Vi bankar for Norddalen // Aktiv i Lom

«Sjuogtredve mil nordover, litt øst og oppover, ligg Flåklypa, ei lita fjellbygd under himmelhvelvingen». Innleiinga til Ivo Caprino sitt filmeventyr er samstundes ei temmeleg presis vegskildring til Lom, fjellbygda som har både Flå og Klypa i nabolaget. Ikkje nok med det. Fritt for ver og vind, akkurat der morgonsola renn opp over Raubergstulen, har reiselivet i Lom sin heilt eigen Reodor Felgen: Møt Jan Slålien, mannen som ikkje kan fatte at det er så farleg å satse der jordsmonnet er skrint og folketalet like så – han lever trass alt i driftige Bøverdalen:

– No har eg endelig klart å overtale kona til å si opp jobben sin og byrje hjå meg. Så får vi sett kvarandre litt meir, seier reiselivsgründeren med sans for luftige sprell.

"Jan og gjengen har vore tøffe til å satse.
Eigeninnsatsen har vore enorm."

LANGT OPP, HØGT NED. Då Jan Slålien saman med bestekameraten Ronny Nestvold i 2008 bygde ein av dei aller fyrste klatreparkane i Noreg, attpåtil i steinrøysa langt oppi Bøverdalen, var det ein og annan realist som rista på hovudet. Sidan har reiselivsradarparet utløyst mang ein kronisk nakkesleng. Zipline under Prestfossbrua. Aktivitetspark i sentrum. Gyrotrampoliner. Oppføring i Guiness Rekordbok. Lavvoar nok til å huse halve Lom. Og så mykje meir at det ikkje er plass til alt her. I år bikkar Aktiv i Lom fem millionar i omsetnad på sine mange sprell i og rundt halve Noreg si favorittfjellbygd. Og fleire skal det bli.

TØFF SATSING. – Og eg som har høgdeskrekk, lyd det spakt  i kundekontakt Mona Aabakken på veg til topps i det nye klatretårnet av massivtre midt i Lom – det fyrste i landet.   

Sparebank 1 Lom og Skjåk sin utskremde er elles ikkje av dei lettskremde. Sidan den spede starten for snart 10 år sidan, har ho tjukt og tynt støtta opp om Aktiv i Lom i rolla som gjevar av både lån og råd:

– Jan og Ronny har vore tøffe til å satse. Tøffe til å byggje opp et stadig breiare og betre tilbod. Eigeninnsatsen har vore enorm og marginane tidvis små, men som bank er det stas å kunne bidra til verdiskaping der andre ville sett strek, seier Aabakken.

Og ikkje minst: Til store økonomiske ringverknader for heile Lom med stort omland.

KOM TIL LOM. Det er lett å misunne lomværene både Bakeriet og Arne Brimi, attraksjonar og reiselivsaktørar som har bygd opp under Lom si unike tiltrekkingskraft på alle som er svake for kombinasjonen høge fjell og gode måltid. Ein svimlande million personar er kvar sommarsesong innom den vesle fjellbygda. Dei siste åra er det likevel Aktiv i Lom som har tilført Lom sentrum flest nye attraksjonar – og auka omsetnad. I dag set få barnefamiliar sine fjellstøvlar i reiselivsmetropolen utan å riste laus i eit av mange sprelske aktivitetstilboda i sentrum: Zipline, klatretårn i massivtre, trampolinepark, pumptrackbane, minigolf. Og i fjellheimen rundt: Kajakkutleige, guida toppturar, brevandring - og altså klatreparken langs vegen opp til Galdhøpiggen. Slik blir det mange selde middagar, sportsutstyr og overnattingsdøgn av i Lom - kommunen som loggar kvart tiande reiselivsdøgn i Noregs største reiselivsfylke. Sjølv om unikumet Ronny Nestvold diverre har gått bort, tydar ikkje noko på at trykket vil bli mindre med uredde gründerar som Jan Slålien i høggir framover – han har trass alt nokre høgde å strekke seg mot:

– Snaue to år etter oppstarten hadde vi med oss ei firmagruppe på 973 personar til topps på Galdhøpiggen. Det er framleis gjeldande rekord – for både Aktiv i Lom og Guiness rekordbok.

Så då er det vel på høg tid å sette ein ny?

AKTIV I LOM

  • Aktivitets- og eventselskap. Driv og med utleige og sal av arrangementslavvoar og telt
  • Har på kort tid bygd opp eit breitt og populært aktivitetstilbod i Lom
  • 12 tilsette og omsetnad på fem millionar
  • Kunde av Sparebank 1 Lom og Skjåk sidan oppstarten for snaut 10 år sidan
  • www.aktivilom.no

VI BANKER FOR NORDDALEN

Sparebank 1 Lom og Skjåk er aktivt til stades med avdelingar i heile Norddalen – og er jælma begeistra over alle drivande dyktige folk, solide føretak, nyskapande initiativ og suksessrike verksemder som møter oss i Lesja, Dovre, Vågå, Lom og Skjåk. Vi banker for Norddalen er meint som både takk, heiarop og augeopnar for ein region breddfull av kvalitet og moglegheiter – som vi er stolte av å banke for.

Vil du og ha bank? Mona Aabakken ser gjerne innom deg for ein trivelig prat om du har #kaffiogbiteti!


Klikk her for video om Jan og Aktiv i Lom: 


Mona Aabakken
  • Aktiv i Lom (og i Garmo)
  • Jælma begeistra for potensialet og moglegheitane i lokalt reiseliv
  • Kunderådgjevar bedrift i Sparebank 1 Lom og Skjåk – med heile Ottadalen som arbeidsområde
  • Kontakt: