Byte bustad
Eg skal kjøpe ny bustad
Har du bustad frå før, men planleggje å kjøpe ein ny? Då må du starte med å søkje lån og få oversikt over økonomien din. Her får du ein enkel oversikt over stega i prosessen.
Få hjelp til å kjøpe og selje bustad – steg for steg.
Du har bustad frå før, men planlegg å kjøpe ny.
1. Finn ut kva bustaden din er verdt
Det er smart å ta kontakt med ein meklar tidleg. Du treng å vite verdien av den noverande bustaden din – før du kan søke om nytt bustadlån.
Lokale meklarar i EiendomsMegler 1 kjenner området ditt og veit kor mykje bustaden din er verdt i dagens marknad. Meklar kan også gi deg gode råd om bustadsalet.
2. Sjekk kva du har råd til
Bustadlånskalkulatoren vår gir deg ei utrekning på kor mykje du kan få i bustadlån, og kva lånet vil koste i månaden.
3. Søk lån eller skaffe finansieringsbevis
For å vite kor langt du kan gå i budrunda treng du å søke lån eller skaffe deg eit finansieringsbevis frå banken. Raskt svar, som oftast i løpet av same dag. Det er heilt uforpliktande og kostar ingenting.
4. Finn din nye heim!
Når du veit kva du har råd til, er du klar for å begynne den spennande bustadjakta. Ta ein titt på prosessen - steg for steg.
Prisdøme: Låner du 2 millionar over 25 år kostar lånet totalt 3 669 700 kr. Effektiv rente er 5,61 % og månadleg terminbeløp 12.151 kr
Har du spørsmål om bustadlån?
Vi er her for å hjelpe! Du velger sjølv korleis du vil snakke med oss – om du vil skrive, prate, møtast på kontoret, eller ta det over telefon.
Bør eg kjøpe eller selje bustad først?
Eit spørsmål mange stiller seg når dei har bestemt seg for å kjøpe ny bustad, er om dei bør selje bustaden dei sit på først, før dei kjøper ny. Det er argument for begge delar.
Fordelar ved å selje bustad først
- Du veit nøyaktig kva du har å kjøpe for - Når bustaden er seld, kjenner du salgsprisen og eigenkapitalen din. Det gjer det enklare å setje ei realistisk ramme for kjøp – og å vite kor langt du kan gå i ei budrunde.
- Mindre økonomisk risiko - Du slepp å eige to bustader samstundes. Det kan gi lågare månadlege kostnader og mindre bekymring, særleg viss salget skulle ta litt tid.
- Enklare å planlegge lånet - Når salget er i boks, blir det enklare å tilpasse bustadlånet til ny bustad. Du har betre oversikt over både lån, eigenkapital og kva kvardagsøkonomien toler.
- Gir ofte meir ro i kjøpsprosessen - Med seld bustad i ryggen kan du konsentrere deg fullt og heilt om å finne riktig ny bustad – utan å ha mange lause trådar samstundes.
Fordelar ved å kjøpe bustad først
- Du får betre tid til å finne riktig bustad - Når du ikkje har ein selt-først-frist hengande over deg, kan du ta deg betre tid. Det gir rom for å vente på bustaden som føles rett, i staden for å kjøpe i hast.
- Du slepp midlertidige løysingar - Kjøper du først, kan du ofte flytte rett frå gamal til ny bustad. Det betyr mindre stress, færre flyttingar og ein meir føreseieleg kvardag.
- Enklare å planlegge salget - Når ny bustad er på plass, kan du legge visning og salg av den gamle bustaden til eit tidspunkt som passar deg betre, for eksempel når marknaden er gunstig.
- Kan vere praktisk i eit stramt bustadmarked - I periodar med få bustader til salgs kan det vere ein fordel å slå til når du finn noko som passar, sjølv om du ikkje har solgt enno.
Kjøper du bustad før du har solgt din gamle, har du moglegheit til å få mellomfinansiering.
Kva lurer andre på?
Ja, viss økonomien din tillèt det, kan du få lån til ny bustad før den gamle er seld. Dette kallast mellomfinansiering. Du får då lån til den nye bustaden, samtidig som du betaler på det gamle lånet. Ved behov kan du få avdragsfritak på eitt eller begge lån, det vil seie at du berre betaler renter.
Sjå også:
Bør eg kjøpe eller selje først?
Bustadbyteguiden - kjøpe og selje steg for steg
Søk mellomfinansiering
Mellomfinansiering vil seie at du får lån til å kjøpe ny bustad før den gamle er seld, eller før du har fått oppgjeret frå den gamle bustaden din. Då har du i ein periode lån på to bustadar.
Du kan få avdragsfritak i perioden med mellomfinansiering, då betalar du berre renter. Då betalar du berre renter. Når du har selt og fått oppgjeret for den gamle bustaden, blir det gamle lånet avslutta. Overskotet frå salet (eigenkapitalen) vert flytta til lånet på den nye bustaden, som då blir gjort om til eit ordinært lån.
Det er utlånsforskrifta som legg føringar for kor mykje du kan få i bustadlån. Forskrifta seier mellom anna at du som ein hovudregel må ha minst 10 % eigenkapital, og at du kan låne maks fem gonger inntekta di.
Du må også tole ei renteauke på 3 prosentpoeng frå dagens nivå eller minst 7 prosent. Denne blei justert ned frå 5 prosent til 3 prosent frå 1. januar 2023.
I tillegg til å sjå på kor mykje dukanlåne, bør du òg vurdere kor mykje dubørlåne. Det er viktig å ta omsyn til den samla økonomien i familien, både no og i framtida. Hugs – du skal leve også, ikkje berre overleve. Du bør kunne leve komfortabelt med lånet over tid.
Moglegheitene dine og kor mykje akkurat du kan låne er noko du finn ut saman med rådgjevaren din. Er du nysgjerrig akkurat no kan du teste lånekalkulatoren vår. Den gir deg ein peikepinn på kor mykje du kan låne.
Sjå også:
Kva er eit finansieringsbevis?
Kor mykje eigenkapital må eg ha for å kjøpe bustad?
Verdien på bustaden din vil endrast over tid, og derfor kan det vere lurt å sjekke verdien jamleg. Spesielt viss du vurderer å selje bustaden din eller refinansiere bustadlånet kan det vere viktig å følge med på. Visste du at du kan få ei rask oversikt over estimert bustadverdi ved å bruke Bustaden min i mobilbanken vår?
Eit verdiestimat er mellom anna basert på tidlegare sal på liknande bustader i området og marknadsutviklinga der du bur. Estimatet tek ikkje omsyn til tilstanden på bustaden, særeigenheiter, oppgraderingar eller e-takst. For eit meir nøyaktig estimat kan du kontakte Eigedomsmeklar 1 for verdivurdering av bustaden din.
I Bustaden min kan du i tillegg til estimert bustadverdi finne:
- Informasjon om bustaden din, til dømes eigarform, energimerking og byggjeår
- Sal av liknande bustader i nærområdet ditt
- Oversikt over bustadlånet og lånegrad
- Bustadutgiftene dine
Å søke bustadlån kostar ingenting, og er heilt uforpliktande.
Slik gjer du det:
- Fyll ut søknaden. Du startar med å fylle ut ein digital søknad. Her samtykker du til at vi hentar lønns- og skattedata frå Altinn. Deretter legg du inn eventuell eigenkapital og informasjon om bustaden du vil kjøpe – viss du har funne ein. Har du ikkje funne bustad enno, kan du søke om finansieringsbevis, så veit du kor mykje du har å gå på.
- Vi ser på søknaden din – og inviterer deg gjerne inn på eit møte. Rådgjevaren vår går gjennom søknaden og vurderer økonomien din. Du får beskjed viss vi treng meir informasjon. Du kan følge med på statusen i mobil- eller nettbanken din.
- Du får svar. Når søknaden er behandla, får du eit tilbod. Viss du har søkt om finansieringsbevis, får du vite kor mykje du kan låne – og du veit kor mykje du kan by i ein budrunde. Viss du ikkje får godkjent søknaden, vil du få beskjed om kvifor, og vi vil hjelpe deg med å finne alternative løysingar som for eksempel medlåntakar eller kausjonist.
- Du signerer digitalt. Alt skjer digitalt. Du får dokumenta til signering, og vi hjelper deg viss du lurer på noko.
- Lånet utbetalast. Når alt er klart, utbetalast lånet og du kan flytte inn i din nye heim!
Bruk gjerne bustadlånskalkulatoren først. Den gir deg ein peikepinn på kor mykje du kan låne og kva det vil koste deg per månad. Men hugs – for å få eit nøyaktig tilbod må du sende inn ein søknad.
Sjå også:
Kva er forskjellen på medlåntakar og kausjonist?
Kva blir meint med sikkerheit i bustad?
Kor lang tid tar det å få finansieringsbevis?