Oppfyll bustaddraumen med BSU
Det er mogleg å komme inn på bustadmarknaden på eigahand. Det handlar om å bruke dei spareknepa og moglegheitene som finst, som å spare i BSU.
Her er 5 råd til deg som sparer til din første bustad
Utnytt BSU-kontoen fullt ut
For å få mest mogleg ut av BSU-kontoen, bør du spare 27.500 kroner kvart år. Dette vil hjelpe deg å bygge opp ein solid eigenkapital, noko som kan vere avgjerande når du skal kjøpe den første bustaden din.
Spar BSU-skattefradraget
Når du ikkje eig eigen bustad frå før, kan du dra nytte av skattefrådraget du får ved å spare i BSU.
Ved å spare skattefrådraget du får, kjem du raskare eit steg nærare eigen bustad. Sjå reknestykket som viser vegen til eit større bustadbudsjett.
Hugs at du må ha inntekt over 111.000 kroner for å få fullt frådrag for BSU-sparinga di.
Begynn tidleg og spar ekstra viss du kan
Det tar minst 11 år å spare opp maksbeløpet på 300.000 kroner i BSU. Du bør derfor begynne å spare så snart du har skattbar inntekt, slik at du kan dra nytte av skattefrådraget og samtidig få spart så mykje som mogleg før du fyller 34 år.
Det kan vere lurt å spare meir gjennom året enn dei 27.500 kronene i BSU. Her kan du utforske fleire måtar å spare på.
Bu billeg og spar pengar
Viss du har moglegheit til å bu billeg mens du studerar eller jobbar, kan du spare mykje pengar. Kanskje du kan bu heime ein periode, eller dele på bukostnadane ved å leige noko saman med ein venn? Det du sparer ved å bu billeg, kan du setje av til bustaddraumen.
Jobb meir og ten meir
Har du tid til overs? Jobb ekstra ved sida av studiane eller den vanlege jobben din. Du kan også bruke helgar og feriar til å tene litt ekstra pengar.
Kva lurer andre på?
Du kan spare i BSU til det året du fyller 33 år.
Du kan spare inntil 27.500 kroner kvart år i BSU, og maks 300.000 kroner totalt.
Det tar minst 11 år å spare opp maksbeløpet, og det vil seie at du seinast må starte sparinga det året du fyller 23 år for å få maks beløp.
Det er fleire reglar for BSU-sparinga. Ein av dei er at pengane du sparer på BSU-kontoen er øyremerka til bustad.
Dette kan du nytte pengane frå BSU-kontoen til:
- Pengane kan du bruke til eigenkapital ved bustadkjøp, nedbetaling av bustadlån eller kjøp av byggetomt.
- Pengane kan brukast til bygging av garasje.
- Pengane kan brukast til oppussing, påbygging og vedlikehald på bustaden din.
Du er sjølv ansvarleg for kva du bruker BSU-pengane til. Dersom BSU-pengane blir brukt til føremål som ikkje er godkjent i samsvar med Skatteetaten sine reglar, er det du som er pliktig til å informere Skatteetaten.
Ikkje godkjent bruk av BSU-pengar vil føre til at du må betale tilbake det du har fått i skattefrådrag på sparinga.
Du kan ikkje spare meir på BSU-kontoen etter at du har begynt å bruke BSU-pengane, med mindre det er pengar du har spart tidlegare i år. Desse er ikkje låste før årsskiftet og kan takast ut igjen.
Du kan spare 27.500 kroner kvart år i BSU, og maks 300.000 kroner totalt. Det tar minst 11 år å spare opp maksbeløpet.
Hugs at du ikkje kan spare lenger enn til og med det året du fyller 33 år, det vil seie at du seintast må starte sparinga det året du fyller 23 år for å få maks beløp.
Skattefrådraget på BSU er 10 % av det du sparer per år. Det vil seie inntil 2750 kroner. Pengane må vere på konto innan 31. desember, og stå over årsskiftet. Banken melder inn beløpet du har spart til Skatteetaten, som reknar ut skattefrådraget basert på inntekta di.
Skattefrådraget er berre for dei som ikkje eig eigen bustad frå før av. Det vil seie, eig du ein bustad (heilt eller delvis) per 31. desember får du ikkje skattefrådraget for dette året.
For å få fullt utbyte av BSU-frådraget, må du tene over 111.000 kroner. Først då betaler du nok skatt til at du får frådrag for det maksimale BSU-innskotet på 27.500 kroner.
Sjå også
BSU-reglar
BSU-konto oppretter du i nettbanken eller mobilbanken.
Er du under 18 år må kontoen opnast av dine foreldre/verge. Verge må sende oss ei melding i nettbanken eller mobilbanken, så hjelper vi dykk med å opprette BSU-kontoen.
Vi tilrår ikkje å spare i BSU før barnet har eigen inntekt og kan få skattefrådrag for sparinga.
Sjå også
BSU-reglar
Oppfyll bustaddraumen med BSU
Tips og råd
BSU-reglar
Kven kan spare, kor mykje, og til kva? Her får du reglane for BSU!
Inga spareform slår BSU
Klarar du å spare 75 kroner om dagen? Då har du full BSU på slutten av året.
Fyll opp BSU-kontoen
Her får du 3 gode grunnar til å fylle opp BSU-kontoen.
Ønsker du deg eigen bustad?
Start BSU-sparing tidleg!
Samanlikn prisar
Du kan samanlikne prisane våre med prisar frå andre selskap på Finansportalen.no