Tips og råd
Bufferkonto
Uventa utgifter kjem gjerne når det passar aller dårlegast. Då er ein bufferkonto gull verd.
Tryggleik
Ta gode val i kvardagen og spar ein buffer.
Fleksibelt
Spar så mykje du får til, når du vil.
Tilgjengeleg
Bruk pengane til kva du vil, når du treng det.
Kva er ein buffer?
Ein buffer er noko som kan dempe ei ikkje planglad hending, eller eit problem. For økonomien din betyr det å ha ein buffer at du har litt pengar på lur, pengar i reserve, som du kan bruke i eit nødstilfelle.
Uventa utgifter kjem gjerne når det passar aller dårlegast, og då er bufferkontoen redninga.
Rente på bufferkonto
2,6
%
- Renta gjeld for beløp inntil 500 000 kr
- Satsane gjeld frå første krone
- Inga bindingstid
Kvifor treng eg ein bufferkonto?
Med ein buffer har du alltid pengar i bakhand, og er derfor godt rusta til å takle plutselege kostnader som måtte dukke opp. Har du derimot ikkje oppsparte pengar i reserve når du treng dei, må du kanskje belage deg på kredittkort eller forbrukslån, noko som kan bli dyrt i lengda.
Noko av det aller viktigaste du kan gjere for din eigen økonomiske tryggleik, er derfor å bygge deg ein økonomisk buffer. Begynn i dag!
– Kor mykje bør eg ha i buffer?
Vi anbefaler at du har buffer på ein til to månadslønner. Med både barn, bil og bustad kan det vere lurt å setje av mellom to og tre månadslønner. Har du sambuar, kan de dele ein bufferkonto som blir sett av til det de eig saman.
«Ein buffer er kanskje det viktigaste sparemålet du kan ha. Bufferen bør vere stor nok til at du er trygg på at du kan handtere kvardagens forventa og uventa utfordringar.»
Magne Gundersen, forbrukarøkonom
Les forbrukarøkonomen sine tips til deg som vil spare til ein buffer
Korleis bygger eg ein buffer?
Det er mange måtar å spare til buffer på. Vi anbefaler at du gjer det på ein måte som går av seg sjølv, heilt utan at du merkar det!
Fast beløp kvar månad
Spar ein fast sum i månaden. Pengane blir overførte til bufferkontoen på same tid kvar månad, utan at du treng å gjere noko.
Når du har litt til overs
Spar det du har til overs på lønnskontoen før neste lønningsdag, kvar månad. Beløpet blir flytta automatisk til bufferkontoen.
Når du bruker kortet
Spar eit bestemt beløp, ein prosentdel av det du handlar for eller eit avrunda beløp kvar gong du bruker kortet.
Kva lurer andre på?
Ein bufferkonto er ein sparekonto som skal hjelpe deg om det dukkar opp uventa hendingar og uforutsette utgifter. Ein buffer kan gjere dei sure, uforutsette utgiftene litt meir overkommelege. Har du ein buffer, har du pengar til å fikse sykkelen, vaskemaskina eller andre mindre morosame ting.
Som hovudregel anbefaler vi at du har ein buffer på ein til to månadslønningar.
Kor mykje du bør ha i buffer er avhengig av livssituasjonen din, kor du er i livet og kor mykje du eig.
Det finst ingen bestemt fasit, men vi har vi sett opp nokre eksempel på kor stor ein bufferkonto bør vere.
Sjå eksempel:
| Ung og student | Vi anbefaler 5000 til 10.000 kroner i buffer. |
| Ung med jobb | Vi anbefaler 15.000 til 25.000 kroner i buffer. |
| Par med barn | Vi anbefaler 50.000 kroner for husholdningen i buffer. |
Når du skal starte å spare, kan det vere lurt å tenkje over kva du ønskjer å spare til. Spar til noko du gler deg til, eller noko konkret som ei hytte. Du kan òg spare til kvardagen, slik at du har litt ekstra å rute med viss utgiftene aukar meir enn du forventar.
Det finst ulike måtar å spare på. Her finn du nokre moglegheiter:
- Bufferkonto
Det er lurt å starte med ein bufferkonto. Å spare pengar på ein bufferkonto sikrar at du har pengar om det dukkar opp uventa hendingar og uforutsette utgifter. Les meir om bufferkonto. - Sparekonto
Mange startar med ein sparekonto. Å spare pengar på ein konto er ei sikker og forutsigbar spareform. Du kan velje å spare fast, kvart gong du bruker kortet, eller når du har noko til overs. Les meir om sparekonto. - BSU (Boligsparing for ungdom)
Er du under 34 år og sparer til bustad, er det inga spareform som slår BSU. Les meir om BSU - Fond
Å spare i fond passar ypperleg når du skal spare langsiktig. Begynn i det små, om det så berre er nokre hundrelappar i månaden. Startar du tidleg så kan sjølv små summar vekse seg store over tid. Her kan du lære meir om fond. - Pensjon
Pensjon er pengane du skal leve av i framtida. Å spare smart kan gi deg ein betre kvardag som pensjonist. På våre sider kan du velje den livsfasen du er i, og få tips til korleis du bør spare. Les meir om sparing til pensjon.
Ønskjer du fleire tips, kan du lese våre beste sparetips tilpassa deg.
Sjå også
Tips og råd
Samanlikn prisar
Du kan samanlikne prisane våre med prisar frå andre selskap på Finansportalen.no