Pensjonssparekonto
Ein pensjonssparekonto er ein konto der du sjølv sparer ekstra til pensjonen din. Vil du ha fleksibilitet i sparinga di, kan pensjonssparekonto vere noko for deg.
Så mykje du vil, og så ofte du vil.
Ta ut heile eller delar av sparebeløpet når som helst.
Få sparing som er best for deg og din alder.
Prisar og vilkår
- Prisen avhenger av kva spareprofil du vel, og varierer frå 0,5 - 1,15 %
- Administrasjon av avtalen kostar 0,1 % av saldo.
Korleis blir pengane plasserte og kva kostar det?
I tabellen nedanfor ser du kva spareprofilar og forvaltningsformer du kan velje mellom og kva det kostar.
Les meir om spareprofilane her
Vi prøver å gjere det enkelt å forstå produkta våre, men sjølvsagt kan det vere noko du ikkje fann svar på likevel. Er det ord og uttrykk du lurer på kva betyr?
Sjå pensjonsordlista vår her.
| Spareprofil/forvaltningsform | Aktiv | Svanemerka | Indeks |
| Alderstilpassa: | 0,50 -1,15 % | 0,50 % | 0,50 % |
| Renter: | 0,50 % | 0,50 % | 0,50 % |
| Forsiktig: | 0,66 % | 0,50 % | 0,50 % |
| Moderat: | 0,83 % | 0,50 % | 0,50 % |
| Offensiv: | 0,99 % | 0,50 % | 0,50 % |
| Aksjar: | 1,15 % | 0,50 % | 0,50 % |
| Administrasjonsgebyret er 0,1 % av saldo. |
Vilkår og viktig informasjon om pensjonssparekonto
Du kan laste ned fullstendige vilkår, produktark og nøkkelinformasjon om pensjonssparekonto under.
Å spare til pensjon er enklare enn du trur
Den digitale rådgjevaren vår hjelper deg så du kan starte sparinga som kan gi deg ein betre kvardag som pensjonist. Sparinga tilpassar seg automatisk alderen din, slik at du gradvis tek litt mindre risiko, jo eldre du blir. Om du ønsker å bestemme heilt sjølv kan du sjølvsagt endre til ein annan spareprofil.
Kvifor spare ekstra til pensjon?
Mange av oss har urealistiske forventningar til kor høg pensjon vi kjem til å få. For dei fleste av oss vil pensjonen utgjere rundt 50 prosent av lønna – om vi ikkje sparar på eiga hand i tillegg.
Så lenge levealderen aukar, aukar også talet på personar som mottek alderspensjon. Dette betyr at kvart årskull må jobbe litt lenger for å oppnå same pensjon som eldre årskull.
Synest du pensjon er vanskeleg?
Blir du forvirra av alle ord og uttrykk om pensjon? Kva er eigentleg fripolise og innskotspensjon? Her er alt du treng å vite om pensjon, sagt på ein enkel måte.
Kva lurer andre på?
Du kan når som helst gjøre uttak frå pensjonssparekontoen utan at det kostar deg noko. Du kan fortsetje å spare sjølv om du tar ut deler av saldoen.
Eigen pensjonskonto er ein lovbestemt konto. Her får du samla all innskotspensjon frå arbeidsgjevarar.
Ein pensjonssparekonto er ein konto der du sjølv sparer ekstra til pensjonen din. Pengane plasserast i fond. Det er alderen din som avgjer andelen aksjar i fondet. Viss du vil endre spareprofil kan du gjere det i nettbanken eller mobilbanken etter at avtalen er oppretta.
Administrasjonsgebyr:
0,1 prosent (gebyret er i prosent av saldo per år og belastar saldo månadleg)
Forvaltingshonorar %
Indeksforvalting: 0,5 prosent
Svanemerka forvalting: 0,5 prosent
Renter: 0,5 prosent
Aktiv Alderstilpassa: 1,15 - 0,63 prosent
Aktiv Forsiktig: 0,66 prosent
Aktiv Moderat: 0,83 prosent
Aktiv Offensiv: 0,99 prosent
Aktiv Aksjar: 1,15 prosent
Pris for forsikring ved dødsfall
Pris for livsforsikring avheng av saldo og alder på den som er forsikra, og belastar saldo månadleg. Døme på årleg pris ved ein saldo på 100 000 kroner:
| Alder | Pris for forsikring | Pris i prosent av saldo |
| 20 | 1,40 | 0,0014 % |
| 30 | 1,79 | 0,0018 % |
| 40 | 3,00 | 0,0030 % |
| 50 | 6,83 | 0,0068 % |
| 60 | 18,93 | 0,0189 % |
| 70 | 57,22 | 0,0572 % |
| 80 | 178,30 | 0,1783 |
| 90 | 561,19 | 0,5612 % |
Din pensjonsutbetaling vil bestå av tre delar. Ein del frå folketrygda, ein del frå noverande og tidlegare arbeidsgjevarar, og den delen du har spart sjølv.
Frå folketrygda (NAV)
Kvart år setjast det av eit beløp av løna di til pensjonssparing. For dei fleste av oss utgjer det ca. halvparten av det vi har i løn.
Frå arbeidsgjevar
Arbeidsgjevar sparer minst 2 % av løna di i pensjon, beløpet trekkast ikkje frå løna. Beløpet utbetalast først når du pensjonerer deg. Offentleg tilsette har som oftast ein tenestepensjon som saman med pensjonssparing frå folketrygda utgjer 66 % av løna.
Eiga sparing
Erfaringane våre tilseier at dei fleste ønsker 80 % eller meir av løna som pensjonist. For å få til dette må du òg spare litt sjølv.
Frå staten eller folketrygda
Kvar år setjast det av eit beløp som tilsvarar 18,1 % av løna di i ei pensjonsbehaldning. Av dette betalar du sjølv ein del i trygdeavgift, arbeidsgjevar betalar arbeidsgjevaravgift og staten betalar resten. Jo fleire år du jobbar, jo større blir pensjonen frå staten eller folketrygda. Pensjon fordelast på tal år du forventar å leve. Pensjonerer du deg tidleg blir det fleire år å fordele pensjonen på og dermed mindre utbetalt kvart år. Du finn ein oversikt over kva du får utbetalt på nav.no. Det er berre inntekt under 7,1G som staten set av pensjon til.
Frå arbeidsgjevar
I det private finst det tre typar pensjonsordningar, og det er arbeidsgjevar som bestemmer kva ordning du får. Det må minst vere ein innskotspensjon på 2% av løna. Det er dette som kallast Obligatorisk tenestepensjon eller OTP. Tilsette i stat, fylke og kommune har som hovudregel ein offentleg tenestepensjon som saman med alderspensjon utgjer 66% av løna.
Innskotspensjon: Arbeidsgjevar sparer ein fastsett prosent av løna di. Storleiken på pensjonen din vil primært avhenge av kor mykje som er innbetalt og avkastinga. Du bestemmer sjølv kor høg risiko du vil ha på sparinga. Når du sluttar får du eit pensjonskapitalbevis.
Ytelsespensjon: Arbeidsgjevar betalar for at du skal få ein garantert fast utbetaling. Når du sluttar får du ein fripolise.
Hybridpensjon: Arbeidsgjevar sparer ein fast prosent av løna di, og du får ein garantert fast utbetaling. Storleiken på pensjonen din vil primært avhenge av kor mykje som er innbetalt og avkastinga. Når du sluttar får du eit pensjonsbevis.
Avkastinga på sparing i pensjonssparekonto er skattefri fram til du startar utbetaling. Når du tek ut pengane, blir aksjeavkasting skattlagd som aksjar og renteavkasting som renter.
Skattesats på avkasting frå renter er 22 % i 2025. Skatt på avkasting frå aksjar er 37,84 % i 2025. Kva som skal skattleggast som aksjar og kva som skal skattleggast som renter, blir berekna ved å finne gjennomsnittleg aksjeandel i heile avtaleperioden.
Du får skjerming (skattefritt grunnlag) på avkastinga frå aksjar. Saldoen din tel med når styresmaktene bereknar formuesskatt, men han tel som 80 % av verdien. Du får altså ein verdsetjingsrabatt på 20 % på den delen som gjeld aksjeformuen.
Det blir ikkje trekt forskotsskatt på pensjonssparekonto.
Det er ikkje mogleg å berre ta ut investert beløp på pensjonssparekonto. Det beløpet som blir tatt ut, vil vere basert på fordeling mellom investert beløp, avkasting og total saldo på avtalen.
Kva betyr dette i praksis?
Nedanfor er det to ulike tilfelle. I begge døma har kunden 110.000 kroner i saldo og tek ut 11.000 kroner, men likevel blir dei skatta ulikt.
Døme 1:
Investert beløp: 100.000 kroner.
Avkasting: 10.000 kroner.
Uttak: 11.000 kroner.
I dette tilfellet blir det teke ut 10.000 kroner frå det investerte beløpet og 1000 kroner frå avkastinga.
Realisert avkasting er 1000 kroner, og det er dette beløpet det skal skattast av.
Døme 2:
Investert beløp: 10.000 kroner.
Avkasting: 100.000 kroner.
Uttak: 11.000 kroner.
I dette tilfellet blir det teke ut 1000 kroner frå det investerte beløpet og 10.000 kroner frå avkastinga.
Realisert avkasting er 10.000 kroner, og det er dette beløpet det skal skattast av.
Ser du etter skjema som høyrer til pensjonsløysingane våre?
Her finn du oversikt over våre pensjonsskjema,
enten det gjeld arbeidsuføre, dødsfall, uttak eller anna.
Skal du starte utbetaling av pensjonen din?
Samanlikn prisar
Du kan samanlikne prisane våre med prisar frå andre selskap på Finansportalen.no