Indeksfond
Indeksfond passar for deg som er opptatt av låge kostnadar, enten du er nybegynnar eller en erfaren fondssparar.
Følger marknaden
Målet er å attskape avkastninga i marknaden fondet følger.
Låge kostnadar
Du får meir igjen for sparepengane dine.
Spreier risikoen
Du spreier sparinga di i fleire selskap.
Kva er indeksfond?
Indeksfond er ei form for aksjefond som følger ein referanseindeks, som Hovudindeksen på Oslo Børs eller verdsindeksen. Målet er å attskape avkastninga i den delen av aksjemarknaden som fondet følger.
Indeksfond har typisk låge kostnadar då det ikkje er nokon forvaltarar som aktivt tar stilling til kva aksjar som skal kjøpast og seljast.
Beste indeksfond?
Det finst fleire ulike indeksfond å velje mellom. Indeksfonda følgjer forskjellege aksjeindeksar, som gjer at verdiutviklinga kan variere noko. Over tid er det dei med lågast pris som har best føresetnader for å gi deg best avkastning.
Vel eit SpareBank 1-indeksfond som passar for deg
SpareBank 1
Indeks Teknologi
Fondet investerer i leiande teknologiselskap over heile verda – og lar deg ta del i den digitale utviklinga og framtidas løysingar.
SpareBank 1
Indeks Norge
Fondet investerer i dei største og mest omsette selskapa på Oslo Børs – og lar deg vere med på verdiskapinga i norsk næringsliv.
SpareBank 1
Indeks Global
Fondet investerer breitt i over 1200 selskap over heile verda – og lar deg enkelt ta del i den globale verdiskapinga.
SpareBank 1-indeksfonda:
- Gir deg god risikospreiing – investerer i mange selskap.
- Følger etablerte indeksar – fonda har som mål å gjenskape avkastninga i marknadene fonda følgjer.
- Har låga kostnadar – har som mål å gje deg marknadsavkastning til ein lågare pris enn fond som aktivt prøver å slå marknaden.
- Er forvalta i samarbeid med KLP – ein av Norges største og mest erfarne indeksforvaltarar, med sterk kompetanse på berekraft og ansvarlege investeringar.
Globalt indeksfond
Vel du å spare i eit globalt indeksfond, spreier du sparinga di på tvers av land, regionar eller bransje.
Globale indeksfond forsøker å attskape verdiutviklinga på dei største selskapa over heile verda. I hovudsak er det to typar globale indeksfond:
- Heile verda, alle land: ACWI (All country world index)
- Modne marknader, til dømes Vest Europa, Australia, Canada, Hong Kong, Japan, New Zealand, Singapore, og USA: MSCI World.
Du kan også velje indeksfond som investerer i bestemte marknadar eller sektorar, som til dømes eit utval av selskapa på Oslo Børs eller i teknologisektoren.
Fordelar og ulemper med indeksfond
Både indeksfond og aktivt forvalta fond kjem med fordelar og ulemper for deg som sparer.
Fordelar med indeksfond
- Indeksfond er enkelt, og du veit kva du får. Målet er å attskape avkastninga i den delen av marknaden fondet følger.
- Går marknaden bra, går fondet bra.
- Gode indeksfond er relativt enkle å identifisere, om du veit kva del av aksjemarknaden du ønsker å følge.
- Forvaltninga av indeksfond er i stor grad automatisert med datamaskiner og kostnadane er derfor relativt låge.
Ulemper med indeksfond
- Ulempa med indeksfond er at du ikkje vil få betre avkasting enn indeksen som fondet følger, i motsetning til aktivt forvalta fond som forsøker å skape betre avkastning enn referanseindeksen.
- Indeksfond består ofte av mange selskap og det kan vere utfordrande å vite korleis alle fonda står seg på til dømes berekraft.
- Du risikerer å få overprisa selskap med dårlege framtidsutsikter med på lasset.
- Sjølv om det er lett å finne gode indeksfond, er det ikkje lett å vite kva slags indeksfond du skal spare i. Utvalet er stort og fonda følger ulike aksjeindeksar.
Kva lurer andre på?
Ein skil mellom aktiv og passiv fondsforvalting, også kalla aktivt forvalta fond og indeksfond.
Indeksfond er passivt forvalta fond, der fondet har som mål å følge utviklinga til ein referanseindeks, til dømes Oslo Børs. Det er ingen forvaltarar som aktivt tar stilling til kva aksjar eller verdipapir som skal kjøpast og seljast. Denne typen forvaltning krev lite oppfølging, noko som gir lågare kostnadar.
Risikoen i fondet følger den generelle risikoen i referansemarknaden over tid.
Til samanlikning har aktivt forvalta fond ein forvaltar, eller eit team av forvaltarar, som bestemmer kva aksjar eller verdipapir som skal kjøpast og seljast. På denne måten har forvaltaren moglegheit til å ta ansvarlege val for investeringane dine. Målet er å gi deg som eig fond høgare avkasting enn referanseindeksen fondet blir målt mot.
Sjå også
Når du sparer på konto får du renter på beløpet du har på kontoen, i fond kallar ein dette for avkasting. I fond kallast dette for avkasting.
Forventa avkasting seier noko om kor mykje du får tilbake for investeringane dine, og er basert på avanserte reknestykke og historiske data.
Storleiken på aksjeandelen i eit fond er med på å påverke risiko og forventa avkasting for det fondet. Eit aksjefond med 100 % aksjar har ein forventa høgare avkasting enn eit rentefond, men inneber altså ein viss risiko.
God tid er nøkkelen til trygg sparing i fond. Jo lenger tidshorisont du har, jo høgare andel aksjar kan du ha utan at risikoen aukar. Held du deg til planen, også i dårlege tider, vil du sannsynlegvis oppnå større avkasting enn ved andre spareformer.
Sjå også
Kva er fond?
Kan eg tape pengar på å spare i fond?
Kva er aksjefond og rentefond?
Kva er indeksfond?
Ja, det kan du! Det er ingen bindingstid på sparing i fond. Du kan selje fondsandelar når du sjølv ønsker det.
Hugs på at overføring eller sal av fond kan gi skattemessige konsekvensar.
Skal du spare i mange år, betyr det ikkje så mykje med eit midlertidig fall i aksjemarknaden. Faktisk kan det vere ein fordel – no kan du kjøpe billege aksjar, som kan stige i verdi når marknaden går oppover igjen. Ein gyllen regel for aksjeinvesteringar er å kjøpe når det er billeg og selje når det er dyrt. Pengar tent!
Har du derimot dårleg tid, eller er avhengig av å kunne ta ut pengane dine på kort varsel, vil det same fallet i aksjemarknaden kunne slå uheldig ut. Du sel deg ut på eit dårleg tidspunkt, fordi du ikkje har tid til å vente på den neste positive utviklinga i marknaden. I verste fall kan du tape pengar.
Is i magen lønner seg, og på sikt har marknaden historisk alltid gått oppover.
Sjå også
Sparing i fond:
Kort om kjøp og sal av aksjar
Kva er forventa avkastning på fond?
Det er ei viss risiko knytt til å spare i fond, som betyr at du kan tape pengar. Når du sparar i fond er det viktig å hugse at god tid er nøkkelen til trygg sparing. Held du deg til planen, også i dårlege tider, vil du sannsynlegvis oppnå større avkastning enn ved andre spareformer.
Risiko
Risikoen i eit fond seier noko om kor mykje du kan forvente at fondet svingar i verdi. Fond med høgare risiko vil svinge meir over tid, men kan også gje høgare forventa avkastning.
Det betyr at dersom du ønsker at sparepengane dine skal vekse mykje i verdi, må du tole periodar med store verdisvingningar, sjølv om dette kan gje negativ verdi i periodar. Uansett er det viktig å hugse at om du skal spare i mange år, betyr det ikkje så mykje med eit mellombels fall i marknaden.
Kor lenge du skal spare, påverkar kor stor risiko du bør ta for sparepengane dine. Skal du spare lenge kan du tole å ta høgare risiko, fordi du gir sparinga di betre tid til å ta igjen periodar med verdifall. Har du derimot ein kort sparehorisont, bør du velje fond med lågare risiko.
Aksjeandelen bestemmer
Aksjar kan gje høg avkastning, men inneber altså ei viss risiko. Størrelsen på aksjeandelen i eit fond er med på å påverke risiko og forventa avkastning. Å eige aksjar i fond gir lågare risiko enn å eige aksjar i berre eitt selskap. Fordi eit fond kjøper bitar av mange forskjellege selskap blir risikoen meir spreidd. Viss eit selskap gjer det dårleg treng du ikkje merke noko til det, fordi det kan gå bra med alle dei andre.
Historisk avkasting for fond er ingen garanti for framtidig avkasting. Framtidig avkasting avheng mellom anna av marknadsutviklinga, kor dyktig forvaltar er, risikoen til fondet, og dessutan kostnader ved forvaltning og innløysing. Avkastinga kan bli negativ som følge av kurstap.
Lær meir om fondssparing
Her finn du det du treng å vite om fondssparing. Kom i gang du også, så når du måla og draumane dine fortare.
Kort om avkasting
Historisk avkasting for fond er ingen garanti for framtidig avkasting. Framtidig avkasting avheng mellom anna av marknadsutviklinga, kor dyktig forvaltar er, risikoen til fondet, og dessutan kostnadar ved forvaltning og innløysing. Avkastinga kan bli negativ som følge av kurstap.
For deg som handlar fond og verdipapir
Sjå avtalar og retningslinjer
