Tips og råd
TIPS OG RÅD
Skulestart
Skulestart er ei viktig hending for mange, men kan også slite litt på lommeboka. Med desse tipsa får du ein god økonomisk start på skulekvardagen.
TIPS OG RÅD
Skulestart er ei viktig hending for mange, men kan også slite litt på lommeboka. Med desse tipsa får du ein god økonomisk start på skulekvardagen.
Planlegg gjennom heile året, og ha skuleting og utstyr på ønskelista til bursdagar og jul. Då har du det til den dagen barnet treng det.
Treng barnet heilt nye klede til skulestart? Oftast er det vi foreldre som er opptatt av nye klede, medan barna helst vil gå i det dei trivst i. Dei bryr seg ikkje alltid om kvar kleda kjem frå. Prøv å handle så billeg som mogleg, eller kjøp brukt.
Det går meir pengar til bursdagsgåver når barna begynner på skulen. Dei fleste klassar blir samde om ein felles pris på gåvene. Sjå etter tilbod gjennom året. Finn du barnebøker eller andre gåver på sal, kan du kjøpe fleire i same slengen. Det same gjeld bursdagskort – det er alltid greitt å ha nokre ekstra i skuffa.
Mat er noko av det ein bruker mest pengar på i månaden, men også noko du kan spare mykje på. Lag ein plan for vekas middagar og handle ein gong i veka. Fyll opp frysaren med brød, så har du når matpakkane skal smørjast søndag kveld. Middagsrestar er også alltid godt i matpakken.
Dei store utgiftene kjem først når barnet har blitt større. Tannregulering og briller kan vere noko barnet ditt treng, og då er det smart å ha ein liten buffer.
Start tidleg med sparing til barn
Vil du gi barna dine ein god økonomisk start og tryggleik seinare i livet, er det lurt å starte sparing så tidleg som mogleg. Startar du å spare tidleg vil sjølv små beløp vekse seg store når du sparer jamt over mange år.
Med eit eige bankkort og Spink-appen kan barn lære seg å handtere eigne pengar. I Spink-appen kan de sjå kor mykje pengar som er på kortet, og kva dei er brukte til.
Ei barneforsikring gir økonomisk tryggleik viss barnet ditt skulle bli alvorleg sjuk eller utsett for ei ulykke. Tar du med uførepensjon, sikrar du også at barnet får inntekt som voksen.
Når du sparer til barnet, er det som regel langsiktig. Då kan det ofte lønne seg å spare i fond. Sparing i fond vil normalt gi langt betre avkasting enn tradisjonell banksparing.