Naturskader er skader som forårsaka av naturen sjølv - utan direkte menneskeleg innverknad. Naturskader kan bli dekka både av forsikring og av staten.
Naturskader
Kva skader er naturskader?
Om bygningane dine er forsikra mot brann, har du automatisk naturskadeforsikring gjennom Norsk Naturskadepool.
Følgjande hendingar blir definert som naturskade:
- Storm
- Vind
med fart 20,8 m/s eller høgare. - Flaum
definerast som bekkar, elvar og innsjøar som går over sine bredder. I tillegg kan villbekkar danna av naturleg avrenning i skrånande terreng bli karakterisert som flaum. - Skred
er plutseleg utløysing av stein-, jord-, leire- eller snømasse. - Stormflo
er auka vasstand som følgje av periodar med lågt lufttrykk og kraftig vind frå ei retning som medfører oppstuving av vatn. - Jordskjelv
- Vulkanutbrot
Skade som skuldast frost, tele, tørke, nedbør, snøtyngd eller isgang blir ikkje vurdert som naturskade.
Naturskadefondet
Naturskadefondet (Statens naturskadeordning) dekker det som ikkje kan bli forsikra gjennom ei vanleg forsikring.
Naturskadeerstatning
Det er to hovudreglar som avgjer om ein kan få erstatning frå naturskadefondet.
- Skaden må direkte skuldast ein naturskade
- Skadeobjektet kan ikkje forsikre gjennom vanleg forsikring.
Typiske skadeobjekt som kan få naturskadeerstatning frå Naturskadefondet er:
- Vegar
- Bruer
- Jord
- Skog
- Betongkaier
-/Flom.jpg.thumb.1280.1280.jpg)
Er du råka av naturskade?
Statens naturskadeordning gir deg erstatning for naturskadar på ting det ikkje er mogleg å forsikre gjennom vanleg forsikring.
Private eigarar, selskap, veglag, lag og foreiningar, personar med leigejord, tomtefestarar og andre rettigheitshavarar kan søke om erstatning.
Viktig! Søknadsfristen er seinast 3 månadar etter skadetidspunktet!
Naturskadelovverk
Naturskadeloven
Naturskadeloven
(Lov om sikring mot og erstatning for naturskader)
Naturskadelova gir norske kommunar hovudansvaret for å implementere sikringstiltak mot naturskader. Den gir myndigheit til ekspropriasjon og moglegheit til å forby hogst, utnytting av natur og utbygging som kan hindre sikring eller auke skaderisiko.
Lova blei opphavleg vedtatt i 1961 med erstatningsreglar frå naturskadefondet til staten og førebyggande pliktar. Etter 2014 blei erstatningsreglane utskilt til naturskadeerstatningslova, og Landbruksdirektoratet fekk ansvar for ordninga. Saman med naturskadeforsikringslova bør lovene lesast i samanheng.
Naturskadeforsikringslova
Naturskadeforsikringslova
(Lov om naturskadeforsikring)
Naturskadeforsikringslova er ei norsk lov som pålegg norske forsikringselskap som tilbyr brannforsikring for bygningar og ting, til også å inkludere naturskader. Reglane om naturskadeforsikring blei introdusert gjennom forsikringsavtalelova i 1979. Hovudformålet var at forsikringsselskap skulle dekke naturskader etter forsikringsprinsipp, medan staten primært skulle vere ansvarleg for å førebygge skadene.
Unntaksvis kan staten dekke ting du ikkje får forsikra gjennom vanleg forsikring (gjennom statens naturskadefond).
Utan løyve til reparasjon eller gjenoppbygning
Ved naturskade kan det hende kommunen ikkje gir løyve til å reparere eller bygge opp att huset eller hytta på same stad. Årsaka kan vere fare for ny naturskade. I slike tilfelle blir tomteverdien erstatta før skaden, med inntil verdien av fem dekar (5.000 kvm).
Bygningane blir erstatta som om dei var totalskadd. Viss grunnen under huset blir ustabil etter ei naturulykke, gjeld same reglar, sjølv om huset ikkje er skadd.
Nødvendige redningsutgifter blir dekte opptil gjenoppføringskostnaden, og andre gjenstandar blir erstatta med gjenanskaffelsesprisen.