK)?