Prisar for fondssparing
Når du sparer i fond, betaler du for forvaltninga av fondet og for tenesta du bruker for å kjøpe og eige fondet. Her forklarer vi korleis prisen er sett saman.
Kva betaler du for når du sparer i fond?
Når du sparer i fond er prisen todelt:
1️⃣ Forvaltningshonorar
– dette betaler du til fondsforvaltar
Forvaltningshonoraret er prisen du betaler til forvaltaren, for å få fondet profesjonelt forvalta. Honoraret blir trekt automatisk gjennom justering av fondet sin kurs, løpande gjennom året.
2️⃣ Formidlingshonorar
– dette betaler du til banken
Formidlingshonoraret betalast til banken, som leverandør av tenesta du bruker for å spare i fond, i mobilbanken og nettbanken. Dette kallast også plattformhonorar. Honoraret blir berekna dagleg basert på den samla marknadsverdien av beholdninga di, og blir trekt kvart halvår.
Fonda vi tilbyr
Kva pris du har avheng av kva fond du vel og kor mykje du kjøper for. For eksempel er prisen gjerne lågare på indeksfond enn for aktivt forvalta fond.
Prisen på fonda vi tilbyr finn du i fondsoversikta. Der får du detaljar om avkasting, forvaltningsform, risiko, prisar og årleg kostnad.
Slik kan rekneskapen sjå ut
Prisdøme:
Du investerer 100.000 kroner i eit aksjefond du sjølv kjøper i mobilbanken, og fondet har positiv utvikling over eitt år.
Då kan rekneskapen sjå slik ut:
Forventa avkasting i løpet av 1 år
| Avkasting på aksjefond (+ 6,25 %) | 6250,00 kr. |
Satsane som er brukte i eksempelet for å berekne forventa avkasting er:
- Aksjar 6,25 %
Eksempelet tar ikkje omsyn til dine noverande plasseringar. Inflasjon og kostnadar er heller ikkje medrekna, då dette vil variere. Framtidig avkasting avheng mellom anna av marknadsutviklinga, kor dyktig forvaltar er, risikoen til fondet, og dessutan kostnadar ved forvaltning og innløysing. Avkastninga kan bli negativ som følge av kurstap.
Ta kontakt med ein rådgjevar om du ønsker personlege råd og tilråding.
Kostnader i løpet av 1 år
| Forvaltningshonorar: Pris på fond (0,65 %) | 666,87 kr. |
| Formidlingshonorar: Pris til banken (0,30 %) | + 308,28 kr. |
| Total kostnad: | = 975,16 kr. |
Verdiutvikling på fondet i løpet av 1 år
| Avkastning på aksjefond (+ 6,25 %) | 6250,00 kr. |
| Total kostnad | - 975,16 kr. |
| Verdiutvikling på fond | = 5247,47 kr. |
I dette eksempelet sit du att med 105.247,47 kr. etter eitt år.
Dette er kun eit eksempel og ikkje kva du betalar for fondet ditt. Prisen varierer ut frå kva fond du kjøper, kor mykje du kjøper for og om du kjøper fondet sjølv i mobilbanken, eller får hjelp av ein sparerådgjevar.
Kva lurer andre på?
Når du sparer i fond i SpareBank 1 Sogn og Fjordane, er prisen todelt. Du betaler ein pris til forvaltaren av fondet, og ein pris til banken som leverer tenesta.
Forvaltningshonorar (til fondsforvaltar) trekkast automatisk gjennom justering av fondet sin kurs, løpande gjennom året. Det betyr at du ikkje betaler noko direkte, men at kostnaden blir trekt frå fondet sin verdi. Honoraret blir oppgitt som ein årleg pris, men trekkast frå fondet dagleg.
Formidlingshonorar (til banken) trekkast på ein av følgande måtar:
- Motrekning av formidlingshonorar ved sal av fond
Sel du fondsandelar, vil banken trekke eventuelt uteståande formidlingshonorar direkte frå salsbeløpet. Dette gjeld både honorar som er forfalt i inneverande halvår, og eventuelt uteståande beløp frå tidlegare periodar. - Banken løyser inn andelar
Honoraret blir betalt ved at det seljast fondsandelar frå det fondet du har med høgast behaldning. Trekket skjer kvart halvår. - Trekk på bankkonto
Om du ikkje ønsker at banken skal løyse inn andelar, kan du velje å få formidlingshonoraret trekt direkte frå ein konto. Dette kan du sjølv endre under innstillingar for fond i nettbanken og mobilbanken.
Viss formidlingshonoraret er under 100 kroner, ventar vi med å trekke det til neste periode.
Formidlingshonoraret blir trekt automatisk kvart halvår gjennom nedsalg av fondsandelar. På lik linje med anna salg av fondsandelar er også dette skattepliktig. Du må betale skatt viss du sel fondsandelar med gevinst, og viss du sel fondsandelar med tap får du frådrag.
Formidlingshonoraret og utfyllande informasjon om fonda dine finn du i årsoppgåva du får frå banken. Informasjonen frå årsoppgåva er forhåndsutfylt i skattemeldinga di, så du treng berre å kontrollere at beløpa stemmer.
Les meir om prisar for fondssparing her.
Du finn informasjon om fonda du eig i mobilbanken og nettbanken din.
Du kan også finne informasjon om fonda vi tilbyr i fondsoversikta.
Ein skil mellom aktiv og passiv fondsforvalting, også kalla aktivt forvalta fond og indeksfond.
Indeksfond er passivt forvalta fond, der fondet har som mål å følge utviklinga til ein referanseindeks, til dømes Oslo Børs. Det er ingen forvaltarar som aktivt tar stilling til kva aksjar eller verdipapir som skal kjøpast og seljast. Denne typen forvaltning krev lite oppfølging, noko som gir lågare kostnadar.
Risikoen i fondet følger den generelle risikoen i referansemarknaden over tid.
Til samanlikning har aktivt forvalta fond ein forvaltar, eller eit team av forvaltarar, som bestemmer kva aksjar eller verdipapir som skal kjøpast og seljast. På denne måten har forvaltaren moglegheit til å ta ansvarlege val for investeringane dine. Målet er å gi deg som eig fond høgare avkasting enn referanseindeksen fondet blir målt mot.
Sjå også
Når du har kjøpt eller selt fond, ser du dette med ein gang i ordrehistorikken for behaldninga di på fondsinformasjonen i nettbanken og mobilbanken. Der ligg salet eller kjøpet som ei eiga linje med status, til dømes under registrering eller til behandling. Når kjøpet er gått gjennom, vil du sjå fondsnamnet og marknadsverdi under behaldninga i visninga mine fond.
Frå du sel dine fondsandelar tar det fire til seks virkedagar før du har pengane på konto.
Kort om avkasting
Historisk avkasting for fond er ingen garanti for framtidig avkasting. Framtidig avkasting avheng mellom anna av marknadsutviklinga, kor dyktig forvaltar er, risikoen til fondet, og dessutan kostnadar ved forvaltning og innløysing. Avkastinga kan bli negativ som følge av kurstap.
For deg som handlar fond og verdipapir
Sjå avtalar og retningslinjer
Samanlikn prisar
Du kan samanlikne prisane våre med prisar frå andre selskap på Finansportalen.no