Fem gode grunnar til å starte IPS-sparing
Det er ingen tvil om at IPS er ein gunstig måte å spare til pensjon på eigen hand.
Her har du fem gode grunnar til å starte sparing i IPS, hos SpareBank 1.
5 gode grunnar
Når du startar IPS-sparinga di hos oss, er jobben vår å forvalte pengane dine på ein måte som gjer at dei har gode vekstvilkår til den dagen du skal ta dei ut. Vi går gjennom ulike fasar i løpet av livet, og gjennom dei ulike livsfasane oppstår det som regel ulike sparebehov. I ein periode kan fokuset vere på å komme inn i bustadmarknaden, mens i ei anna kan det vere å etablere familie.
Når du opprettar IPS-kontoen din hos oss, vil du få det som heiter «alderstilpassa sparing». Du får rett og slett ei løysing som er tilpassa kor gammal du er. Dette gjer vi for at du skal sleppe å bruke masse tid på å tilpasse sparinga di heilt fram til pensjonsalder.
La oss forklare dette litt nærare:
Som ung skal du spare over lang tid, og då bør du ha ein høg andel av aksjar i sparinga di.
Aksjar!!? – tenkjer du kanskje då, høyrast veldig risikabelt ut.
Det er riktig at meir aksjar aukar risikoen, men basert på historiske tal og vår erfaring, er det det som gir deg mest att for pengane dine når du skal spare i så lang tid. Når du blir eldre, og det er færre år til du skal gå av med pensjon, blir andelen aksjar redusert og risikoen blir nedjustert tilsvarande – og alt dette skjer heilt automatisk. Du står sjølvsagt heilt fritt til å byte til ein annan profil viss du ønsker å styre sjølv. Det kan du enkelt gjere i mobilbanken og nettbanken etter at kontoen er oppretta.
– Filosofien er ikkje berre enkel, men også veldig god – det viser resultata våre, seier Marianne Christensen, som er pensjonsekspert i SpareBank 1 Forsikring.
Pensjonssparing i SpareBank 1 er enkelt, tilgjengeleg og trygt. Vi har 300 kontor med rådgivarar som står klare til å hjelpe deg når du treng det. Enten du ønsker å gjere alt sjølv eller få hjelp av ein rådgjevar legg vi til rette for at du får den informasjonen du treng for å ta det rette valet – både for situasjonen i dag og i framtida.
Pensjonssparing er ikkje noko folk ønsker å gamble med. Derfor har IPS-sparing hos oss garanti mot negativ avkastning i utbetalingstida, for at du skal få ei føreseieleg og trygg pensjonsutbetaling.
Det vil seie at dei sparepengane du har opparbeidd deg når beløpet skal betalast ut, er du garantert å få utbetalt. Saldoen kan aldri reduserast med meir enn det du har fått utbetalt og kostnadene knytt til kontoen.
Kundane våre betyr alt. Derfor er det òg viktig med tilbakemeldingar på at dei trivst hos oss. Og difor er vi ekstra glade for at uavhengige målingar som EPSI-undersøkinga viser at SpareBank 1 opplevast som enkle å forhalde seg til, med forståelege løysingar og gode digitale verktøy.
Hos oss får du bank, pensjon og forsikring på same stad. Dette er ting som heng tett saman, og ved å samle alt får du oversikt over alle avtalane dine i ein og same nettbank og mobilbank.
Slik fungerer IPS-sparing
IPS er individuell pensjonssparing med skattefordel, og er eit insentiv frå staten som skal hjelpe nordmenn med å sette av pengar til pensjonstida. Du bestemmer sjølv om du vil spare lite eller mykje, men du kan spare inntil 25.000 kroner i året. Uavhengig av kor mykje du vel å spare, får du ein skattefordel på 22 % av sparebeløpet, i form av utsett skatt. Det er først når du tek ut pengane at du begynner å skatte.
Det vil seie at dersom du set av ein tusenlapp i månaden, altså eit totalt sparebeløp på 12.000 kroner, får du tilbake 2.640 kroner på skatten året etter. Du sparer altså 2.640 kroner meir enn du elles kunne setje av. Set du desse pengane inn att på IPS-kontoen din, treng du dermed kun å spare 9.360 kroner frå eigen lomme året etter for å oppnå same sparebeløp på 12.000 kroner.
Skatteutsetting
Når du startar utbetalinga av pensjonen, skattar du av beløpet som alminneleg inntekt. Vi kan derfor beskrive skattefordelen på 22 % som ein slags skatteutsetting. Men i løpet av den tida du då har spart, har du også fått avkastning på skattepengane gjennom mange år.
Marianne Christensen
Pensjonsekspert
SpareBank 1 Forsikring
Marianne har jobba med pensjon i SpareBank 1 Forsikring i over 15 år. Ho brenn for å gjere pensjon enkelt for folk flest – og til og med litt gøy!
Pensjon, Sparing, Økonomi, Leiing
marianne.christensen@sparebank1.no
Det er dette som gjer IPS til gunstig pensjonssparing. Sjølv om du må skatte av beløpet når du byrjar å ta ut pengane, vil du klare å bygge opp ein langt større verdi med IPS, enn utan sparinga. Dette er på grunn av avkastninga du får på pengane du «låner» av staten.
Kor er du i livet?
Pensjonen din er pengane du skal leve av i framtida. Å spare smart kan gi deg ein betre kvardag som pensjonist. Vel den livsfasen du er i, så hjelper vi deg i gang.
Ung
For deg mellom 18 og 34 år.
Vaksen
For deg mellom 34 og 50 år.
Godt vaksen
For deg mellom 50 og 62 år.
Snart pensjonist
For deg som er over 62 år
Ser du etter skjema som høyrer til pensjonsløysingane våre?
Her finn du oversikt over våre pensjonsskjema, enten det gjeld arbeidsuføre, dødsfall, uttak eller anna.
Skal du starte utbetaling av pensjonen din?
Her finn du informasjon og kan starte utbetaling.