Svindel med heimebesøk

Kjenneteikn på svindel med heimebesøk

Svindel med heimebesøk, også kalla safehouse-bedrageri eller «trygg konto»-svindel, er ofte retta mot sårbare personar, spesielt eldre og einslege kvinner. Svindlarane ringjer gjerne på telefon eller FaceTime, og utgir seg for å vere frå banken, politiet eller andre aktørar du stolar på.

Dei hevdar at du har fått virus, at det er mistenkeleg aktivitet eller at nokon har tilgang til kontoen din.

Svindlarane prøver å stresse deg og halde deg på telefonen, slik at du ikkje rekker å rådføre deg med familie, naboar eller banken. 

Typiske faresignal:

• Du blir oppringt av nokon som påstår at dei ringar frå banken, politiet eller ei anna kjent verksemd, og som advarer om «mistenkeleg aktivitet», virus eller svindel.
• Personen på telefonen rettleiar deg tett og ber deg overføre pengane dine til ein «trygg konto» for å sikre dei.
• Etter overføringa blir du bedt om å gi frå deg bankkortet – enten ved å legge det i postkassa for henting, eller ved at «banken» kjem heim til deg for å hente det.
• Når kortet er henta, blir det gjerne misbrukt til kjøp av gåvekort, Klarna‑kreditt, AirBnb‑betalingar og liknande.