Servodatloktema dáiddárstipeanda
Ámmátdáiddárat Davvi-Norggas sáhttet ohcat stipeandda ovdal skábmamánu 16. b. 2023:s.
Mii dáiddárstipeanda lea
Juohke stipeanda lea eanemustá 150.000 ruvnnu, ja juhkkojuvvo 30 ámmátdáiddáriidda geat barget Davvi-Norggas. Dát galgá dagahit ahte dáiddárat sáhttet čiekŋudit iežaset bargui, dan prošeavtta vuođul man ieža čilgejit ohcamis. Ulbmil lea váikkuhit dáiddalaš práksisa ođđahutkamii ja ovdáneapmái.
Ohcaneavttut
- Čilge ovtta dihto prošeavtta masa háliidat geavahit stipeandda
- Prošeakta ferte čađahuvvot guovtti jagi siste dan rájes go ruhta lea juolluduvvon
- Dus ferte leat organisašuvdnanummar
- Dus ferte leat ássančujuhus Davvi-Norggas
- Dát mildosat fertejit leat mielde ohcamis:
- CV mas lea dáiddalaš oahppu ja barggut
- Portofolio/dáiddalaš barggu duođaštus
Geat sáhttet ohcat?
- Sii geat barget dáiddárin, beroškeahttá čearddalašvuođas, geain lea ássančujuhus Nordlánddas, Romssa fylkkas, Finnmárkkus dahje Svalbárddas.
- Ohccis ferte leat organisašuvdnanummar, ja son ferte bargat ja sus ferte leat fitnodat registrerejuvvon Davvi-Norggas.
- Stipeanda lea friddja ja ámmátlaš hábmejeddjiid várás, juohke dáiddasuorggis, nu mo musihkka, lávdedáidda, filbma, govva, girjjálašvuohta, visuála dáidda ja giehtadáidda. Dáiddaárvvoštallit maid sáhttet ohcat dán ortnega bokte.
- Stipeanda addo ovttaskas dáiddárii, ii sáhte ohcat joavkun iige sáhte ohcat eará dáiddára ovddas.
Jearaldagat ja vástádusat
Lea jury mas leat iešguđetge dáiddasuorggi ovddasteaddjit geat maŋŋá oktasaš fágalaš árvvošteami vuođul juhket eanemustá 30 stipeandda.
Jury deattuha:
- Dáiddalaš dási
- Dáhttu suokkardit iežas práksisa
- Mo stipeanda sáhttá leat ávkin dáiddalaš ovdáneapmái ja buvttadeapmái
- Fáttá ja sisdoalu
- Šáŋŋer- ja gaskkustanviidodaga
- Juohkášumi gaskal sajáiduvvan ja ođđa dáiddáriid
- Geográfalaš máŋggabealatvuođa
Vilde Fjeldheim Wold Servodatloktemis Davvi-Norgga Seastinbáŋku 1:s lea juryjođiheaddjin. Eará jurylahttit:
- Brynjar Rasmussen, Scene Nord dáiddalaš jođiheaddji, Čáhcesuolu
- Therese Bakkeboll, girječálli, Romsa
- Eva Charlotte Nilsen, rešissevra, filbmadahkki, Viesterálas
- Marte Fjellheim Sarre, neavttár, dánsejeaddji, koreográfa Sámi Našunálateáhter Beaivvážis, Guovdageaidnu
- Neal Cahoon, postdoktor Lappi universitehtas ja Pikene på Broen ovddeš kuratoraláš jođiheaddji, Girkonjárga
- Kristoffer Nohr Unstad, lávllačálli ja musihkkár. Bargá beaivválaččat Nordlándda Kultuvrralaš skuvlalávkka buvttadeaddjin, Bådåddjo.
Ruđaid sáhttá geavahit olggosgoluide mat gusket prošektii man galggat čađahit, ja fertejit leat čatnon dáiddalaš prosessii. Ii sáhte geavahit stipeandda musihka dahje girjjiid almmuheapmái, deaddileapmái iige distribušuvdnii, márkanfievrrideapmái, čájálmasaide dahje sullasaš áššiide.
Ii. Nu guhká go barggat dáiddárin (ja lea organisašuvdnanummar ja ássančujuhus Nordlánddas, Romssa fylkkas, Finnmárkkus dahje Svalbárddas) de sáhtát ohcat.
Vállje dan dáiddajoavkku mii buoremusat heive du ámmátlaš dáiddalaš doibmii. Jus dus leat máŋga, válljet dan mainna eanemusat barggat.
Lea vejolaš ohcat ja oažžut dáiddárstipeandda máŋgii. Seammás lea nu ahte árvvoštallo maid ahte leago ožžon stipeandda ovdal, ja berre boahtit čielgasit ovdan ođđa ohcamis manne berre oažžut vel eanet stipeandda.
Jo, dan sáhttá. Fas; lea jury mii árvvoštallá leago ohcan ja prošeakta dakkár hámis ahte berre oažžut eanet doarjaga Servodatloktemis.
Ohcanáigemearri lea 16.11.2023, ja juolludeamit dahkkojuvvojit 04.12.2023.
Don, vuostáiváldin, leat geatnegahtton ieš gávnnahit makkár persovnnalaš vearrogeatnegasvuođat dus sáhttet leat. Gávnnat eanet dieđuid siiddus skatteetaten.no. Jus leat eahpesihkar sáhtát čielggadit jearaldagaid vearrokantuvrrain, dannego sii fertejit árvvoštallat máŋga dihto beali juohke áššis.
Stipeanda gusto guokte jagi dan beaivvi rájes go juolluduvvo.
Dárogillii dahje eaŋgalasgillii.
Buohkat geat ožžot stipeandda fertejit raporteret stipeandda ovddas man leat ožžon. Liŋka raportaskovvái lea e-poasttas man oaččut go juolluduvvot stipeandda, ovttas eará dieđuiguin duođaštangáibádusaid ja sullasaččaid birra.
Buot ohcamiin fertejit leat čuovvovaš mildosat:
- CV mas lea dáiddalaš oahppu ja barggut
- Portfolioi/dáiddalaš barggu duođaštus, mii addá juryi nu buori vejolašvuođa go vejolaš árvvoštallat du ja du prošeavtta stipeandateavstta ektui.
Sii geat ožžot stipeandda sáhttet geavahit dan ovdánahttit ođđa dahje gárvet prošeavttaid mat leat jo jođus.
