Bør eg velje rammelån, byggelån eller refinansiering?

Viss du skal bygge eller totalrenovere har du tre typar lån som kan vere relevante for deg.

Byggelån:
Skal du stå som byggherre sjølv gjennom heile prosessen, altså at det er du som betaler røyrleggar, elektrikar, tømrar og liknande direkte, bør du ha eit byggelån. Grunnen til det er at då vil du ha behov for å kunne betale rekningar løpande etter kvart som dei forfell.

Eit byggelån har noko høgare rente enn vanleg bustadlån. Det kjem av at det er knytt høgare risiko til slike byggeprosjekt. Det blir også stilt strengare krav til lånets bruk med eit byggelån.

Rammelån:
Rammelån, eller flexilån, gir deg ein låneramme du kan bruke som du vil med tryggleik i bustaden. Dette er eit lån som passar for deg som allereie har betalt ned mykje på bustadlånet. Du kan få ein låneramme på inntil 60 prosent av verdien på bustaden. 

Refinansiering av bustadlån:
Viss du bruker ein totalentreprenør eller kjøper ein ferdig prosjektert bustad, kan du velje eit vanleg bustadlån. Det føreset at du forheld deg til eitt selskap gjennom heile byggeprosessen. 

Du kan søke om refinansiering av det eksisterande bustadlånet ditt viss du møter kravet om lånegrad under 90 prosent. Treng du å auke lånekapasiteten på bustadlånet, er eit godt tips å få ei ny verdivurdering/e-takst viss verdien på bustaden har auka.

Ta kontakt med EiendomsMegler 1 for ei verdivurdering av bustaden din.