Kredittkort

Når du bruker kredittkortet, lånar du pengar frå banken, og kvar månad får du ein samlefaktura for all kortbruken. Betaler du heile rekninga innan forfall, slepper du å betale renter på lånet. Dette kallar vi rentefri kreditt eller rentefri betalingsutsetting.

Vi seier «inntil 45 dagar» fordi talet på rentefrie dagar for ein gitt transaksjon varierer etter kva dato kortet vart brukt La oss seie at du har forfallsdato den 15. i kvar måned. Då gjeld fakturaen for den føregåande kalendermånaden. Viss du brukte kortet 30. april, den siste dagen i månaden, lånar du dette beløpet rentefritt fram til kredittkortrekninga for april forfaller den 15. mai, altså 15 dagar seinare. Transaksjonar frå 1. april blir med på den same april-rekninga, som med andre ord har forfall 45 dagar etter at sjølve kortet blei brukt.

Med kredittkort frå SpareBank 1 får du difor inntil 45 dagar rentefri betalingsutsetting – og minimum 15 dagar.

Ja, du kan betale fakturaer direkte frå kredittkortet.

Du kan også overføre pengane frå kredittkort til konto. Vêr oppmerksam på at reiseforsikringa i kredittkortet ikkje gjeld dersom du overfører pengar til konto for å betale ei reise.

Eit priseksempel eller renteeksempel viser deg dei reelle kostnadane med eit lån, slik at du enkelt kan sjå kva eit lån kostar i praksis.

Slik ser for eksempel priseksempelet for refinansiering av forbruksgjeld ut:

Nominell rente 12,9. Effektiv rente 14,7 % Låner du 150 000 over 5 år, kostar lånet 58.602 kroner, og du betaler totalt 208.602 kroner.

Priseksempelet viser deg rett og slett kva eit lån på eit gitt beløp, nedbetalt over ei viss tid, vil koste. Lånekostnaden og den effektive renta inkluderer alle eventuelle gebyr som etableringsgebyr, årsgebyr og termingebyr. Totalkostnaden som er oppgitt i priseksempelet inkluderer òg det opphavelege lånebeløpet.

Er priseksempelet det eg skal betale?

Ikkje nødvendigvis. Det er jo for eksempel ikkje sikkert du skal låne akkurat så mykje som priseksempelet legg til grunn. Dei fleste lån har dessutan individuelt tilpassa rente, og då får du kanskje ikkje same rente som er brukt i priseksempelet.

Priseksempelet skal imidlertid vere representativt, altså reflektere låna til gjennomsnittskunden, med tanke på både lånesum, rente og nedbetalingstid.

(Her er det nokre unntak gitt ved lov, som for kredittkort, der lova blant anna seier at nedbetalingstida i priseksempelet skal vere 12 månadar. Du kan så klart betale ned kredittkortgjelda di både raskare og saktere enn det, alt etter kva du har behov for.)

Kor ser eg kva eg faktisk skal betale for lånet?

I nedbetalingsplanen som følger lånetilbodet frå banken ser du konkret kva du må betale for lånet ditt. For lån du allereie har, finn du nedbetalingsplanen i nett- og mobilbanken.

Sjå også:
Kva er forskjellen på nominell og effektiv rente?
Kva er belåningsgrad?
Korleis samanlikne bustadlån?
Kva er lån utan sikkerheit?

Du kan ta ut inntil 20.000 kroner per veke, men vêr oppmerksam på at minibankar har ulike grenser for kva du maks kan ta ut.

Pass òg på at du blir belasta i lokal valuta og ikkje norske kroner. Då slepp du gebyr.

Sjå kva som gjeld for:

• Bankkort
• Bankkort for ungdom
• Bankkort for barn

Om det kostar noko som helst, avheng av om du tar ut pengane i Norge eller utlandet, og om du tar ut i lokal valuta eller ikkje:

• Kontantuttak i Norge: 40 kr + 1 % av beløpet
• Kontantuttak i lokal valuta i utlandet: 0 kr (NB! Nokre minibankar i utlandet krev eige gebyr.)

Kontantuttak i utlandet som blir belasta i norske kroner blir prisa som kontantuttak i Norge, og kostar med andre ord 40 kr + 1 % av beløpet. Ta derfor alltid ut i lokal valuta, så slepp du gebyr frå oss.

Du kan seie opp kredittkortet sjølv i nett- og mobilbanken viss du ikkje har uteståande beløp eller pengar til gode på kortet. Gå til kortet, trykk på Valg og deretter Avslutt kort. Viss du ønskjer at vi hjelper deg, kan du kontakte oss på 57 82 97 00.

Hugs at du kan redusere kredittgrensa di sjølv i mobilbanken eller nettbanken. 

Ja. Vel Overføre, og vel deretter kredittkortet ditt som stad du skal overføre frå.

Pengane blir tilgjengeleg på valt konto med ein gong du har overført.

Merk at tenesta kostar 25 kr + 1 % av beløpet.

Det kan ta 1–3 virkedagar før innbetalinga er registrert på kredittkortet ditt. 

Når du får kredittkortrekninga, viser ho det totale beløpet du skuldar. Du er likevel ikkje nøydd til å betale alt med ein gong, men du må betale minstebeløpet. Viss du ikkje betalar heile rekninga, vil det kome renter på resten.

Har du betalt meir enn halvparten av reisekostnadane med kredittkortet, kan du nytte reiseforsikringa i kortet om eit uhell skulle oppstå. Her finn du kontaktinformasjon:

Akutt sjukdom eller ulykke

• Telefon: +47 24 24 07 41
• trygalarm@tryg.no

Mindre hendingar

• Meld skade her
• Telefon: +47 55 17 19 46

NB: Har du heilårs reiseforsikring hos oss? Meld skade på heilårs reiseforsikring her.

Når du brukar eit kredittkort, lånar du pengar av banken. Kredittgrensa di, eller kortet si kredittramme, er det maksimale beløpet du totalt kan låne før du må betale tilbake. Når kredittramma er «brukt opp», kan du ikkje bruke kredittkortet igjen før du har betalt inn på kredittkortet.

Kvar gong du betalar med kredittkortet, brukar du altså av kredittramma. Når du betalar ned heile eller delar av gjelda, anten via kredittkortfakturaen eller ved at du betalar inn ekstra i nett- eller mobilbanken, blir summen du betalar inn igjen tilgjengeleg for bruk.

Har for eksempel kortet ditt ei kredittramme på 20.000 kroner, og du brukar 10.000 kroner, har du 10.000 kroner igjen av kredittramma. Betalar du så inn 5.000 kroner, aukar den tilgjengelege kreditten din til 15.000 kroner.

Kor høg kredittgrense du kan få, avheng av ting som inntekt, betalingshistorikk og kor mykje gjeld du har frå før.

Sjå også

• Korleis endre eg kredittgrense på kredittkortet mitt?
• Eg ønsker å betale inn ekstra på kredittkortet.

Når du betalar med kredittkortet, lånar du pengar av banken, men du må ikkje betale renter på dette lånet med ein gong. Kvar månad får du ei rekning frå oss på alt du har lånt og ikkje har betalt tilbake enno – altså det folk som jobbar i bank kan finne på å kalle uteståande balanse  eller nytta kreditt. Kredittkortrekninga inkluderer med andre ord all kortbruken fram til datoen vi sender fakturaen.

Betalar du heile kredittkortrekninga før den forfell, slepp du å betale renter. Gjelda du eventuelt ikkje betalar ned til forfall, og som det derfor byrjar å løpe renter på, kallar vi renteberande balanse.

Vidare bruk av kredittkortet blir å betrakte som nye lån, som du ikkje må betale renter på før etter forfallsdato på neste rekning. Denne uteståande balansen kallast ikkje-renteberande balanse. Samtidig samlar det seg opp renter på det du måtte ha att av kredittkortgjeld frå tidlegare. Det er derfor vi skil mellom renteberande og ikkje-renteberande balanse. Begge delar går av kredittramma på kortet, men det er altså berre den renteberande balansen du betalar renter på.

Sjå også

• Kva beløp må eg betale til forfall på kredittkortrekninga?
• Kvifor er renta på forbrukslån og kredittkort så høg?