Skademeldinga er for å beskrive trafikkuhellet, og vil vere eit bevis for kva som skjedde viss fleire partar var involvert. Den kan fyllast ut digitalt eller i fysisk form.
Med mindre det er andre bilar/køyretøy involvert i hendinga held det lenge å fylle ut digital skademelding. Då kan du fylle ut digital skademelding på nett – rett frå mobilen eller pc'en der du befinn deg.
Skademeldingsskjemaet for bil/motorvogn kan du få tak i hos dei fleste bilforhandlarar og bensinstasjonar. Du kan også laste det ned eller bestille eit ved å fylle ut skjemaet lengre nede på sida - så sender vi det til deg med posten. Du treng ikkje vere kunde for å bestille gratis skjema.
Du kan ta bilete av skademeldinga og sende den til skadepostinn@fremtind.no. Hugs å oppgi kjenneteikn (reg.nr.) og skadedato.
Få tilsendt skademeldingsskjema (motorvogn)
Spørsmål om skademeldinga
Det er den som eig eller har kjøpt forsikringa som skal melde skaden.
Er det fleire involverte bilar i ein kollisjon, kan dei involverte melde til kvart sitt forsikringsselskap.
Vi anbefaler at de skriv skademeldinga saman, der uhellet blir beskrive i detaljar. Viss de er ueinige i opplysningane, må dette noterast i skademeldinga. Om motparten ikkje ønsker å skrive skademeldinga saman med deg, er vedkomande pliktig til å gi deg kontaktinformasjonen sin (namn, adresse, telefonnummer) og registreringsnummeret på køyretøyet.
Sjølv om du er usikker på skuld, eller ikkje sjølv har skuld i ulykka, kan du melde skaden til Fremtind – så lenge du har kasko/toppkasko. De kan hjelpe deg med veghjelp, reparasjon av bilen og leigebil. Viss den andre parten har skuld, sender Fremtind rekninga til deira forsikringsselskap (kalt regress). Då treng du ikkje betale eigenandel, og du mistar heller ikkje bonus.
Ifølge forsikringsavtalelova må du melde eit krav om erstatning til forsikringsselskapet innan eitt år etter at du fekk vite om dei tinga som er årsaka til kravet. Viss du ikkje sender inn kravet innan fristen, mistar du vanlegvis retten til å få erstatning.
Ja, det kan du. Det er ikkje alltid det passar seg å skrive skademelding der og då, men vi anbefaler at du skriv den så fort som mogleg etter hendinga, medan du har detaljane friskt i minnet. Hugs å notere ned:
Namnet og telefonnummeret på den du kolliderte med.
Registreringsnummeret på køyretøyet du kolliderte med.
Namnet og telefonnummeret på eventuelle vitner til kollisjonen.
Det kan også vere lurt å ta bilete av skader og andre bevis. Viss det ikkje var andre personar/bilar involvert i hendinga, kan du melde skade på nett utan å fylle ut eit skademeldingsskjema.
Som hovudregel er fristen for å melde skaden eitt år.
1. Tenk på sikkerheit først Sett på varsellys. Ta på deg refleksvest. Sett ut varseltrekant.
Ved personskade: Ring ambulanse 113
2. Dokumenter hendinga Om andre køyretøy er involvert i hendinga:
Noter namn og telefonnummer til eventuelle vitne.
Ta gjerne bilete av skaden og kollisjonsstaden.
Fyll ut skademeldingsskjema. Konsentrer dykk om kva som har skjedd, ikkje kven som har skuld. Om du ikkje har skadeskjemaet i bilen, beskriv og teikn så nøyaktig som mogleg kva som har skjedd og noter all kontaktinformasjon.
Ved konfliktar tilkall politiet på 02800.
Er du uenig i kva som kjem fram i skademeldinga, merk og beskriv dette i punkt 14.
3. Bestill veghjelp og meld skade Ring oss og bestill veghjelp på 915 02300 eller bestill det digitalt. Du får tilbod om leigebil viss forsikringa di dekker det.
4. Kva skjer etterpå? Du kan følgje status på skadesaka di ved å logge inn til «mine skadesaker». Der kan du også laste opp vedlegg, bilete og dokumentasjon, sende meldingar, samt finne namn og telefonnummeret til din skadebehandlar.
Veghjelp og leigebil
I våre forsikringar som har kasko i namnet, inngår veghjelp i Norge og i Europa. Med kasko og toppkasko kan leigebil også vere inkludert.
Det er påbode å ha refleksvest og varseltrekant i bilen. I tillegg er det lurt å ha skademeldingsskjema, lommelykt, penn og papir i bilen.
Plasser bilen slik at den ikkje skapar farlege situasjonar i trafikken.
Sett på varsellys/nødlys.
Ta på deg refleksvest.
Sett ut varseltrekant.
2. Bestill veghjelp Bestill veghjelp digitalt, eller ring Fremtind Forsikring på (+47) 915 02300. Veghjelp har ope 24 timar i døgnet. Har du ny bil, kan det hende du er dekt av mobilitetsgarantien til bilforhandlaren/verkstaden din. Du kan også vere dekt gjennom medlemskap i NAF. Er du dekt kontaktar du dei direkte, så slepp du eigeanndel.
Når du bestiller veghjelp digitalt tar det som regel kortare tid å få hjelp, då du slepp å stå i ei eventuell telefonkø. I tillegg får vi lettare innhenta opplysningar om blant anna posisjonen til køyretøyet ditt.
3. Mens du ventar Etter du har bestilt veghjelp vil du motta ein SMS med bekrefting om at bilbergar er på veg, med informasjon om telefonnummeret til bilbergaren, forventa ankomsttid og moglegheit for å følge med på bergingsbilen undervegs.
Kjedelig å vente på veghjelp? Bruk tida på å sjekke om du er riktig forsikra. Vel di livsfase og sjå kva andre i same situasjon har valt.
4. Når veghjelpa kjem Bilbergingsselskapet vil forsøke å fikse bilen din på staden. Viss det ikkje går, fraktar dei bilen til næraste verkstad (eller bensinstasjon/ladestasjon viss du er tom for drivstoff). Må bilen på verkstad, må du melde skade på køyretøyet så raskt som mogleg. Viss du treng leigebil vil du òg få hjelp med dette.
5. Ta vare på kvitteringar Ta vare på kvitteringar og dokumentasjon for eventuelle ekstrautgifter du har hatt i samband med bilberginga. Du kan søke om refusjon av billigste transport heim. Dersom du har brukt ei anna veghjelpsteneste enn vår samarbeidspartner SOS veghjelp, må du legge ut for heile rekninga sjølv. Du får dette refundert minus eigenandel, når du melder sak hos Fremtind.
Kva kostar veghjelp og bilberging? Prisen på veghjelp er eigenandelen, som er 750 kroner, med mindre det står noko anna i forsikringsbeviset ditt. Eigenandel må betalast så lenge du har delkasko, kasko eller toppkasko, i heile Europa. Viss du kun har ansvarsforsikring på køyretøyet, må du betale full pris for veghjelp (med mindre du er dekt av medlemskap eller annan type forsikring).
Har du kasko (med leigebil som tilval) eller toppkasko får du også leigebil, viss du skulle trenge det i samanheng med veghjelpa og reparasjon.
Kva kan eg få hjelp med? Du får veghjelp ved små og store problem, enten du er på vegen eller heime i oppkøyrsla – heile døgnet, heile året. Bilbergaren vil forsøke å fikse problemet på staden. Viss det ikkje går, fraktar dei bilen til nærmaste verkstad (eller bensinstasjon/ladestasjon viss du er tom for drivstoff). Du får hjelp ved til dømes:
Vi har avtale med SOS veghjelp, som er Nordens største på veghjelpstenester. Dei hjelper deg enten det gjeld bil, motorsykkel eller lastebil.
Kva anna er eg dekt for? Du kan òg vere dekt for meirutgifter som til dømes:
påfylling etter å ha køyrt tom for drivstoff
utgifter til heimreise, med rimelegaste kommunikasjonsmiddel
(eller utgifter til avgjerdsstad i staden for heimreise, så lenge det er rimelegare enn heimreise)
transport av tilhengar som er med på turen (er det berre hengaren som er skada vil berre den bli frakta til verkstaden, men då må hengaren ha eiga forsikring)
Veghjelpsbevis
Tidlegare trengde du eit veghjelpsbevis for å vise bilbergaren at veghjelpa var dekt av forsikringa. No skjer alt automatisk når du oppgir registreringsnummeret på køyretøyet til bilbergaren.
Kontantoppgjer er når forsikringsselskapet erstattar ein skade eller ein ubenytta teneste med pengar på konto. Denne summen er meint for å dekke kostnadane forbunde med skaden eller hendinga, til dømes for reparasjon av eigedom, medisinske rekningar eller andre relevante utgifter.
Eigeninnsats i forsikringsoppgjeret I nokre tilfelle kan du få ein skade du ønsker å fikse sjølv. Fiksar du heile eller delar av jobben sjølv, kan du få kontantoppgjer for eigeninnsatsen. Vanlegvis utbetalast det kontantoppgjer på grunnlag av dokumenterte arbeidstimar eller basert på tidsestimat i skadetaksten. Timesprisen er gjerne den same (eller ein prosentandel av) timesprisen forsikringsselskapet sjølv vil få frå sine samarbeidspartnarar (verkstadar, snekkarbedrifter, osb.).
Kontantoppgjer Vi har sett opp eit par dømer på hendingar der det kan utbetalast kontantoppgjer:
Du bulkar bilen din og har krav på leigebil i perioden bilen din står på verkstad, men ønsker ikkje å benytte leigebilen. Det finst også tilfelle der du kan få kontantoppgjer om du ønsker å reparere bilen din sjølv etter ein skade.
Huset ditt får ei vasslekkasje og golv må bytast, men du vil gjerne legge parkett sjølv. Du kan få utbetalt erstatning for eigeninnsatsen, anten du gjer heile eller delar av jobben.
Det har vore flom og du har fått vatn i kjellaren, og ønsker å bidra med skadeavgrensning, vasking, rydding eller liknande. Du kan då få erstatta antal timar, avgrensa til normal utbetringstid/utføringstid.
Sjå vilkåra dine for detaljar og summar, under «erstatningsreglar», «kontantoppgjer» eller «erstatningsberekning». Hugs at forsikringsselskapet først må avgjere om forsikringsoppgjeret skal erstattast ved kontantoppgjer, reparasjon eller gjenoppføring, før du set i gang med jobben.
Har du fått glasskade eller steinsprut er det ingen eigenandel viss noverande glasrute kan reparerast. Viss glasruta må skiftast ut med ein heilt ny rute må du betale eigenandel.
Gjeld det glasskade i vindu eller dør på bygning, sjå hus- eller hytteforsikring.
Kva verkstad skal eg bruke? Finn næraste Hurtigruta Carglass glasverkstad og kontakt verkstaden direkte for bestilling av time. Du kan òg velje å reparere ruta på den verkstaden du sjølv ønsker. Verkstaden ordnar alt det praktiske (skademelding og eventuell eigenandel) med forsikring.»
Du kan også ringe oss på (+47 915) 02300 for bestilling av reparasjon. Du blir sett direkte over til samarbeidspartnararane våre frå telefonmenyen.
Steinsprutplaster Til neste gong, hugs steinsprutplaster dersom du ikkje alt brukar det.
Greitt å vite
I alle forsikringane våre som har kasko, del-/minikasko, inngår reparasjon av glasskade. Reparasjon eller skifte av rute går ikkje utover bonus du har opptent.
*Tusen takk til alle våre kundar! Vi blei kundefavoritt 2024 og er samla sett blant Norges beste på skadeoppgjer ifølge Bytt.no. Forsikringsselskapet vårt, Fremtind, kjem best ut på både skadeoppgjer, kundeteneste og kundetilfredsheit for ei rekke forsikringar, mellom 22 andre forsikringsselskap.
{
"EMAIL_FIELD_ERROR": "Skriv inn ei gyldig e-postadresse.",
"CHECKBOX_ERROR": "",
"CHECKBOX_GROUP_ERROR": "Vel minst eit av alternativa",
"DROPDOWN_ERROR": "Gjer eit val i nedtrekkslista.",
"DATE_TO_FROM_ERROR": "Ugyldig dato (eksempel på gyldig dato 31.12.2016).",
"RADIO_ERROR": "Vel eit alternativ.",
"POSTAL_CODE_ERROR": "Skriv inn eit gyldig postnummer (4 siffer).",
"TEXT_FIELD_ERROR": "Feltet må fyllast ut.",
"TEXT_FIELD_CONTENTS_ERROR": "Ugyldig verdi.",
"ACCOUNT_FIELD_ERROR": "Skriv inn eit gyldig kontonummer (11 siffer).",
"ORGANISATION_FIELD_ERROR": "Skriv inn eit gyldig organisasjonsnummer (9 siffer).",
"SSN_ERROR": "Skriv inn eit gyldig fødselsnummer (11 siffer).",
"PHONE_ERROR": "Skriv inn eit gyldig telefonnummer (8 siffer).",
"MOBILE_PHONE_NO_ERROR": "Skriv inn eit gyldig norsk mobilnummer (8 siffer)",
"SEARCH_ALLE": "Alle",
"MORE_INFO": "Vis meir informasjon",
"RESULT_TYPE_BANK": "Bankkontor",
"RESULT_TYPE_ADVISOR": "Rådgjevar",
"VIEW_IN_MAP": "Vis i kart",
"BEFORE_COUNT_TEXT": "Du har",
"AFTER_COUNT_TEXT": "oppgåve som ventar på deg",
"AFTER_COUNT_TEXT_PLURAL": "oppgåver som ventar på deg",
"MINE_OPPGAVER_LINK_TEXT": "Relevant for deg",
"MINE_OPPGAVER_CLOSE_TEXT": "Ikkje no",
"MINE_OPPGAVER_COUNT_TEXT": "ei",
"FORM_ERROR_LABEL":"Feil i skjema
",
"FORM_SUCCESS_LABEL":"Takk for din førespurnad",
"TEXT_FIELD_LENGTH_ERROR":"TEXT_FIELD_LENGTH_ERROR",
"TEXTAREA_FIELD_LENGTH_ERROR":"Maks 2000 teikn",
"NUMBER_ERROR": "Du kan kun skrive inn tal.",
"SEC_BLOCKER_DROPDOWN_DEFAULT": "Vel land",
"GLOBAL_SEARCH_NO_RESULT_TEXT": "Ingen treff på",
"GLOBAL_SEARCH_FACET_LABEL": "Vis resultat frå",
"MODAL_CLOSE": "Lukk",
"SEND_TO_BANK_BEFORE_INFO_TEXT": "Vil du kome rett til",
"SEND_TO_BANK_AFTER_INFO_TEXT": "neste gong?",
"SEND_TO_BANK_NEXT_BUTTON_TEXT": "Ja, hugs banken min",
"SEND_TO_BANK_CANCEL_BUTTON_TEXT": "Nei, ikkje no",
"SEND_TO_BANK_NEXT_DISCLAMER_TEXT": "For at du skal sleppe å velje bank kvar gong, bruker vi funksjonelle informasjonskapslar som lagrar korleis du bruker nettsidene og kva innstillingar du har gjort."
}
