Viss du har hatt ein skade eller alt har meldt inn ein sak, er det forsikringsselskapet vårt Fremtind du skal kontakte.

Viss du har hatt skade, tap eller sjukdom

Skade meldast direkte til Fremtind, og det går raskast å gjere det på nett.

• Meld saka på nett
• Sjå status på saka di eller kontakt saksbehandlar ved å logge inn på «mine skadesaker»

Treng du hjelp eller rettleiing? Kontakt Fremtid på 915 02300.
 

Viss du treng hjelp med kjøp, endringar eller faktura

Forsikringsrådgjevarane i banken kan hjelpe deg med:

• kjøp
• rådgjeving
• oppseiing
• endringar
• faktura og betaling

Du kan snakke med oss på telefon, chat eller ved å besøke oss på eit kontor. Kontaktinformasjon finn du nedst på sida, eller ved å logge inn til «mine forsikringar».

Logg inn til mine forsikringar
Få oversikt over forsikringane dine og korleis du kan kontakte oss. Du kan òg sjå fakturaer og dokument, sjekke prisar og kjøpe og gjere endringar på forsikringane dine.

• Vi fakturerar forskotsvis. Første faktura etter at du har kjøpt forsikring inneheld difor ofte ein lengre periode enn ordinær månadleg termin. Sjå «Frå- og til dato» oppgjeven i fakturaspesifikasjonen.
• Når du velger månadleg betaling bereknast dei sju fyrste månadlege terminbeløpa til 30 dagar. Dei resterande fem månadlege terminbeløpa bereknast til 31 dagar, og vil difor vere noko høgare. Til saman utgjer dette eit forsikringsår på 365 dagar.
• Viss du har gjort endringar på forsikringane (som eksempelvis endra kjørelengd på bilforsikringane), vil beløpet du betaler per månad også endre seg.
• Første faktura etter overgang til lagringsforsikring kan "henge etter". Tilgodebeløpet blir korrigert på fakturaen etter, eller tilbakebetalt. For forsikringane på mc, moped og snøscooter blir det også gjort ein avrekning og korrigering på grunn av  sesongvariert pris. 
• Ved oppseiing av mc-, moped-, snøscooter- eller båtforsikring blir også fakturaen korrigert for sesongvariert pris.

Viss du er usikker, kan du kontakte oss så skal vi hjelpe deg.

Sjå også:

Korleis endrar eg forfallsdato?
Korleis endrar eg kor ofte eg betaler for forsikringane?

Skadar på bilen dekkjast av bilforsikringen som utleigeselskapet har på bilen. Ved tjuveri eller skade på leigebilen, blir du som regel bedt om å betale ein eigenandel til leigebilselskapet. Denne eigenandelen dekkjer reiseforsikringa di. Det betalar sjølv ingen eigenandel ved bruk av heilårs reiseforsikringa.

Så viss du har vår reiseforsikring kan du alltid takke nei til eigenandelsforsikring hos bilutleigeselskapet når du leiger bil i utlandet. Eigenandelsforsikringen gjeld også her i Noreg, så lenge det ikkje gjeld:

• Eigenandel ved skade på heilårsleigd bil, leasingbil eller bil via bilpool.
• Leigebil leigd i samband med flytting eller heimkøyring av varer.
• Leigebil du har som følgje av at eigen bil er på verkstad.

Les meir om forsikring og leigebil.

Hva gjer eg ved uhell med bilen i utlandet?

Kva forsikring gjeld i utlandet?

• Eigen bil: Bilforsikringen vår gjeld også på reise i utlandet.
• Leigebil: Her gjeld utleigeselskapet sin forsikring. Følg godt med når du inngår leigekontrakten. Har du reiseforsikring har du eigenandelsforsikring på leigebilen hvis det skulle skje noko.

Hva gjer eg ved tjuveri og innbrot i utlandet?

1. Anmeld tjuveri, innbrot og hærverk på ein politistasjon.
2. Noter ned namn og telefonnummer på eventuelle vitner.
3. Dokumenter det som har skjedd, kva som er stjålet og kor det skjedde.
    

• Eigen bil: Innbrudd og tjuveri frå eigen bil meldast til oss. Kontakt oss gjerne for praktisk og umiddelbar hjelp, elles kan du vente til du kjem heim.
  
• Leigebil: Ring nummeret som er oppgitt i leigekontrakten. For skade på leigebil gjeld forsikringen som følgjer bilen. Eigenandelen dekkjast gjennom reiseforsikringa. Private gjenstandar dekkjast også av reiseforsikringa.

Veghjelp i utlandet

• Eigen bil: Vi hjelper deg med veihjelp uansett kvar du er i Europa.
• Leigebil: Ring nummeret du har fått oppgitt i leigekontrakten.

Sjå også:

Forsikringane du ikkje treng
Forsikringar for ferien

1: Avgrense skadeomfanget

• Hald folk unna bygningar som kan rase saman, eller gjenstandar som kan løsne.
• Om mogleg, reparere ytre skadar på tak og veggar for å hindre at vatn trengjer inn.
   

2: Kontakt oss
Ring oss på 915 02300 så fort som mogleg etter at skaden er oppdaga. Vi bistår deg viss du treng akutt hjelp. Og gir deg praktiske råd om du treng det. Ikkje begynne med reparasjonar før du har kontakta oss. Vi vil hjelpe deg med det.
 

3: Kva skjer etterpå?
Ved små skadar på hus, kan vi som oftast behandle saka ganske raskt over telefon. Det er mogleg vi ber deg om å sende bilete av skaden. Ved større skadar sender vi ein takstinspektør eller handverkar til deg. Dei takserer skaden og kan gje deg ein pris på reparasjon.

Som huseigar veit du at mykje kan skje med eit hus. Vannskader, sopp, råte, hærverk, skadedyr og andre uføresette skader betyr som regel store utfordringar – både praktisk og økonomisk. Sjølv med husforsikring i ryggen kan større skader opplevast stressande og gi deg mykje bry. Nettopp derfor er det lurt å førebygge skader der du kan.

Er eg dekka?
Det er vanleg å vere usikker på om ein skade dekkast av husforsikringa. Mange ventar med å melde frå,  anten fordi dei vil ha meir informasjon først, eller fordi dei er redde for å gjere noko feil.

Du treng ikkje å vite svaret sjølv, før du melder skaden. Meld skaden til Fremtind og fortel kva som har skjedd, så vurderer dei saka og gir deg rettleiing undervegs. Det er heilt greit å melde ein skade sjølv om det seinare viser seg at den ikkje er dekka.

Viss du likevel ønsker å lese deg opp på kva forsikring dekker, så har vi samla enkle forklaringar på nettsidene våre. Søk gjerne etter det som har skjedd, så kanskje finn du svaret allereie her.

Vil du likevel ha hjelp kan du kontakte oss på 915 02300.
 

Kva skjer når eg har fått ein skade på huset?

1. Meld skaden
   Du får rettleiing når du melder skade. Saksbehandlar kontaktar deg i løpet av to arbeidsdagar.
2. Saka blir registrert
   Du får eit skadenummer, kan følge saka og kommunisere med saksbehandlar via «mine skadesaker». 
3. Taksering
   Ved større skader kjem ein takstperson på befaring og vurderer skadene. Hen vil kontakte deg for å avtale tid som passar.
4. Erstatning
   Saksbehandlar vurderer takstrapporten mot vilkåra. Du får beskjed om skaden er dekka og eventuelle frådrag. Viss du ikkje kan bu i huset får du også informasjon om midlertidig bustad. Du blir kontakta av handverkar, som saman med deg planlegg arbeidet vidare.
5. Klargjering
   Øydelagde bygningsdelar som golv, vegger eller tak rivast og fjernast. Ved vasskader må huset som regel tørkast ut før reparasjonen kan starte. Handverkaren held deg oppdatert til alt er klart for reparasjon. 
6. Reparasjon
   Handverkaren reparerer og held deg løpande informert om tidsbruk og framdrift, fram til reparasjonen er ferdig. Vi prioriterer reparasjon framfor utskifting og gjenbruk der det er mogleg. Ekstra straumkostnader til utstyr blir kompensert. 
7. Avslutning av saka
   Handverkar fakturerer Fremtind direkte for reparasjonen. Har du bestilt ekstra arbeid av handverkar vil du fakturerast direkte. Deretter er saka avslutta.

Dersom dei frosne vassrøyra eller avlaupsrøyra er tilgjengelege, kan du prøve å tine røyr med ein hårfønar direkte på det frosne staden. Unngå å bruke gassbrennar eller varmepistol for opptininga, eller banking på røyr.

Dersom det er røyr i røyr kan du prøve å tine opp ved hjelp av ein støvsugar. Opne vatnkrana der vassrøyret er fryst, for eksempel på kjøkkenet. Ta med støvsugaren til fordelarskapet, og finn røret som går til krana. Start støvsugaren for å suge varmt luft gjennom ytterrøret (trekkrøret) frå kjøkkenet. Når vatnet startar å renne frå krana på kjøkkenet, er røret tint. Fortsett å la vatnet renne ei stund, slik at resten av isen i røret også smeltar. Hvis det lek vatn frå trekkrøyra etter opptining, kan røret vere sprukke og må bytast. Steng av hovudkrana og kontakt ein røyrleggar. 

Ver heime medan du tiner røyra, slik at du raskt oppdagar viss det oppstår ein  vasslekkasje .

Viss røret er i bakken/utanfor huset kan du melde ifrå til Fremtind. Deretter kan du bestille røyrleggar som hjelper deg med å tine det frosne røret. Viss du har bygningforsikring (hytte- eller  husforsikring) dekkar vi tining av rør utanfor huset, minus eigenandelen din.

Får du vasskade og du har ein FG-godkjent vassstoppar slepp du eigenandel på inntil 6.000 kroner, viss vasstopparen forhindrar ein større skade.

Få rettleiing og meld om frosne rør

Strømsparing og låge temperaturar er ein farleg kombinasjon

Det er forståing for at mange vil spare strømutgifter, men det kan gi mykje større kostnadar på sikt. Det er viktig at du har på nok varme slik at vatnet i røyra dine ikkje frys. Om du ikkje har tilstrekkeleg med varme på våtrom og rom med røyr, kan du risikere å måtte ta delar av rekninga sjølv om du skulle få ein frost- eller vasskade.
 

Sjå også

Er eg dekka for vasskader?
Dekkar forsikringa skader ved snø på taket?
Kva er tryggingsforskrifter for hus og hytte?
Dekkar husforsikring ansvar?
Dekkar forsikringa drivhuset mitt?
Dekkar forsikring drenering?

1. Sikre skadestaden

• Kontakt politi på 112 og brannvesen på 110, om nødvendig.
• Hald folk unna bygningar som kan rase saman.
• Ver oppmerksam på vatn og elektrisitet – ta ut sikringar for etasjen det gjeld.
• Flytt gjenstandar bort eller opp frå vatnet.
  
  

2. Meld skaden
Få rettleiing og meld skade
 

3. Kva skjer så?
Ved små skader på hus, kan vi som oftast behandle saka ganske raskt. Ved større skadar sender vi ein takstinspektør eller handverkar til deg. Du vil få løpande informasjon frå forsikringsselskapet vårt Fremtind.

Skadeforsikringar registrert på avdøde forblir aktive heilt til dei blir sagt opp. Før skifteattesten er klar, kan de bruke kontoane til den avdøde til å betale fakturaer for mellom anna forsikringar, husleige, straum, telefon, restskatt og gravferd.

Ved eigarskifte må ny eigar kjøpe eiga forsikring, og fullmektig på dødsbuet må gi oss beskjed om å avslutte forsikringane til avdøde. Les om kva du må gjere med dødsbuet.

Kontakt oss, så hjelper vi deg.
 

Ved krav om utbetaling av personforsikring må dødsfallet meldast til Fremtind

Viss bygningane dine er forsikra mot brann, har du automatisk naturskadeforsikring gjennom Norsk Naturskadepool. Naturskadar er skadar som forårsakar av naturen sjølv – utan direkte menneskeleg innverknad. 

Statens naturskadeordning gir deg erstatning for naturskadar på ting det ikkje er mogleg å forsikre gjennom vanleg forsikring. Private eigarar, selskap, veglag og foreiningar, personar med leigejord, tomtefestarar og andre rettigheitshavarar kan søke om naturskadeerstatning.

Les meir om naturskadar og naturskadeforsikring

Før lynet slår ned

1. Unngå å bade under torevêr. Når lyn treffer vatn, kan det sende ein kraftig straum gjennom vatnet. Dropp også bading i badekar, då lynet kan følgje vassrøyra i huset.
2. Bilen og huset kan vere sikre plassar å opphalde seg under torevêr. Karosseriet fungerer som ein beskyttelse mot lynnedslag. Betongbygningar er også tryggare enn trehus.
3. Unngå å søke ly under høge tre. Lynet har større sjanse for å slå ned i høgare objekt i landskapet. Våte kle kan faktisk hjelpe, då vatnet kan leda lynet rundt kroppen i staden for gjennom den.
4. Hald deg unna opne sletter og unngå å bruke metallobjekt som golfkøller eller paraplyer. Metall kan tiltrekke lynet.
5. Bruk mobilen berre når den ikkje er kobla til laderen. Lynnedslag kan følge elektriske kablar og kan skade både deg og mobilen dersom lynet slår ned i nærområdet.
6. Koble frå elektrisk utstyr som du er bekymra for. Ver oppmerksom på at elektriske apparat kan bli skada av overspenningar som følge av lynnedslag i nærområdet, sjølv om lynet ikkje treffer direkte. Drar du ut stikkontakten frå apparat som TV-utstyr, kjøkkenmaskiner, støvsugar o.l. vil det beskytte dei. Dette inkluderer også internettkabelen. For ekstra beskyttelse, vurder å installere overspenningsvern i heimen din dersom du ikkje allereie har dette. Dette vil redusere risikoen for skadar på elektriske apparat under torevêr.
7. Har du elbil er det anbefalt at du droppar å lade når det lynar. Det held ikkje berre å avbryte ladinga med app eller knapp, men du bør fysisk koble elbilen frå ladeboksen.

Les: Dekker innbuforsikringa lynnedslag?

Etter lynet har slått ned

1: Ver varsam

• Ikkje sjekk skaden før uvêret har passert!
• Viss lynet har slått ut det elektriske anlegget, sjå etter om det kan vere ulmebrann. Sjekk og lukt etter røyk.
• Ikkje begynn med reparasjon på eiga hand – kontakt oss.
   

2: Dokumenter skaden
For å hjelpe deg er dette relevant for oss:

• Sjekk kva det kostar å reparere skaden, og få ei stadfesting på dette frå reparatør. Gjer dette før du kontaktar oss.
• Kvitteringar for øydelagde apparat.
   

3: Kontakt oss
Fortell oss om kva som har skjedd. Vi vurderer om vi må sende ein takstinspektør.
 

4: Kva skjer etterpå?
Har du all naudsynt dokumentasjon tilgjengeleg når du kontaktar oss, blir vi som oftast einige i første telefonsamtale.

Ja, innbuforsikring dekker øydelagt mat i frysar, kjøleskap eller kjølerom viss det skjer ei plutseleg temperaturendring, til dømes ved straumbrot, lynnedslag eller teknisk feil. Viss fryseren har vore utan straum lenge, kan matlukt setje seg så kraftig at frysaren blir øydelagt av lukta frå matvarene. Viss ikkje fryseren blir bra etter vask, vil òg denne blir dekt.

Forsikringa dekker berre matvarer, ikkje medisinar eller andre ting som er oppbevart i kjøleskap eller frysar.
 

Har du hatt uhell med frysar/kjøleskap?
Ta bilete for å vise kva og kor mykje som har blitt øydelagt. 

Sjå også

Kva er eigenandelen og eventuelt aldersfrådrag?
Dekker innbuforsikringa kvitevarer?
Gjeld innbuforsikringa mi også på hytta?

1: Anmeld
Fyrst må du anmelde tyveriet til politiet. Treng du veiledning kan du ringe politiet på 800 40 008.
 

2: Kontakt oss
Ta kontakt med oss før du reparerer eventuelle skader på bilen. Det er som hovudregel den som eig eller har kjøpt forsikringa som kan melde saka. 
 

3: Kva skjer etterpå?
Har du all nødvendig dokumentasjon tilgjengeleg når du kontaktar oss, blir vi raskt einige ved første telefonsamtale.

Sjå også

Bilen min er stjålen, kva gjer eg?
Eg har mista bilnøkkelen. Kva gjer eg?

Kva gjer eg?

1. Sikkerheit aller først

• Plasser bilen slik at den ikkje skapar farlege situasjonar i trafikken.
• Sett på varsellys/nødlys. 
• Ta på deg refleksvest.
• Sett ut varseltrekant.
   

2. Bestill veghjelp
Bestill veghjelp digitalt, eller ring Fremtind Forsikring på (+47) 915 02300. Veghjelp har ope 24 timar i døgnet.
Har du ny bil, kan det hende du er dekt av mobilitetsgarantien til bilforhandlaren/verkstaden din. Du kan også vere dekt gjennom medlemskap i NAF. Er du dekt kontaktar du dei direkte, så slepp du eigeanndel.

Når du bestiller veghjelp digitalt tar det som regel kortare tid å få hjelp, då du slepp å stå i ei eventuell telefonkø. I tillegg får vi lettare innhenta opplysningar om blant anna posisjonen til køyretøyet ditt.

3. Mens du ventar
Etter du har bestilt veghjelp vil du motta ein SMS med bekrefting om at bilbergar er på veg, med informasjon om telefonnummeret til bilbergaren, forventa ankomsttid og moglegheit for å følge med på bergingsbilen undervegs. 

Kjedelig å vente på veghjelp?
Bruk tida på å sjekke om du er riktig forsikra. Vel di livsfase og sjå kva andre i same situasjon har valt.
 

4. Når veghjelpa kjem
Bilbergingsselskapet vil forsøke å fikse bilen din på staden. Viss det ikkje går, fraktar dei bilen til næraste verkstad (eller bensinstasjon/ladestasjon viss du er tom for drivstoff). Må bilen på verkstad, må du melde skade på køyretøyet så raskt som mogleg. Viss du treng leigebil vil du òg få hjelp med dette. 

Du er òg dekka for heimtransport viss du må heim og bilen blir verande på verkstad.

5. Ta vare på kvitteringar
Ta vare på kvitteringar og dokumentasjon for eventuelle ekstrautgifter du har hatt i samband med bilberginga. Du kan søke om refusjon av billigste transport heim. Dersom du har brukt ei anna veghjelpsteneste enn vår samarbeidspartner SOS veghjelp, må du legge ut for heile rekninga sjølv. Du får dette refundert minus eigenandel, når du melder sak hos Fremtind.

Kva kostar veghjelp og bilberging?
Prisen på veghjelp er eigenandelen, som er 750 kroner, med mindre det står noko anna i forsikringsbeviset ditt. Eigenandel må betalast så lenge du har delkasko, kasko eller toppkasko, i heile Europa. Viss du kun har ansvarsforsikring på køyretøyet, må du betale full pris for veghjelp (med mindre du er dekt av medlemskap eller annan type forsikring). 

Det er ikkje bonustap ved veghjelp og bilberging.

Har du leigebilforsikring får du òg leigebil,  viss du skulle trenge det i samanheng med veghjelpa og reparasjon.
 

Kva kan eg få hjelp med?
Du får veghjelp ved små og store problem, enten du er på vegen eller heime i oppkøyrsla – heile døgnet, heile året. Bilbergaren vil forsøke å fikse problemet på staden. Viss det ikkje går, fraktar dei bilen til nærmaste verkstad (eller bensinstasjon/ladestasjon viss du er tom for drivstoff). Du får hjelp ved til dømes:

• startproblem og flatt batteri
• køyrt fast eller utforkøyring
• motorstopp
• tom for drivstoff/straum
• punktering
• nøklar låst inne i bilen

Vi har avtale med SOS veghjelp, som er Nordens største på veghjelpstenester. Dei hjelper deg enten det gjeld bil, motorsykkel eller lastebil.
 

Kva anna er eg dekt for?
Du kan òg vere dekt for meirutgifter som til dømes:

• påfylling etter å ha køyrt tom for drivstoff
• utgifter til heimreise, med rimelegaste kommunikasjonsmiddel
  (eller utgifter til avgjerdsstad i staden for heimreise, så lenge det er rimelegare enn heimreise)
• transport av tilhengar som er med på turen
  (er det berre hengaren som er skada vil berre den bli frakta til verkstaden, men då må hengaren ha eiga forsikring)

Du kan vere dekka for heimreise i reiseforsikring, mellom anna ved følgande hendingar:

• Du blir akutt uventa sjuk eller utsett for ulykke.
• Uventa dødsfall i næraste familie.
• Evakuering (viss beordra av UD) til sikkert område.
• Du får alvorleg skade på eigen bustad eller verksemd.

Blir du transportert heim, kan du òg vere dekka for tapte feriedagar.

Ring SOS på +47 22 96 50 45 og forklar situasjonen, så hjelper dei deg med praktisk og umiddelbar assistanse. Vi fortel deg òg kva dokumentasjon du treng for å få erstatning.

• Meld frå til det lokale politiet.
• Ta med politimeldinga og oppsøk deretter nærmaste ambassade eller generalkonsulat. Dei kan utstede eit naudpass, så du kjem deg heim.

På regjeringen.no finn du ei oversikt over alle norske ambassadar og konsulat.
 

Kva dekker avbestillingsforsikringa?
Avbestillingsforsikring er ei dekning du har gjennom heilårs reiseforsikringa di og reiseforsikringa du har gjennom kredittkortet ditt. Avbestillingsforsikringa gir deg pengane tilbake viss du treng å avbestille ei reise på grunn av uforutsette hendingar, som:

• Du, reiseledsager, næraste familie eller nøkkelperson i reisefølge blir råka av alvorleg akutt sjukdom, ulykke eller dødsfall.
• Brann, innbrot eller vasskade som krev at du må vere til stades.
• At reisa er i strid med reiseråd frå Utenriksdepartementet. Reisa må ha blitt bestilt før UD gav ut reiseråd.

Du får refundert pengar for:

• Reisa og opphaldet.
• Utflukter og arrangement.
• Dyrepensjonat for hund eller katt.

Slik bruker du avbestillingsforsikringa:

1. Avbestilling av reise, hotell og andre reservasjonar
   Kontakt flyselskapet, hotellet, reisebyrået eller der du har gjort reservasjonen, og avbestill. Ta vare på stadfesting for eventuelle avbestillingsgebyr du må betale. Sjekk om reiseselskapet dekker noko ved avbestilling.
2. Be om legeerklæring og annan dokumentasjon
   Skuldast avbestillinga eigen sjukdom, skaff ei legeerklæring som stadfestar dette. Viss det skuldast annan sjukdom i familien, barn eller nøkkelperson i reisefølge, få ein stadfesting på dette. Viss avbestillinga skuldast andre årsaker enn sjukdom, som for eksempel branntilløp, ulykker og skadar, ta vare på alt som forklarar kvifor reisa måtte avbestillast.
3. Meld ifrå til forsikringsselskapet
   Få rettleiing og fyll ut skjema hos forsikringsselskapet vårt, Fremtind.

Blir du sjuk eller skada på ferie i utlandet, er det viktig at du tar kontakt med vår alarmsentral SOS International eller ringer deira døgnopne telefon:

(+47) 22 96 50 45

Dei vil hjelpe deg med å finne nærmaste godkjendte sjukehus eller legekontor og sørge for at du får riktig og nødvendig behandling. Dei hjelper deg med alt frå sjuke barn og matforgifting til brote bein og tannskade. I tillegg vil dei ta seg av alt det praktiske.

På sukehuset/legekontoret
Dersom du blir bedt om å vise fram reiseforsikringsbeviset/reisekortet ditt, finn du dette i mine forsikringar, mobilbanken/nettbanken eller LOfavør-appen, under reiseforsikring. Har du reiseforsikringa som er inkludert i kredittkortet finn du dette i mobilbanken/nettbanken under kredittkort > fordelar > reisefordelar.

Hugs å ta vare på kvitteringane dersom du betaler for lege, medisin eller transport. Du vil trenge dette når du skal bruke forsikringa. 

Dersom du blir lagt inn på sjukehus dekker vi også feriedagane du eventuelt mister. Dette gjeld også dersom ein lege ber deg halde senga på hotellet i minst tre dagar. Hugs då å få ei stadfesting frå legen som behandla deg om kor lenge du er bedt om å vere sengeliggande. Legeerklæringa får du enten frå lege på staden eller via ein videokonsultasjon. Hugs at du må kontakte legen når det skjer, og ikkje i etterkant av sjukdom eller skade.  

Vore sjuk på reise?
Dersom du blei sjuk eller skada på ei reise du alt har starta på eller gjennomført, får du rettleiing i skjema for sjukdom eller skade på reise. Har du allereie vore i kontakt med SOS International? Då har vi allereie oppretta ei sak for deg. Då kan du sjekke status på di skadesak hos Fremtind.

Det er viktig at du kontaktar lege på staden og får ei legeerklæring for å få dekt:

• Tapte feriedagar ved sengeleie
• Ny heimreise
• Ubenytta billettar til arrangement 

Utgifter som medisin, legehonorar, transportutgifter og liknande kan du vente med å melde inn til du er heime igjen. Hugs å ta vare på kvitteringar.

Sjuk før reise?
Dersom det gjeld ei reise du har bestilt og ikkje kan gjennomføre likevel, får du rettleiing i skjemaet for avbestilling.

Skal du ut å reise, og har ein kronisk liding eller ein eksisterande sjukdom eller skade og lurer på om reiseforsikringa dekker kostnadane? – få gratis medisinsk rådgjeving hos SOS International før du reiser.

1: Meld frå

• Meld frå til det lokale politiet.
• Ta vare på anmeldinga du får.
• Noter ned namn på eventuelle vitner.
• Rekker du ikkje å melde hendinga til det lokale politiet, sørg for å få ei bekrefting frå reiseleiar eller hotell.
   

2: Finn fram dokumentasjon
For å hjelpe deg er dette relevant for oss:

• Politianmelding, eller annan dokumentasjon – om du ikkje har fått meldt det til politiet på staden.
• Namn på eventuelle vitner.

Når du kjem heim, lag ei liste på stjålne gjenstandar og finn kvitteringar.

3: Kontakt oss
Ring oss på (+47 915) 02300 viss du trengjer praktisk og umiddelbar hjelp.
Ellers kan du vente med å kontakte oss til du kjem heim.

4: Hva skjer etterpå?
Har du all nødvendig dokumentasjon tilgjengeleg når du kontaktar oss, blir vi som oftast einige i første telefonsamtale. Vi fortel deg kva du eventuelt trengjer å sende av dokumentasjon.

Viss forseinkinga medfører ei ekstra overnatting eller ekstra reiseutgifter – kan du få dette dekka av forsikringsselskapet.

Har du all nødvendig dokumentasjon tilgjengeleg når du meldar sak til forsikringsselskapet, vil dei ofte avklare saken direkte.

Sjå også

Viss bagasjen din er meir enn 4 timar forseinka ved utreise, får du erstatning. Er du på jobbreise dekkast nødvendige utgifter uansett kor kort tid bagasjen er forseinka. Forseinka bagasje ved heimreise er ikkje dekka av reiseforsikring.

Dette skal du gjere viss bagasjen din er forseinka ved utreise:
 

1. Meld frå til flyselskapet

• Oppsøk skranken til flyselskapet for å melde ifrå.
• Få ein stadfesting på forseinkinga – ein såkalla PIR-rapport.

2. Kjøp det du treng
Blir bagasjen meir enn fire timar forseinka etter ankomst, kan du handle det nødvendige av klede og toalettsaker for inntil 5.000 kroner per person. Gjeld berre ved utreise (ikkje heimreise). Vi dekker ikkje utgifter til ting du kjøper etter at bagasjen er tilbake. Dette dekker òg eventuell leige av nødvendig barnevogn/sykkel/ski eller anna sportsutstyr.

Hugs å ta vare på kvitteringane og bagasjetaggen.

3. Kontakt forsikringsselskapet
Meld saka til Fremtind Forsikring for erstatning, innan 1 år frå hendinga. Du kan alltid ringe viss du treng praktisk og umiddelbar hjelp – (+47 915) 02300.
 

Sjå også

Øydelagt bagasje?
Mista bagasje?
Forseinka fly?

Kapitalforsikring er eit samleomgrep på dei personforsikringsdekningane der utbetalinga berre skjer éin gong. Motsatsen er pensjonsforsikring, som blir utbetalt månadleg, over lengre tid. Døme på kapitalforsikringar der du får ei eingongsutbetaling er:

• Uførekapital (uføreforsikring), viss du blir varig ufør
• Barneforsikring, viss barnet ditt ramma av ein sjukdom/ulykke eller blir ufør
• Livsforsikring, viss ektefellen/sambuaren din døyr
• Kritisk sjukdomsforsikring, viss du blir ramma av ein alvorleg sjukdom
• Ulykkesforsikring, viss ei ulykke fører til at du blir medisinsk invalid

Døme på pensjonsforsikringar der du får løpande månadlege utbetalingar er:

• Barneforsikring, viss barnet ditt ufør
• Uførepensjon (uføreforsikring), viss du blir ufør

Det finst også kapitalforsikringar og pensjonsforsikringar knytt til pensjonssparing.
 

Sjå også

Kva er personforsikring?
Kva er kreftforsikring?
Kva er helseforsikring?
Treng eg uføreforsikring?


 

Karenstid betyr det same som ventetid eller karantenetid. Reglane for karenstid er forskjellig frå forsikring til forsikring.

Kva er karenstid for dyreforsikringane?
Dyreforsikringane våre har karenstid, som  betyr at forsikringa ikkje dekker sjukdomar/lidingar som viser symptom i ein gitt  karensperiode etter at forsikring blei kjøpt og starta. Er det første gongen du kjøper ein dyreforsikring er karenstida:

• 20 dagar (60 dagar ved allergi-, hud- eller øyreproblem).

Når tilsvarande forsikring blir flytta frå eit anna forsikringsselskap til oss, vil det i hovudsak ikkje vere karenstid. Karenstida gjeld likevel viss du gjer endringar i forsikringa når du flyttar den, men kun for den delen som er endra. For eksempel viss du utvidar forsikringa med fleire dekningar eller aukar forsikringssummen, vil karenstida berre gjelde for den delen av forsikringa som er utvida.

Kva er karenstid for personforsikringane?
Karenstid for personforsikring blir brukt på mellom anna uføredekningane, og beskriv den tida du må vente frå du blir sjuk til du tidlegast kan få utbetaling. Det vanlegaste er 12 månadars karenstid på uførepensjon og uførekapital med forskottering, medan det er 24 månadars karenstid på uførekapital (utan forskottering). Du kan sjå kva som gjeld for deg i forsikringsbeviset ditt. 

Det finst også noko som heiter symptomklausul, som betyr at forsikringa ikkje dekker sjukdomar/lidingar som viser symptom i ein gitt periode etter at forsikringa blei kjøpt og starta. Les om symptomklausul.

Sjå også

Karenstid på hundeforsikring
Logg inn og sjå forsikringane dine

Når vi snakkar om å flytte ein personforsikring, snakkar vi om å kjøpe ein personforsikring i nytt selskap og avslutte same type forsikring i det gamle selskapet.

Det er fleire grunnar til at personforsikringane dine ikkje automatisk blir avslutta i det gamle selskapet, når du kjøper den same forsikringen i nytt selskap. I motsetnad til skadeforsikringar, kan du ha fleire av ein personforsikring, som også kan gi fleire utbetalingar for same hending.

Når kan eg seie opp tidlegare forsikring?
Du kan seie opp forsikringa di i det tidlegare selskapet etter at du har kjøpt forsikringa og fylt ut helseerklæring i nytt selskap. Når du flyttar ein tilsvarande forsikring, slepp du ny symptomklausul. Du må sjølv sei opp forsikringa i ditt tidlegare selskap.

Kva viss eg får reservasjonar, tillegg i pris eller avslag?
Hvis du får reservasjonar, tillegg i pris eller avslag i nytt selskap, kan du ha rett til å gjenoppta forskringane i tidligare selskap. Fristen for å gjenoppta forsikringa er seks månader frå dagen du avslutta forsikringa. Forsikringa kan gjenopptas i tidlegare selskap utan ny helsevurdering og symptomklausul, hvis:

• Du har hatt forsikringa i det tidlegare selskapet, i meir enn 1 år
• Du har søkt om å flytte forsikringar med tilsvarande dekningar
• Du har fått reservasjonar, pristillegg eller avslag i det nye selskapet
• Du har kjøpt forsikring og fylt ut ny helseerklæring i det nye selskapet
• Ditt tidlegare selskap er med i bransjeavtalen gitt av Finans Norge
• Du betalar for forsikringane tilbake til oppseiingsdatoen
   

Kva med kollektive forsikringar?
Disse reglane gjeld ikkje for kollektive forsikringar. 
 

Alt dette er dessverre litt komplisert, men vi hjelper deg meir enn gjerne om du lurer på noko. Du kan også lese meir om reglane på fremtind.no.
 

Ja, med reiseforsikringa vår har du ubegrensa samla forsikringssum (erstatning) for bagasjen. Erstatninga er avgrensa til 40.000 kroner per enkeltgjenstand*. For kontantar, pass og reisedokument er maks erstatning 10.000 kroner per person. Du er dekka av reiseforsikringa viss årsaka er:

• Mista/tapt innsjekka bagasje 
• Skade på innsjekka bagasje
• Tjuveri
• Ran

*Følgande eigedelar vert erstatta samla som ein enkeltgjenstand:
(døme: tar du med deg 5 dyre smykker på reise, er makserstatninga på 40.000 kroner til saman for alle smykkene).

• Smykker, klokker, pels og bunad
• Elektronisk utstyr med tilbehøyr
• Musikkinstrument med tilbehøyr
• Sports-/fritidsutstyr
• Våpen med tilbehøyr
• Køyreutstyr til motorkøyretøy

Vi anbefaler deg å kjøpe verdisakforsikring på ekstra dyre verdisaker. Då er du dekka for heile verdien, i heile verda og for nesten alle typar skadar og hendingar.

Sjå også:

Forseinka bagasje?
Dekker reiseforsikringa skada og øydelagt bagasje?
Forseinka fly?

1. Dokumenter skadane

• Skriv ned kva som har skjedd, kvar og når Ta gjerne bilete av skaden eller skadane. 
• Om du har skada eit køyretøy der eigaren ikkje er til stades – legg igjen kontaktinformasjonen din eller kontakt eigaren direkte ved å finne eigaren av køyretøyet.
• Er det fleire involverte anbefaler vi dykk å fylle ut skademeldingsskjema saman, då det kan vere avgjerande for å avklare ansvaret.
• Dersom motparten er skuld i skaden? Har du kasko/toppkasko, vil Fremtind handtere saka for deg og krevje refusjon frå motparten sitt forsikringsselskap. Har du ansvarsforsikring eller delkasko, vil motparten sitt forsikringsselskap handtere skaden. I nokre tilfelle må ansvaret avklarast først.
  
• Om du meiner skaden skuldast hærverk, må dette meldast til politiet.
   

2. Bestille veghjelp (om du treng det)
Vi hjelper deg heile døgnet. Treng du veghjelp kan du anten bestille dette digitalt eller ringe oss på 915 02300.
 

3. Meld skade
Melder du skaden på nett, så slepp du ventetid og telefonkø.

4. Kva skjer etterpå?
Du kan følge status på skadesaka di ved å logge inn til «mine skadesaker». Der kan du også laste opp vedlegg, bilete og dokumentasjon, og dessutan kommunisere med saksbehandlar. Før skadane blir fiksa og du får bilen tilbake må:

• bilen blir levert til verkstad (eventuell leigebil blir utlevert)
• skadane blir takserte av ein verkstad
• takstrapporten blir vurdert av saksbehandlar om dei er dekte
• reparasjon blir sett i gang
• bilen blir utlevert og du betaler eventuelt eigenandel (leigebil blir levert tilbake)

1. Meld frå til politiet.
Du kan anmelde saka på politiets nettsider. På nettsidene kan du òg finne kontaktinformasjon, adresse og opningstider til din næraste politistasjon.

2. Meld saka til oss
Det er den som eig/har kjøpt forsikringa som må logge seg på og melde saka.

1. Sikre verdiar
Ved innbrudd, sikre verdiane dine for ytterlegare skade eller tyveri. Reparere vindauget, døra eller der tyven har tatt seg inn.

2. Meld frå til politiet.
Du må personleg anmelde tyveriet eller innbruddet på ein politistasjon. Tyveri av sykkel og mobiltelefon kan anmeldast direkte på politiets nettsider.

3. Finn frem dokumentasjon
For å hjelpe deg er dette relevant for oss:

• politimelding
• Liste og dokumentasjon over stjelne gjenstandar
• Kvitteringar for eventuelle utgifter
   

4. Kontakt oss
Ta kontakt med oss og meld inn hendinga, sjølv om du ikkje har full oversikt over alt som er borte. Du kan sende oss meir informasjon etter kvart.

5. Kva skjer så?
Har du all nødvendig dokumentasjon tilgjengeleg når du kontaktar oss, blir vi som oftast einige raskt. Vi fortel deg kva du eventuelt treng å sende av dokumentasjon.

I nokre saker sender vi ein takstinspektør til deg for å få betre oversyn over skadane.

1. Tenk på sikkerheit først
Sett på varsellys. Ta på deg refleksvest. Sett ut varseltrekant.

Ved personskade: Ring ambulanse 113

2. Dokumenter hendinga
Om andre køyretøy er involvert i hendinga:

• Noter namn og telefonnummer til eventuelle vitne. 
• Ta gjerne bilete av skaden og kollisjonsstaden.
• Fyll ut skademeldingsskjema. Konsentrer dykk om kva som har skjedd, ikkje kven som har skuld. Om du ikkje har skadeskjemaet i bilen, beskriv og teikn så nøyaktig som mogleg kva som har skjedd og noter all kontaktinformasjon. 

Ved konfliktar tilkall politiet på 02800. 

Er du uenig i kva som kjem fram i skademeldinga, merk og beskriv dette i punkt 14.

3. Bestill veghjelp og meld skade
Ring oss og bestill veghjelp på 915 02300 eller bestill det digitalt. Du får tilbod om leigebil viss forsikringa di dekker det.

4. Kva skjer etterpå?
Du kan følgje status på skadesaka di ved å logge inn til «mine skadesaker». Der kan du også laste opp vedlegg, bilete og dokumentasjon, sende meldingar, samt finne namn og telefonnummeret til din skadebehandlar. 

Motteke månadleg faktura kan vere produsert før bilforsikringa er avslutta hos oss. Det som er fakturert for mykje vert trekt frå på neste månadleg faktura. 

Eigenandel er det beløpet du må betale sjølv, når du brukar forsikringa di. Jo høgare eigenandel du vel når du kjøper forsikringa, jo billegare blir forsikringa. Dei fleste sparer på å velje ein høgare eigenandel, sidan det som regel er fleire år mellom kvar gong du må bruke forsikringa.

Må eg betale eigenandel når eg ikkje har skuld?
Som hovedregel treng du ikkje betale eigenandel viss den andre parten erkjenner ansvar for skaden/uhellet.

Kva eigenandel har eg?
Dersom du har kjøpt ei forsikring og du lurer på kva eigenandel du har valt, kan du logge inn på mine forsikringar og sjå under aktuell forsikring. 

Nokre forsikringar har forskjellige eigenandelar avhengig av hending:

• Bilforsikring eigenandel
• Reiseforsikring eigenandel
• Innbuforsikring eigenandel
• Husforsikring eigenandel

Eigenandelsfordelar
Er du medlem i eit LO-forbund, får du eigenandelsfordel gjennom fordelsprogrammet LOfavør. Dette betyr at viss du får ein skade så betaler ein lågare eigenandel enn standard eigenandelen, på dei fleste forsikringar.

Har du gjort skadeførebyggande tiltak, som eksempelvis montert vasstoppar/tjuverialarm/brannalarm eller gjennomført El-kontroll, kan du òg få redusert eigenandelen.

Har du fått glasskade eller steinsprut er det ingen eigenandel viss noverande glasrute kan reparerast. Viss glasruta må skiftast ut med ein heilt ny rute må du betale eigenandel. 

Gjeld det glasskade i vindu eller dør på bygning, sjå hus- eller hytteforsikring.
 

Kva verkstad skal eg bruke?
Finn næraste Hurtigruta Carglass glasverkstad og kontakt verkstaden direkte for bestilling av time. Verkstaden ordnar alt det praktiske (skademelding og eventuell eigenandel) med forsikring.»

Du kan òg ringe oss på 915 02300 for bestilling av reparasjon. Du blir sett direkte over til samarbeidspartnararane våre frå telefonmenyen.
 

Steinsprutplaster
Til neste gong, hugs steinsprutplaster dersom du ikkje alt brukar det.

Nei, innbuforsikringa du har for heimet ditt gjeld berre for bustaden din. Har du hytte eller fritidsbustad må du ha ein eigen innbuforsikring for denne for å få dekka tinga du har der. Les om kva som er dekka i innbuforsikringa.
 

Nei, forsikringane dekker dessverre ikkje heksesot. 

Heksesot kjem av sotpartiklar som festar seg til blant anna veggar og tak. Kjelda til heksesot kan vere panelomnar og eldre lyspærer som brenn støv til sot, stearinlys, duftlys og peisomnar.

Heksesot er verken helsefarlig eller skadeleg for bygninga, men likevel veldig sjenerande. Det finst mange tips på nettet til korleis ein vaskar vekk heksesot.
 

Dobbel forsikring betyr at du har to av same forsikring. Mange er dobbeltforsikra utan at dei er klare over det. Verken forsikringsselskapa eller forsikringsformidlarar kan heller ikkje vite dette, då denne informasjonen ikkje delast mellom dei.

Ved dobbel forsikring på skadeforsikringane dine vil du aldri få dobbel utbetaling ved skade. Mens ved dobbel forsikring på personforsikringane er utbetalingane annleis. Du kan til dømes ha to livsforsikringar (eller fleire), som alle blir utbetalt ved dødsfall i samsvar med vilkåra.

• Dekt av medlemskap
  Det vanlegaste er å ha dobbel innbuforsikring eller reiseforsikring. Er du for eksempel medlem i eit LO-forbund har du LOfavør innbuforsikring inkludert i medlemskapet (med mindre du har reservert deg). Då bør du eller andre i husstanden vurdere seie opp annan innbuforsikring.
• Dekt av andre i familien
  Mange er forsikra via ektefelle eller sambuar utan at dei er klare over det. Både innbuforsikringa og reiseforsikringa kan utvidast til å gjelde heile familien.
• Dekt av arbeidsgjevar
  Sjølv om det vanlegaste er å ha personalforsikringar via arbeidsgjevar, kan du også vere dekt av arbeidsgjevars reiseforsikring. Denne kan også dekke heile den tilsette sin familie dersom arbeidsgjevar har valt dette.
• Dekt av andre forsikringar
  Mange får tilbod om å kjøpe spesialforsikringar som til dømes leigebilforsikring, idiotforsikring, skjermforsikring eller forsikring mot id-tjuveri. Veldig mange har allereie desse dekningane inkludert i innbu- eller reiseforsikringane sine. Sjå kva for forsikringar du ikkje treng.
   

Kva kan eg gjere?
Mistenker du at du er dobbeltforsikra, anbefalar vi deg å kartlegge alle forsikringane dine.

• Sjekk om du er forsikra via medlemskap i forening eller forbund.
• Hør med arbeidsgjevar om kva for personalforsikringar du er dekt av.
• Snakk med ektefelle/sambuar om kva for forsikringar hen har (også via hens arbeidsgjevar).
• Finn ut kva for forsikringar du sjølv har kjøpt.

Er du usikker kan du kontakte oss så skal vi prøve å hjelpe deg å rydde opp. Det kan også hende det lønner seg å samle alle forsikringane ein stad.
 

Overforsikra/underforsikra
Ved overforsikring betyr det at du har unødvendige forsikringar, dobbeltforsikring eller for høg forsikringssum. Ved underforsikring betyr det at du risikerer sjølv å betale for ein del av risikoen du i utgangspunktet ønsker å vere forsikra mot. Eit eksempel på å vere underforsikra: Du kjøper eit hus og forsikrar dette. Etter nokre år bygger du garasje på den same tomta, men gløymer å legge til garasjen i forsikringsavtalen for huset. Ved skade på hus og garasje vil du måtte betale for skadane på garasjen sjølv.

Behandlingstida på forsikringsoppgjeret varierar ut frå kva  forsikring  du bruker og kva som har skjedd. Det er forsikringsselskapet vårt Fremtind som føretar alle forsikringsoppgjer for oss. Har du alt av informasjon og papir klare når du melder saka, blir dykk som regel raskt einige om eit forsikringsoppgjer (kontantoppgjer eller reparasjon/gjenoppføring).

Andre oppgjerssaker kan ha lengre behandlingstid, då det kan ta tid å hente inn alle opplysningar eller at det er stor pågang. Du vil få beskjed når saka er ferdig behandla, eller om Fremtind treng ekstra opplysningar.

Når får eg pengane frå oppgjeret?
Viss du skal ha forsikringspengar utbetalt, tek det cirka 1-3 arbeidsdagar frå saka er ferdig behandla til du får forsikringsoppgjeret utbetalt til konto. I nokre oppgjerssaker får du ein e-post eller sms med informasjon same dag som saka er ferdig behandla.

Må eg betale skatt (mva) på forsikringsoppgjeret?
Nei, det er som hovudregel ikkje skatt på forsikringsoppgjer frå skadeforsikringar. Du har alt betalt skatt då du gjekk til anskaffing av tingen som blir erstatta. Ved oppgjer frå personforsikringar kan reglane vere annleis. Dømevis må du betale skatt på utbetaling av uførepensjon. 

Kvifor får eg ikkje tilbake alle pengane?
Kor mykje penger som vert tilbakebetalt kjem blant anna an på kor høg eigenandel du har, om du har bonusfordelar, grunnlaget for erstatning, eventuelt aldersfrådrag og våre rabattavtalar med ulike leverandørar.

Kva skjer dersom eg oppgir feil verdi i eit forsikringsoppgjer?
Dersom du oppdagar at du har skrive feil verdi, gir du oss beskjed om kva som er riktig. Då ser Fremtind på saka på nytt og gjer ei ny vurdering av erstatninga.

Eg meiner det er gjort feil i vurderinga av forsikringssaka mi
Dersom du meiner det er feil i forsikringsoppgjeret, kan du klage til forsikringsselskapet. Les om korleis du går fram for å klage til Fremtind. 

Viss ikkje klaga når fram kan du bruke rettshjelpsforsikring til å ta saka vidare – også mot forsikringsselskapet. Då kan forsikringsselskapet dekke delar av advokatutgiftene dine, sjølv om det er dei du har sak mot.

Det kan vere vanskeleg å verdsette heile innbuet  sitt, og ofte er det meir enn det ein trur. Hos oss treng du ikkje tenke på kor mykje du vil ha i forsikringssum  på innbu. Du treng altså ikkje noko  verdsetting av kor mykje du trur verdien eller beløpet er når du bereknar pris på innbuforsikringa.

Vi bereknar prisen på forsikringa og verdsetting av innbuet ditt, ut ifrå antal kvadratmeter det er i huset, eller leilegheita du ønsker å kjøpe innbuforsikring for. Vi har ubegrensa forsikringssum, så du kan vere trygg på at du vil få igjen heile verdien viss noko skulle skje.

Dersom du flyttar frå ei adresse til ei anna, kan du enkelt endre adresse på innbuforsikringa di.
 

Sjå også:

Kva dekker innbuforsikringa?
Er det avgrensingar på samlingar?
Kva er eigenandelen på innbuforsikringa?

Kor stor livsforsikringssum du bør ha, blir påverka blant anna av inntekta di og gjelda til den som blir sittande att etter dødsfallet ditt. Inntekta seier noko om kor mykje gjeld og utgifter den etterlatne klarer å betene. 

I tillegg til inntekt og gjeld er det også viktig å tenke på kven som har rett på arv etter deg. Arvelova regulerer kven som arvar deg og korleis arven skal fordelast.

Har de barn saman vil dette påverke utgiftsnivået, og barna sin alder vil igjen påverke lengda på dette utgiftsnivået. For mange bør livsforsikringa vere stor nok til at heile gjelda vert sletta, for å kunne oppretthalde ein god økonomisk levestandard.

Når du skal velje kor stor livsforsikringssum du ønsker skal stå i forsikringsavtalen, bør du mellom anna tenke på:

• kor mykje de har i bustadlån, billån og andre lån.
• kven som har rett på arv etter deg. Er de sambuarar eller har de særkullsbarn, er dette spesielt viktig å ha eit forhold til.
• sambuar/ektefelle og barna sine moglegheiter utan inntekta di.

For at dei etterlatne skal sleppe ubehagelege overraskingar, skaff dykk ei oversikt. Livsforsikring saman med testament kan kome godt med for å handtere eit arveoppgjer.

Er du usikker, hjelper vi deg gjerne med å få oversikt og velje rett sum for deg og din partnar. Kontakt oss for ein prat.

Sjå også: 

Kven får utbetalinga?
Kva er aldersgrensa på livsforsikringa?
Kva kostar livsforsikring?
Skatt på livsforsikring?
Kan eg ha fleire livsforsikringar?

Sykkelen din kan vere dekt både av innbuforsikring og reiseforsikring. Viss sykkelen blir stolen i Norden er det innbuforsikringa som gjeld. Då får du tilbake inntil 40.000 kroner for sykkelen, og det same gjeld for tilhengar til sykkel og barnevogn. Eigenandelen ved tjuveri av sykkel registrert i FG-godkjent sykkelregister er 2.000. Er ikkje sykkelen registrert er eigenandelen 4.000.

Viss sykkelen blir stolen utanfor kommunen du bur i, jobbar i eller studerer i, er den dekt av reiseforsikring. Det er ingen eigenandel ved bruk av reiseforsikring.

Har du ein ekstra dyr sykkel bør du vurdere ei eiga sykkelforsikring.

Er sykkelen din stolen:

Husk å anmelde saka til politiet før du melder tjuveri.

Sjå også

Dersom det skjer ei skade på huset eller hytta som fører til vasslekkasje og vasskade, er sjølve huset eller bygninga dekka av husforsikring. Det vil seie tak, veggar, golv og alt som sit fast i bustaden (parkett, peis, varmtvannsberedar, varmepumpe, kjøkkeninnreiing osv.). Det same gjeld for hytta dersom du har hytteforsikring. 

Blir møblar eller frittståande kvitevarer øydelagt, er det innbuforsikring som vil dekke dette. 

Ved vasslekkasje frå tak
Husforsikringa di dekker det som skjer brått og tilfeldig. Viss til dømes taket ditt sakte, men sikkert blir øydelagt fordi du ikkje held det ved like, er det ein skade som skjer over tid. Då blir den heller ikkje dekt av forsikringa. For å vere dekka mot følgeskader på tak inntil 50 år gammalt som ikkje er tett, må du ha topp husforsikring.
 

Kva gjer eg ved vasslekkasje?

1. Stopp vatnet og redd eigendelar
   Ved vasslekkasje frå vassrøyr, finn hovudstoppekrana og steng av vatnet. Viss du ikkje får stoppa vatnet og det er behov for rørleggjar, så tilrår vi at du sjølv engasjerer ein rørleggjar. Fjern mest mogleg av vatnet, for å avgrense skaden. Flytt gjenstandar bort eller opp frå golvet/vatnet.
2. Dokumenter skaden
   For å hjelpe deg er dette relevant: Liste over øydelagte ting. Kvitteringar for eventuelle utgifter i samband med hendinga. For at Fremtind skal finne ut om dei kan få reparert tinga dine, må du behalde dei til dei har sett på saka.
   
3. Kontakt oss
   Meld skaden til Fremtind. Dei bistår deg òg dersom du treng akutt hjelp og gir praktiske råd gjennom heile prosessen. Ikkje begynn med reparasjonar før du har kontakta Fremtind – dei vil hjelpe deg med det.
   Er det skade på bygninga og du i burettslag må du òg melde ifrå til styret. Dei melder saka til sameiget/burettslaget sitt forsikringsselskap.
4. Kva skjer etterpå?
   Ved små skader, kan vi som oftast behandle saka ganske raskt. Det er mogleg vi ber deg om å sende bilete av skadene. Ved større skader sender vi ein takstinspektør eller håndverkar til deg for å få betre oversikt. Dei takserer skaden og kan gje deg informasjon om prosessen rundt reparasjonen.

Har du både innbu- og husforsikringane hos oss, får du éin eigenandel, eitt kontaktpunkt og eit samla oppgjer ved skade. 

Sjå også
Dekker husforsikring at varmepumpe? 
kva dekker innbuforsikring?
Er eg dekka for maten i fryseboksen min?

Har du bygningsforsikring (topp hus- eller hytteforsikring) er du dekt mot skade på bygningen som har oppstått på grunn av skadedyr. Har du også tilleggsforsikring for sopp og råte er du dekt mot skade som har oppstått på grunn av insekt, sopp og råte. 

Innbuforsikring topp dekker også bekjemping av visse typar sjenerande dyr.

Bilforsikringa dekker museskader.
 

Sjå også: 

Kva dekker husforsikringa?
Kva dekker innbuforsikringa?

Ja, standard innbuforsikring dekker både tjuveri og skadar på mobil, pc og nettbrett. For å også være sikra mot uhellsskadar i og utanfor bustaden din, må du ha topp innbuforsikring eller LOfavør innbuforsikring.

Standard innbuforsikring 
Denne dekker som hovudregel tinga dine ved brann, tjuveri og vasskade.

Topp innbuforsikring/LOfavør Innbuforsikring/
Denne dekker i tillegg fysisk skade på tinga dine viss du har hatt uhell/uflaks. 

Når du tenkjer på å bruke innbofursikringen på mobil, pc eller nettbrett, er det lurt å sjekke at det lønner seg med tanke på kva du har i eigenandel og eventuelle aldersfradrag.

Verdisakforsikring
Denne dekker i tillegg mista mobil. Ein eigen mobilforsikring gjelder i heile verda, for fleire hendingar enn innbu- og reiseforsikringane, og har lågare eigenandel.
 

Har du hatt tjuveri eller skade?

Sjå også:

Dekker innbuforsikringa ting eg har mista?
Kva forsikringar dekker mobilen?
Kva dekkeer innbuforsikringen?
Dekker reiseforsikringa fråstolen jakke?
Kva er uhellsforsikring?
Kva dekker reiseforsikringa?

Reiseforsikring med familiedekning gjeld for barn inntil 21 år som har folkeregistrert adresse heime. Reiseforsikringa gjeld uavhengig av om de reiser saman eller kvar for seg.

Barn som er dekka:

• Barn og stebarn*
• Fosterbarn
• Barn du har vergeansvar for
• Barnebarn og oldebarn som reiser i følgje med deg, utan foreldre.

*Som høyrer til din husstand og som har folkeregistrert adresse hos ein av foreldra.

Etter barnet fyller 21 år og flyttar heimefrå kan det vere lurt med ungpakka: Innbu- og reiseforsikring for unge.

Viss du har båtforsikring med toppkasko og båten/vannscooteren er yngre enn 10 år får du dekka:

• Skade på båt og motor viss kjølesystemet sluttar å virke. 
• Plutselege skader på delar som motor, gir, aksling, elektronisk motorstyring og bensinsystem.
• I nokre tilfelle må båten/vannscooteren demonterast og undersøkast for å finne ut om vi dekkar skaden. Vi betalar kostnaden for dette viss den er større enn eigenandelen din.
   

Har du hatt skade på båten?

Sjå også

Minikasko er vår billegaste båtforsikring. Den dekker meir enn ansvar, brann, tjuveri, redning, vrakfjerning og lausøyre i båten.

Kasko
Dersom du ønsker å vere dekka for skadar på eigen båt som følgje av til dømes samanstøyt, kantring, grunnstøting og senking må du velje kasko båtforsikring. 

Toppkasko
Ønsker du i tillegg dekning for skadar på segl og motor, feriegaranti, tilhøyrande jolle og skade på opplagsutstyr må du velje toppkasko.

Billegare båtforsikring?
Ønsker du å gjere båtforsikringa billegare, er det fleire ting som gjer at prisen på kaskoforsikringane blir lågare:

• Jo høgare eigenandel du vel, jo billegare båtforsikring
• Om ingen under 23 år skal køyre båten
• Om du er medlem i redningsselskapet
• Om du har fritidsskipparsertifikat eller høgare
• Om båten ligg i hamn med organisert vakthald
• Om båten er merka med securmark
• Om båten har installert FG-godkjent gjenfinningssystem
   

Pris som følgjer sesongen
Hvis du skal vintrelagre båten, kan det vere kjekt å vite at vi har noko som heiter sesongvariert pris. Avsluttar du forsikringen utanom hovudforfall, avregnast prisen for det tidsrommet forsikringen har vore i kraft. Det betyr i praksis at prisen er langt billegare i vintermånadane enn i sommarmånadane. Les meir om sesongvariert pris.
 

Viss du har ei jolle som høyrer til ein større båt med kasko/toppkasko båtforsikring, er jolla inkludert i forsikringa på same måte som båten. Dette gjeld for joller opptil 12 fot med ein motor på maks 15 hk og maksverdi på 50.000 kroner.

Viss du berre ønsker å forsikre ei jolle, robåt eller annan småbåt kan du enkelt sjekke pris og kjøpe ei eiga forsikring på denne.

Aldersgrensa på livsforsikringa er 80 år (din alder). Det betyr at livsforsikringsavtalen din går til du fyller 80 år, med mindre du seier den opp før dette. Når du fyller 80 år blir forsikringa avslutta automatisk.

Du kan kjøpe livsforsikring frå alder 18 år til 79 år.

Sjå også:

Kven får utbetalinga?
Kva livsforsikringssum bør eg velje?
Kva kostar livsforsikring?
Er det skatt på utbetalinga?

Nei, du treng ikkje vere 100 % ufør for å bruke uføreforsikringane.

• Om du har uførepensjon eller uførekapital må du vere minst 50 % ufør for å få utbetaling.

Har du alt uføreforsikring hjå oss, er det viktig at du er klar over at vi har eldre uføredekningar der vilkåra for utbetaling er annleis. Mer informasjon om kva som gjeld for deg finn du ved å logge inn å sjå på forsikringsavtalen din.
 

Sjå også

Kva er uførekapital med forskuttering?
Kva betyr arbeidsuførheit?
Kva er midlertidig uførepensjon?
Kva er yrkesskade?
Kva er medisinsk invaliditet?

Tidlegare blei forsikringsselskapa gjerne kalla brannkasser. Så ein kan seie at brannforsikring er sjølve grunnstammen blant dei risikoane dagens forsikringsselskap tilbyr. Brannforsikring er inkludert i alle skadeforsikringane våre.

For bygningsforsikringane er brannforsikring ein del av både brann-, standard- og toppdekningane, som også inkluderer naturskader. Brannforsikring dekker skader og nedsoting i bustaden etter brann, pipebrann, eksplosjon, lynnedslag eller spenningsfeil. Brannforsikringane gjeld òg for enkeltståande bygg som garasje, anneks, bod eller liknande så lenge desse er lagde til i forsikringsavtalen. Har du innbuforsikring er også tinga dine dekka ved brann.

NB: Brannforsikringa dekker ikkje heksesot.

Eg ønsker kun brannforsikring
Brannforsikring åleine er vanleg for bygningar som har mangelfullt vedlikehald. Viss du kjøper hus- eller hytteforsikring på nett, får du kun valt mellom standard og topp, med fullverdiforsikring som inkluderer brann. For å kjøpe rein brannforsikring eller førsterisikoforsikring må du ta kontakt med oss.
 

Kva gjer eg dersom det brenn i bustaden min?  
Ring Fremtind på (915) 02300 viss du treng hjelp, rettleiing og praktiske råd. Du kan melde skadene etter brann på nett, viss det ikkje hastar. Ikkje begynn med reparasjonar før du har kontakta oss. Vi vil hjelpe deg med det.

Mindre brannskader
Ved små skader på hus, kan vi som oftast behandle saka ganske raskt. Det er mogleg vi ber deg om å sende bilete av skaden.

Større brannskader
Ved større skader sender vi ein takstinspektør eller handverkar til deg for å taksere skadene. Dersom huset eller hytta brenn heilt ned eller blir totalskada bygger vi heilt nytt for deg.
 

Kjekt å vite om eigenandel
Viss du har samla både bygningsforsikring og innbuforsikring hos oss betaler du kun éin eigenandel ved skade på både bygning og innbu. I motsetnad må du betale to eigenandeler om du har forsikringane i to forskjellige forsikringsselskap.

Sikkerheitsforskriftene for hus og hytte er eit sett reglar du må overhalde for å ha krav på full erstatning ved bruk av forsikringane. Sikkerheitsforskriftene skal førebygge faren for eller avgrense omfanget av skade. Dersom du ikkje overheld, eller ser til at dei blir overhalde, kan du få avkorting på forsikringa dersom det skulle skje noko. Sikkerheitsforskrifta vil du òg finne i forsikringsavtalen din. 

Her finn du ansvaravgrensingar og sikkerheitsforskrifter for hus og hytte:

Brann
Bustaden skal ha:

• godkjente røykvarslarar som skal plasserast slik at dei tydeleg høyrast på soverom.
• godkjent brannsløkkingsapparat eller husbrannslange som kan nå alle rom.
• eigen fast elektrisk kurs beskytta med overspenningsvern og jordfeilbrytar på fast ladepunkt for elbil/hybridbil. Lading med ordinær stikkontakt skal i tillegg skje utan bruk av skøyteleidning og etter krava frå DSB.
  

Vatn
Du må sørgje for:

• at alle rom i bygninga er tilstrekkeleg oppvarma for å unngå frostskadar.
• at hovudstoppekrana stengast og vasskranene opnast for å tømme røyra viss bygningen skal stå ubebodd i meir enn 7 dagar.
  
• å ha vaskemaskin/oppvaskmaskin i rom med sluk eller ha innebygd stoppeventil.
  

Tjuveri-/innbruddssikring
Du må sørgje for at bygningen må vere forsvarleg sikra mot tjuveri og hærverk. Dører, vinduer og andre opningar skal vere lukka og låst, ikkje i luftestilling. Nøklar skal oppbevarast slik at uvedkomande ikkje får tak i dei.

Bygningsarbeid, vedlikehald, reparasjonar og nye installasjonar
Du må sørge for:

•  snømåking av tak, balkong og terrasse på bygning for å unngå skade.
• at alt arbeid er utført etter gjeldande byggetekniske føreskrifter og om nødvendig meldt til og godkjent av offentleg myndigheit i henhold til plan- og bygningslova. Arbeida skal utførast i henhold til godkjente teikningar og materialbeskrivingar og med ansvarshavande som tilfredsstiller de krav til kompetanse som er stilt i godkjenninga.
• at elektro- og VVS-arbeid er utført av autorisert eller godkjent handverkar.
• at manglande takstein, løse beslag, synlege lekkasjar, feil og manglar skal utbetrast umiddelbart for å førebyggje skader.
  

Oljetankar
Du må sørge for:

•  at oljetankar som takast ut av bruk, skal tømast for olje og gravast opp/fjernast. Påfyllingsanordninga skal fjernast slik at påfylling ikkje kan skje. Fjerning skal utførast av kvalifisert personell.

Last ned som PDF:

Førsterisiko er ein forsikringsform som inneber at du sjølv vel forsikringssummen på det du forsikrar. Det betyr at erstatninga er avgrensa til summen som står i forsikringsavtalen. Ved skade vil du aldri få erstatta  meir enn forsikringssummen, sjølv om verdien på det du forsikra kan ha auka i mellomtida. Førsterisikoforsikring blir gjerne nytta på bygningar i dårleg stand, og er ikkje vanleg på bustadar og hytter som er normalt godt vedlikehalde. 

Motsatsen til førsterisikoforsikring er fullverdiforsikring. Har du eit fullverdiforsikra hus eller hytte betyr det at du til ein kvar tid er forsikra for eit beløp som dekkar kostnadane ved å bygge eit tilsvarande hus eller hytte. 

Har du toppdekninga for husforsikring, hytteforsikring eller bustadsbyggforsikring dekkast følgeskader etter handverkarfeil viss skaden oppstår innan 10 år etter at arbeidet vart utført. Arbeidet må vere utført av godkjent/autorisert handverkar eller entreprenørbedrift. Har du standard-dekninga er du dessverre ikkje dekt.

Handverkaren er i utgangspunktet ansvarleg for å rette opp i eventuelle feil og utbetre følgeskade etter dårleg utført arbeid dersom dette oppstår innanfor 5 år etter at oppdraget blei utført. Det er viktig at du reklamerer så fort som mogleg til handverkaren etter at manglane eller skadane blei oppdaga. 

Viss handverkaren likevel ikkje ordnar opp, og det er mindre enn 10 år sidan arbeidet vart gjort, vil toppforsikringa vår erstatte følgeskadane. Reparasjonen av sjølve feilen/mangelen må du betale for sjølv. Ved følgeskade på våtrom kan reparasjon av feilen/mangelen òg vere dekka under visse føresetnader – som står beskrive i vilkåret.

Har du fått skade etter handverkerfeil?

Ja, både standard og toppdekningane våre for hus- og hytteforsikringene dekker termisk brott i vindauget. 

Kva er termisk brott?
Termisk brott refererer til ein form for brott eller skade som oppstår i glaset som følgje av temperaturforskjellar eller termiske spenningar.

Når eit vindauge vert utsett for store temperaturvariasjonar, kan det utvide eller trekke seg saman. Dersom desse termiske endringane ikkje vert utjamna likt over heile vindaugsflata, kan det oppstå indre spenningar i materialet. Når vindauget ikkje kan motstå desse spenningane, kan det føre til at glaset sprekk. Dette kallast eit termisk brott. Termiske brott kan også oppstå i andre materialar med låg termisk motstand, som keramikk eller betong.

Eit vanleg eksempel på termisk brott er når eit vindauge med glas vert utsett for sterkt sollys. Sola varmast opp glaset ujevnt, fordi den eine sida av glaset blir meir oppvarma enn den andre. Dette созда термические напряжения, som igjen kan føre til at glaset sprekkar.

For å unngå termisk brot har du eit par førebyggjande tips:

• Opne vindauga som blir utsett for mykje direkte sollys. Då er dei mindre utsett for spenning.
• Bruk markiser for å blokkere direkte sollys og redusere varmebelastninga på glaset.
• Vurder å installere vindusfilm eller vindusbeskyttelse som kan bidra til å fordele varmen i glaset jamnare.
• Flytt utemøblar eller andre ting som står og skuggar for delar av vindauga, då desse kan bidra til ujevn varmefordeling i vinduet.

Sjå også

Dekker forsikring punktert vindu?
Dekker forsikringen drivhuset mitt?
Kva gjeld for hus som er freda/verneverdige?

Å vite forskjellen på husforsikring og innbuforsikring kan vere vanskeleg i ein del tilfelle. Men forskjellen er eigentleg ganske enkel. Husforsikringa dekkar skader på sjølve bygningen og dei delane som sit fastmontert i bygningen, medan innbuforsikringa dekkar alle tinga dine, som du oppbevarer i bustaden og som du tar med deg når du flyttar.

Her er nokre eksempel på ting som er dekka av dei forskjellige forsikringane.

Husforsikringa dekkar ting som:

• Veggar, tak og golv
• Kjøkkeninnreiing
• Parkett
• Sanitærporselen (toalett, vask, badekar osv.)
• Varmepumpe
• Dører og vindauge
• Integrerte kvitevarer

• Klede
• Møblar
• Elektriske apparat
• Hagemøblar
• Sykkel og barnevogn
• Frittståande kvitevarer

Har du hytte, treng du ein eigen hytteforsikring for sjølve bygningen, med tilhøyrande innbuforsikring som dekkar tinga på hytta.
 

Sjå også

Gjeld innbuforsikring eg har heime på hytta òg?
Gjeld innbuforsikring for ting eg har i garasjen?
Korleis rekne ut kor mykje må eg ha i innbuforsikring?

1. Meld bilen stolen
Først må du anmelde tjuveriet til politiet. Treng du rettleiing kan du ringe politiet på 800 40 008. Viss bilen blei stolen i utlandet, melder du frå til politiet der du er.

2. Kontakt oss
Meld bilen stolen til forsikringsselskapet ditt. Har du bilforsikring hos oss melder du sak til Fremtind. Du treng politianmeldelsen for å melde saka.

3. Kva skjer etterpå?
Du vil få beskjed om at bilforsikring er avslutta. Når bilen er meldt stolen til politiet og til oss, tar det 21 dagar før bilen blir ansett som borte. Det vil seie at det er først etter 21 dagar du kan få utbetalt erstatning. De 21 dagane gir politiet tid til å spore opp bilen. Du kan følge saka di ved å logge inn til «mine skadesaker». 

Viss det kjem rekningar eller krav på bilen som for eksempel bompasseringar, parkeringar eller liknande, kan du avvise desse med grunnlag om at køyretøyet er stolen. Viss bilen kjem til rette etter utbetalinga, vil bilen vere eigd av forsikringsselskapet.
 

Sjå også

Innbrot og tjuveri i bilen?
Kva skjer med forsikring ved stolen bil?
 

Ja, du kan kjøpe bilforsikring (og andre forsikringar) sjølv om du har betalingsanmerking eller ikkje er vurdert som kredittverdig.

Bankar i Norge har ikkje lov til å nekte kundar å kjøpe forsikringar, kun basert på kredittverdigheit.

Det som likevel kan skille seg ut, er korleis du må betale for forsikringane. Vanlegvis får du velje betalingsfrekvens (månadleg, kvartalsvis, halvårleg eller årleg betaling), men viss du har betalingsanmerking, vil vi som regel krevje at du betaler heile forsikringsbeløpet forskotsvis for eitt år av gongen.

Ja, reiseforsikringa dekker visse typar ekstremsport og andre risiko-aktivitetar, som er ein typisk eingongsaktivitet i samband med ei ferie- og fritidsreise.

Du kan også ende opp med heile eller delar av rekninga sjølv, dersom aktiviteten utførast grovt uaktsamt (som for eksempel under ekstreme vêrforhold som sterk vind eller ekstreme bølger). Dersom det skulle skje ei ulukke kan du vere dekka for:

• Behandling av skade
• Eingongsutbetaling ved medisinsk invaliditet
• Psykologisk førstehjelp
• Heimreise
   

Aktivitetar som reiseforsikringa dekker:

*Dekker ikkje organisert luftsport der du utøver aktiviteten i regi av klubb, foreining eller arrangør.
 

• Basehopping
• Dykking djupare enn 40 meter
• Friklatring
• Wingsuit flying
• Kamp- og sjølvforsvarssport
• Hastigheitsløp med motorkøyretøy
• Ekspedisjonar
• Høgdeopphald høgare enn 6.000 meter

Dersom du planlegger å gjennomføre aktivitetar reiseforsikringa ikkje dekker, bør du skaffe deg ei eiga spesialforsikring via organisasjonen eller bedrifta som tilbyr aktiviteten.
 

Eigarskifteforsikring var tidlegare namnet på det som i dag kallast bustadseljarforsikring. No blir omgrepet «eigarskifteforsikring» ofte brukt breiare, og kan handle både om forsikring ved eigarskifte for seljar og kjøpar av til dømes ein bil, båt eller eit hus. Vi skiller då mellom kjøparforsikring og seljarforsikring, spesielt ved kjøp og sal av bustad.

Enkelt forklart dekker ei eigarskifteforsikring juridisk bistand og rettshjelp ved tvist mellom kjøpar og seljar av eit objekt. 

Eigarskifteforsikring bustad (gjelder òg hytte og tomt)

• Les meir om bustadseljarforsikring og kva den dekker
• Les meir om bustadkjøparforsikring og kva den dekker

Eigarskifteforsikring bil
Har du kjøpt eller selt ein bil og havnar i ein tvist med motparten kan du vere dekka av rettshjelpsforsikringa i bilforsikringa. Dette gjeld både for den som sel bilen og den som kjøper den aktuelle bilen.

Rettshjelpsforsikringa  dekker digitalt meklingmøte med profesjonelle meklarar, gjennom Mekle (utan eigenandel). Viss saka ikkje blir løyst i meklingmøte kan rettshjelpsforsikringa refundere utgifter du har brukt på advokat, rettshjelparar, rettsgebyr, sakkyndige og vitne, i sak mot seljar/kjøpar.

Har du havna i tvist med kjøparen/seljaren av bilen?

Ja, du kan endre køyrelengda opp eller ned for bilforsikringa di når du sjølv ønsker.

Privatperson?
Logg inn i «mine forsikringar», og vel bilen du ønsker å endre køyrelengde for. Der kan du endre køyrelengde og berekne ny pris på bilforsikringa. Ønsker du å oppdatere kilometerstand, kan dette gjerast ein gong i året.

Bedrift?
Logg inn til «mine bedriftsforsikringar», og endre kjørelengde og oppdatere kilometerstand for de bilane du ønsker.

Har du køyrt over valt køyrelengde?
Logg inn og juster køyrelengda opp. Det er viktig å følge med på at du ikkje køyrer lengre enn den køyrelengda du har sett. Erstatninga kan bli redusert dersom du har køyrt lengre enn avtalt og det skjer ein skade.

Sjå også:

Korleis skrur eg av/på førar under 23 år?
Korleis få billegare bilforsikring?
Korleis gjer eg endringar på forsikringane?

Viss bilen blir køyrd av nokon under 23 år må dette stå i forsikringsavtalen for bilforsikringa. Det er fordi det er større sjanse for uhell når ein er under 23 år, som vil påverke prisen noko. Forsikringa kan bli avkorta viss dette ikkje står i avtalen og det skjer ei skade.

Er du usikker på kva som står i forsikringsavtalen din kan du sjekke dette i «mine forsikringar», eller i mobilbanken/nettbanken.

Endre sjåfør under 23 år
Ønsker du å endre slik at personar under 23 år kan køyre bilen din? Endre dette sjølv ved å logge inn til mi bilforsikring og velje «endre forsikringa». Når du endrar til «sjåfør under 23 år», kan du ikkje endre tilbake før det har gått 3 månader.

Lærekøyre?
Skal de ut å lærekøyre treng de ikkje registrere førar under 23 år. Per definisjon er det den som sit i passasjersetet og gir opplæring som er førar av bilen når ein lærekøyrer. 
 

Har du bilforsikring i eit anna selskap?

Bonus på bilforsikringa kan berre arvast eller delast mellom gifte, sambuarar og partnarar. Det vil sei at barn ikkje kan arve bonusen til sine foreldre. Hjå oss er startbonusen også den høgaste i marknaden - på 60 %. Les meir om reglane for bilforsikring og bonus.

Innbu er ting du eig og brukar heime, og som du ofte tek med deg når du flyttar. Eksemplar på innbu er møblar, klede, elektrisk utstyr, bøker, syklar, verktøy osv. Ting som står lagra i kjellar, loft og garasje reknast også som innbu. 

Innbuforsikring dekker verdien på innbuet viss det skulle skje noko, medan husforsikring dekkar sjølve bygningen og det som er montert fast i bygningen. 

Du kan velje mellom standard og topp innbuforsikring. Standard innbuforsikring dekkar innbuet ditt ved brann, vasskade og tjuveri, medan topp innbuforsikring i tillegg dekkar uhell og har høgare erstatningssummar.

Har du hytte eller fritidshus treng du ein eigen innbuforsikring på denne. 

Eig du ekstra dyre eigendelar, som for eksempel bunad, sykkel, klokke, dykkerutstyr osv. bør du vurdere ein eigen verdigjenstandsforsikring for desse, då innbuforsikringa har eit tak på erstatning av enkeltgjenstandar. Då er du ekstra godt dekka, i heile verda, med låg eigenandel.
 

Sjå også

Ja, innbuforsikringa dekker bunaden for fleire typar skader og hendingar, men når du brukar den utanfor bustaden er den ofte ikkje godt nok forsikra. Viss du har ein dyr bunad anbefaler vi deg å kjøpe ei eiga bunadsforsikring (verdisakforsikring). Denne gjeld uansett kor du er i verda og for nesten alt som skulle skje.

Eksempel på ting som ikkje er dekka av innbuforsikring, men som er dekka av ei eiga bunadsforsikring:

• Rifter eller svimerker frå sigarettglo.
• Vin- og oljesøl.
• Mista eller gjengløymt bunad (for eksempel blitt borte under flytting).
  
  

Sjå også:

Kva forsikringar dekker bunaden?
Dekker innbuforsikringa ting ein mistar?
Dekker innbuforsikringa høyrerapparat?
Dekker innbuforsikringa kamera og utstyr?

Medisinsk invaliditet betyr at du har mista delar av den normale kroppsfunksjonen din. Døme på medisinsk invaliditet er at du har:

• mista syn
• mista høyrsel
• rykt fremre korsband
• fått ein kneskade
• amputert ein finger

Medisinsk invaliditet vert bedømt ut frå eit gradsystem frå 1 til 100 prosent. Har du for eksempel fått ein kneskade i form av kneleddsartrodese/ankylose vil det gi deg ein invaliditetsgrad på 20 %, medan tap av fremre korsband gir 5 % invaliditetsgrad, basert på invaliditetstabellen hos lovdata.no. 

Har du skada deg er det legen din som reknar ut kva invaliditetsgrad du har. Har du fått påvist varig medisinsk mén av legen kan du ha krav på utbetaling både frå folktrygda og frå forsikringa til arbeidsgjevar. Varig medisinsk invaliditet kan vere dekka av følgjande forsikringar:

• Yrkesskadeforsikring
• Reiseforsikringane
  (heilårs reiseforsikring for tilsette og privat reiseforsikring og enkeltreiseforsikring)
• Barneforsikringa
• Ulykkesforsikringane
  (kollektiv ulykke, annan sjukdom, kollektiv barneulykke og privat ulykkesforsikring) 
   

Les også:

Kva er yrkesskade?
Kva er ménerstatning?
Kva er belastningsskadar?
Kva dekker reiseforsikringa i samband med ulykke?
Barn som skadar seg i barnehage?

Skal du foreta ei innbetaling til Fremtind Forsikring frå utlandet treng du følgjande opplysningar:

• IBAN – nummer NO7290011700771
• SWIFT/BIC SHEDNO22XXX

Desse opplysningane finn du òg på første side i mottatt eller varsla faktura. Fakturadokumenta har du alltid tilgjengeleg ved å logge inn til mine forsikringar, mobilbanken eller nettbanken.

Du vel sjølv kor ofte du vil betale for forsikringane dine. Vi tilbyr 4 ulike betalingsfrekvensar på forsikringane dine:

• Månadleg betaling
• Kvartalsvis betaling
• Halvårleg betaling
• Årleg betaling

Viss du ønsker å forandre på betalingsfrekvensen du har i dag, kan du logge inn til «forsikringane mine» (eller mobilbank/nettbank – vel forsikringane mine). Der vel du «faktura» i menyen, gå vidare til «betalingsavtalar» og endre betalingsintervall.

Er du usikker kan du kontakte oss så hjelper vi deg med å endre.
 

Sjå også:

Kva er sesongvariert forsikringspris?
Kva er fordelane med eFaktura/AvtaleGiro?
Eg har spørsmål om fakturaen eg har fått frå Fremtind?

«Frå dato» som avvik frå den gjeldande terminen betyr at det er gjort endring med tilbakeverknande kraft. Vi har difor føretatt ein avrekning med verknad frå same dato. Om din forsikringspris er endra vil du få eit tillegg, eventuell frådrag, med bakgrunn i kva som tidlegare er fakturert.

Ta kontakt med oss dersom du har spørsmål.
 

Du må ha betalt alt du har uteståande hos oss og evt. inkassobyrå før vi kan ta ei ny vurdering av kundeforholdet ditt. Du må sjølv ta kontakt med oss for ei ny vurdering, forsikringane vert ikkje aktivert automatisk igjen.

Trafikkforsikringsavgift er det som tidlegare var årsavgift på køyretøy. Myndigheitene har bestemt at alle registrerte køyretøy med lovpålagt ansvarsforsikring må betale denne avgifta. Det er forsikringsselskapa som krev inn den nye avgifta, for staten.

På fakturaen er trafikforsikringsavgifta spesifisert for kvart køyretøy og beløpet blir delt opp i same tal betalingsterminar som forsikringsavtalen.

Les meir om trafikforsikringsavgifta og prissatsane

Enkelte køyretøy vert hyppigare brukt avhengig av om det er sommarsesong eller vintersesong. Dette gjeld for:

• motorsykkel og moped
• Snøscooter
• båt og vannscooter

For eksempel vil mange mc-eigarar la motorsykkelen stå i garasja i vinterperioden, ein del set båten sin til vinterlagring, og få brukar snøscooteren sin om sommaren. Sidan desse køyretøya vert hyppigare brukt i delar av året, er også risikoen høgare i desse månadene. Prisen på forsikringa varierar derfor med sesong for desse køyretøya, såkalla sesongvariert pris.

Betaler du per månad, betaler du totalprisen for heile året delt på 12 månader. Avsluttar du forsikringa utanom hovudforfall, vil vi avrekne prisen for det tidsrommet du har vore forsikra, som visast i prosent av årsprisen i denne grafen (til dømes båtforsikring):

Sjå eigne tabellar for motorsykkel, moped og snøscooter i forsikringsavtala di.

Lagringsforsikring
Ønsker du å vere forsikra medan båten står i vinteropplag, anbefalar vi å ha forsikring gjennom heile året. Forsikring i vinterperioden er langt billegare enn i høysesongen.

For mc, moped og snøscooter kan du midlertidig avregistrere køyretøyet så vil du automatisk gå over på lagringsforsikring.

Hovudforfall er den datoen forsikringsavtalane dine blir fornya, og er éin gong i året. Når du kjøper ei forsikring så er dette i hovudsak ein årsavtale. Det betyr ikkje nødvendigvis at du er bunden til avtalen i eit år. Du kan seie opp ei løpande forsikring viss behovet forandrar seg eller viss du flyttar forsikringa til eit anna selskap. Forsikringsavtalen blir fornya automatisk når det har gått eit år, på hovudforfallsdatoen. 

Dei fleste forsikringar har ulik risiko avhengig av årstida og sesong, medan prisen du betalar for løpande forsikringsavtalar som regel er den same kvar månad. For nokre forsikringar så svingar denne risikoen så mykje at vi har ein såkalla sesongvariert pris.

Du kan finne datoen for hovudforfallet for forsikringane dine i forsikringsavtalane, under forsikringsperiode. Forsikringsavtalane finn du ved å logge inn til mine forsikringar, i mobilbanken eller nettbanken. Som regel har alle dei individuelle skadeforsikringane dine same hovudforfallsdato.

Ved hovudforfall kan forsikringsselskapet endre prisar og vilkår, men må informere om endringane i fornyingsdokumenta. Selskapet kan ikkje endre prisar og vilkår på løpande avtalar med unntak av om risikoen endrar seg. Døme der risikoen endrar seg er viss du endrar køyrelengda i bilforsikringa, eller du byrjar å leige ut huset du har forsikra.

Eit anna eksempel er viss eigenandelen ved veghjelp går opp frå 750 kr til 1000 kr etter at du har inngått avtale om bilforsikring. Då vil du framleis ha 750 kr i eigenandel (ved veghjelp) fram til neste hovudforfall.
 

Sjå også

Korleis endrar eg forfallsdato?
Kva er ein kollektiv forsikring?
Kva er forsikringspremie?
Kva er regress?
Kven er forsikringstakar?

Fordelar med AvtaleGiro:

• Du får varsel i nettbanken 30 dagar før forfall
• Faktura betalast automatisk frå din konto på forfallsdato
• Du kan sjølv velje betalingsfrekvens, men forfallsdato må vere mellom 15. og 25. i månaden
  
  

Fordelar med eFaktura

• Du får varsel på e-post 30 dagar før forfall
• Vi sender ferdig utfylt faktura til nettbanken din
• Du kan sjølv velje betalingsfrekvens, og forfallsdato kan vere mellom 1. og 30. i månaden.
  • Fram til eFaktura er etablert må forfallsdato vere mellom 15 - 25.
  • Ønsker du å endre forfallsdato ta kontakt med oss.
• Med eFaktura betaler du med kun eitt tastetrykk, og du har full oversikt over betalte fakturaer i nettbanken din.

Fordelar med kombinasjon (AvtaleGiro med eFaktura) 
Merk at du oppnår fordelane med både AvtaleGiro og eFaktura

• Du får varsel på e-post 30 dagar før forfall.
• Faktura vises i nettbanken og beløpet trekkast automatisk frå din konto på forfallsdato.
• Du kan sjølv velje betalingsfrekvens, og forfallsdato kan vere mellom 1. og 30. i månaden
  • Fram til eFaktura er etablert må forfallsdato vere mellom 15 - 25.
  • Ønsker du å endre forfallsdato ta kontakt med din forsikringsrådgjevar.

Sjå også
Korleis opprette AvtaleGiro og/eller eFaktura?
 

AvtaleGiro
Du vil ofte motta første faktura i posten, fordi denne som regel blir produsert før AvtaleGiro eller eFaktura er registrert hjå oss. 

eFaktura
I nettbanken vel du «Innstillinger» og «Betaling» og der kan du velje «Tillat eFaktura» for å motta eFaktura. Avtale om eFaktura krev at du har valt dette og ikkje reservert deg.

Ta kontakt med oss, viss du framleis får forsikringsfakturaen i posten. 

Ved akutt sjukdom, alvorlege ulykker eller behov for heimreise når du er i utlandet, kan du kontakte alarmsentralen SOS International på telefon +47 22 96 50 45 eller sos@health.sos.eu. Dei samarbeider med godkjente legar og sjukehus over heile verda, og hjelper deg der du er.

Både reiseforsikringsbeviset og reisekortet ditt finn du ved å logge inn i «mine forsikringar», mobilbanken eller i nettbanken.

Logg inn så kan du laste ned, skrive ut, få det tilsendt på epost eller få tilsendt i posten. Etter du er logga inn finn du reisekortet og informasjon under:
Forsikringsoversikt > Mine forsikringar > Reiseforsikring > Til reisekortet.

Har du enkeltreiseforsikring via Mastercardet ditt finn du reiseforsikringsbeviset under: 
Mastercard > Fordelar > Reisefordelar

Sjå også

Kva er europeisk helsetrygdkort, og kor bestiller eg det?
Gjeld forsikringa viss det er reiseråd for landet eg skal til?
Dekker reiseforsikring forsinka fly?
Kva er SmartDelay+?
Kva er Reise SMS?

Det er som hovudregel ingen eigenandel ved bruk av heileårs reiseforsikring. Unntaka er ved (eigendel i parentes):

• rettshjelp (4.000 kr + 20 % av utgiftene)
• fysisk skade på mobiltelefon (2.000 kr)
• tjuveri av mobiltelefon (2.000 kr)

For reiseforsikringa i kredittkortet er eigenandelen 500 kroner for reisegods og behandling etter ulykke. 

Aldersfrådrag ved erstatning
For nokre gjenstandar som er kjøpt nye er det aldersfrådrag ved erstatning. Skal det gjerast aldersfrådrag på reisegods, gjerast dette før eigenandelen trekkast.

Det er greitt å vite at andre gjenstandar blir erstatta med marknadspris, gjenanskaffelsespris eller omsetningsverdi som brukt – avhengig av type gjenstand. Det kan òg vere makserstatning eller andre avgrensingar. Sjå vilkår eller forsikringsavtale for detaljar.

Sjå også

Kva dekker reiseforsikringane?
Kva er leigebilforsikring?

Reiseforsikring dekker ikkje kostnadar til overnatting, avbestilling, transport, forsinkingar eller andre utgifter knytt til streik. Det utelukkar ikkje at du kan ha rett på kompensasjon.

Streik flyselskapet
Dersom det er streik i flyselskapet ditt, kan flygingar anten bli innstilte eller forsinka. Ved streik har du ei rekke rettar og krav som du kan rette mot flyselskapet ditt. Dersom det ser ut til at flyginga di står i fare for å bli ramma av streik, er det viktig at du ikkje avbestiller reisa sjølv. Avbestiller du sjølv har du nemleg ikkje krav på refusjon, noko du har om du ventar til flyet blir innstilt.

Vi anbefaler deg å ta kontakt med flyselskapet, så vil dei hjelpe deg:
 

Er flyet ditt innstilt, har du krav på:

• mat og overnatting viss du treng det
• å få pengane tilbake eller endre reiserute
   

Er flyet ditt forsinka, har du krav på: 

• Meir enn 2 timer: mat og overnatting viss du treng det. 
• Meir enn 5 timer: få tilbake pengane for reisa viss forsinkinga gjer at du ikkje får reist. 
  

Viss reisa er betalt med kredittkort, og flyselskapet ikkje sørger for at du får fullført reisa, kan du reklamere på kredittkort-transaksjonen. Du kan då ha rett til å få refundert billettprisen.
 

Streik på flyplassen
Er det streik på sjølve flyplassen er reglane litt annleis, sjå Forbrukarrådet sine nettsider for meir informasjon. 
 

Sjå også

Dekker reiseforsikring konkurs?
Dekker reiseforsikring kansellert fly?
Dekker reiseforsikring forsinka transport?
Kva er SmartDelay+?

For å kunne bruke behandlingsforsikringa treng du ei tilvising frå legen din. Deretter kan du få rettleiing, melde sak og laste opp tilvisinga di. Det er den som eig/har kjøpt behandlingsforsikringa som må logge seg på og melde saka.

Viss du treng å snakke med oss om behandling, kan du ringe (+47) 21 02 54 52.

Les: Kva dekker behandlings-/helseforsikringa?

Har du fått ei tilvisning frå legen din, kan du logge inn til Fremtind og fortelje kva behandling du treng. Ein sjukepleiar vil ta kontakt med deg innan neste arbeidsdag. Sjukepleiaren følgjer deg opp, sørgjer for at du får rett behandling, bestiller timar for deg og hjelper deg med det praktiske.

Det er viktig at alle behandlingar blir bestilt av forsikringsselskapet vårt Fremtind. Helse-/behandlingsforsikring dekker kun timar som er bestilt av Fremtind. 
 

Sjå også

Helse-/behandlingsforsikring dekker blant anna:

• Billeddiagnostikk innan 10 virkedagar, for eksempel MR og CT
• Legespesialist innan 10 virkedagar
• Andregongsvurdering
• Operasjon eller sjukehusbehandling innan 15 virkedagar
• Rehabilitering etter sjukehusopphald
• Medisinar under sjukehusopphald
• Reiser og losji
• Psykologisk førstehjelp
  
  

Les meir om helseforsikring/behandlingsforsikringa
 

Helseforsikring og barneforsikring dekkjer samtalar med psykolog
Har du eller barnet ditt behov for å snakke med nokon om vanskelege tankar, uro, stress eller liknande, kan samtalar med psykolog kanskje hjelpe. Forsikringane våre inneheld ein psykologteneste som gir moglegheita til å ha inntil 5 gratis videosamtalar i året, med ein kvalifisert psykolog hos Dr.Dropin.

Videokonsultasjon med psykolog er inkludert i følgjande forsikringar:

• Barneforsikring (for unge som er 16 år eller eldre) 
• Helseforsikring privat

Helseforsikring og yrkesskadeforsikring dekkjer psykologisk førstehjelp

Psykologisk førstehjelp er rask psykisk hjelp etter alvorlege og traumatiske hendingar. Om du opplev for eksempel ulykke, vald eller plutseleg dødsfall, kan dette gi tunge psykiske påkjenningar. Enten du sjølv blir involvert, eller blir vitne til hendinga, kan slike opplevingar føre til at du reagerer med intense kjensler.

Psykologisk førstehjelp er inkludert følgjande forsikringar:

• Helseforsikring privat
• Bilforsikring bedrift
• Yrkesskadeforsikring
  

Helseforsikringa/behandlingsforsikringa dekker refusjon av utgifter til reise og losji som er medisinsk nødvendig. Dersom behandlingsstaden anser det som medisinsk nødvendig å ha med følge så refunderast også følget sine kostnadar til reise og losji.

Reiseutgifter erstattast om reiseavstanden mellom fast bustadsadresse i Norge, Sverige eller Danmark og behandlingsstaden er over 100 km ein veg. Det er ein føresetnad at det rimelegaste alternativet for transport og losji vert nytta.

Sjå også

Kva dekker husforsikringa?
Kor lenge må eg vente på operasjon?
Korleis brukar eg helseforsikringa?
Dekker forsikringen fysikalsk behandling?

Privat helseforsikring (behandlingsforsikring) dekker ikkje kiropraktor, fysioterapi, naprapat, osteopat eller manuellterapeut åleine. Unntaka er viss det for eksempel er behov for fysioterapi i samband med rehabilitering etter operasjon som er dekka av forsikringa. Då kan for eksempel fysioterapi vere dekka. Rehabiliteringa må nyttast innan 3 månader etter operasjonen.

Har du helseforsikring bedrift (behandlingsforsikring gjennom arbeidsgjevar) kan du vere dekka for både fysioterapi, kiropraktor, manuellterapi, naprapat og osteopat. Dette er ei tilleggsdekning, som betyr at bedrifta må ha kjøpt dette, for at du skal vere dekka.

Logg inn til «mine forsikringar» og sjå forsikringsavtale for å sjekke om du er dekka.

Har du einebustad, tomannsbustad eller rekkehus får du erstatta ting du har i garasjen. Bur du i leiligheit dekker tjuveri og hærverk i loft- og kjellarboder med inntil 100.000 kroner viss du har standard innbuforsikring og inntil 200.000 kroner hvis du har topp innbuforsikring. Har du felles garasje får du ikkje erstatta tinga du har der.

Les: Dekker husforsikringa garasjen?

Ja, innbuforsikringa har enkelte avgrensingar på gjenstandar og samlingar:

Eig du dyr kunst, måleri, smykke eller andre verdisaker, kan vi utvide forsikringssummen for desse. Ta kontakt med oss så kan vi tilpasse dette.

Vi tilbyr også verdisakforsikring som dekker fleire hendingar enn reise- og innbuforsikringane.
 

Sjå også

Barneforsikringa kan dekke ADHD gjennom dekningane for utvida hjelpestønad og uføreforsikringane. 

Utvida hjelpestønad
Viss du får godkjent hjelpestønad frå NAV i samband med at barnet ditt har fått påvist ADHD, vil du også kunne få dekt utvida hjelpestønad på barneforsikringa. 

Uføreforsikring
Viss barnet ditt blir ufør på grunn av ADHD vil du kunne få utbetaling frå uføredekningane i barneforsikringa.
 

Les meir om utvida hjelpestønad og uføredekningane under "Kva dekker barneforsikringa?".
 

Har barnet ditt fått ADHD?

Barneforsikringa varar fram til barnet fyller 26 år.

På datoen «barnet» fyller 26 år vert barneforsikringa automatisk avslutta. Samtidig blir det oppretta nye forsikringar (kalla fortsettingsforsikring). Sjølve barneforsikringa blir erstatta av ei ulykkesforsikring, medan uføredelen blir erstatta med uføreforsikring for vaksne.

«Barnet» treng ikkje å fylle ut nytt helseerklæringsskjema. Forsikringssummane blir rekna ut ifrå grunnbeløpet på 26-årsdagen, som per dags dato er på 124.028 kroner. Den nye ulykkesforsikringa får ein forsikringssum lik 15 gonger grunnbeløpet (124.028 x 15). Det same gjeld for uførepensjonen, der forsikringssummen blir rekna ut frå om barneuførepensjonen er på 0,5 G, 0,8 G eller 1 G. Ved uførepensjon på 1 G i barneforsikringa, blir reknestykket enkelt: 124.028 kroner.

«Barnet» kan velje å auke forsikringssummane seinare viss hen har tilstrekkeleg inntekt, men det vil krevje ei ny helsevurdering.
 

Sjå også

Er barneforsikring nødvendig?
Kva kostar barneforsikring?
Kva er personforsikring?

Ja, mange premature barn kan få barneforsikring. Ved svært låg fødselsvekt kan det imidlertid vere nødvendig å vente til barnet har vokst litt, før vi kan vurdere om barneforsikring kan tilbys.

Ved fødselsvekt mellom 1500 gram og 2000 gram, kan det søkjast om barneforsikring etter barnet har gjennomført eittårskontroll ved helsestasjonen. Barn med lågare fødselsvekt enn 1500 gram må vente til fireårskontrollen er gjennomført før de kan søkje om barneforsikring.

I kva grad det har vore fødselskomplikasjonar eller ved andre forhold knytt til barnets helsetilstand, vil også påverke vurderinga. For barn som ikkje kvalifiserar for barneforsikring, kan vi tilby barneulykkesforsikring.

Barneforsikringane dekker insulinavhengig diabetes mellitus. Diagnosen skal vere stilt av barnelege eller indremedisinar.

Skulle barnet få diabetes, så vil forsikringane gi ein eingongsutbetaling når diagnosen er stilt. Om NAV på bakgrunn av auka pleiebehov innvilgar hjelpestønad, supplerer barneforsikringa stønad med å utbetale utvida støtte. Størrelsen på utbetalinga avheng av stønadssatsen frå NAV, og kan maksimalt kome opp i 10 G.
 

Har barnet fått diabetes?

Ja, båtforsikringa dekker utgifter til redning og slep til næraste trygge hamn, viss båten stoppar eller plutseleg får ein skade som gjer at den ikkje kan køyre eller segle vidare. Du er dekt enten du får hjelp frå redningstenesta (Redningsselskapet) eller ein tilfeldig forbipasserande båt. Dekninga gjeld berre i Norden.

Får du hjelp frå ei redningsskøyte, må du anten betale for dette eller ha eit medlemskap i Redningsselskapet som dekker sjøredning. Viss du må betale sjølv, blir utgiftene refunderte av forsikringsselskapet, minus eigenandelen på 750 kroner.

Blir du redda av ein tilfeldig forbipasserande, dekker forsikringa bergelønn etter gjeldande lovverk, men du må betale eigenandelen. Bergelønn er ei godtgjersle til den som bergar ein båt i nød, og blir fastsett ut frå kor vellykka berginga er. Reglar for bergelønn står i kapittel 16 i sjølova.

Har du kasko eller toppkasko, er du også dekt av feriegaranti. Viss båten får ein skade etter at ferien har starta, dekker forsikringa utgifter til alternativ overnatting.

Sjå også:
Gjeld båtforsikringa viss eg skadar motoren på båten?
Kva er sikkerheitsforskrifter for båt?

Ja, du kan forsikre utan registrering viss verdien på båten eller vannscooteren er under 50.000 kroner. Er den verd meir må den også vere registrert i anten Småbåtregisteret, Securmark eller skipsregisteret Nor for å få kjøpe forsikring.

Vi anbefalar at du registrerar båten din uansett størrelse. Viss nokon finn ein tom uregistrert båt flytande på fjorden, må redningsselskapet starte fullt søk etter sakna personar. Det blir fort veldig ressurskrevjande og kostbart. Er båten registrert i småbåtregisteret, er det enkelt å kontakte deg og unngå store leiteaksjonar. Er du kunde hos oss gir vi deg rabatt både på registreringar i småbåtregisteret og medlemskap i redningsselskapet.

Les også:

Tips og råd til deg som vil kjøpe båt
Kva dekker båtforsikringa?

Ja, vi tilbyr forsikring av seglbåt. Seglbåtforsikringa dekker mellom anna:

• skade på segl og motor
• brot på mast og bom
• skade på skrog og kjøl
• ny seglbåt ved totalskade
• skader under seglbåtregatta

Når du sjekkar pris/kjøper båtforsikring vel du seglbåt på spørsmålet om kva type båt du ønsker å forsikre. Sjekk full oversikt over kva seglbåtforsikringa vår dekker.

Sjå også

Slik gjer du seglbåten smart
Kan eg forsikre uregistrert seglbåt?
Feriegaranti
Motorhavari på seglbåten
Dette bør du tenke på når du skal kjøpe seglbåt

Ja, vi tilbyr ei eiga forsikring av kajakk, kano og andre typar småbåtar. Har du ein kajakk eller kano kan denne blir forsikra med båtforsikring. Både kajakken og kanoen din kan òg vere delvis dekt av innbuforsikringa og reiseforsikringa di, avhengig av kva som har skjedd og kor det har skjedd.

Viss det gjeld ei jolle som er tilknytta ein større båt, kan jolla vera dekt av båtforsikringa til hovudbåten.

Les meir om kva båtforsikringa dekker.

For at du skal sjå kva hundeforsikringa kostar, treng vi litt informasjon om hunden din. Prisen på ei hundeforsikring avheng blant anna av følgjande faktorar:

• kva slags hunderase du har
• kva dekningar du ønsker
  dekning for veterinærbehandling og/eller livsforsikring
  
• om du ønsker å legge til ekstra dekningar
  Kvalpeforsikring og tap av bruksverdi
• kor mykje veterinærdekning du ønsker (30-, 40-, 50- eller 75.000 kr)
• kva eigenandel du vil ha (1.300 kr, 2.000 kr eller 3.500 kr)
• om du har fleire forsikringar hos oss og kan få samlerabatt

Du kan bruke vår hundeforsikring-kalkulator for å få rettleiing og sjekke pris. Det tar mindre enn 2 minutt.
 

For at du skal sjå kva katteforsikringa kostar treng vi litt informasjon om katten din. Prisen på ei katteforsikring avhenger mellom anna av:

• kva slags katt du ønsker å forsikre
• om katten er ID-merka
• kva dekningar du ønsker
  veterinærdekning og/eller livsforsikring
• kva forsikringssum i veterinærdekninga
  (30-, 40-, 50- eller 75.000 kr)
  
• kva eigenandel (1.300 kr, 2.000 kr eller 3.500 kr)
• om du har fleire forsikringar hos oss og får samlerabatt
   

Du kan få rettleiing og sjekke pris med vår katteforsikring-kalkulator. Det tar under 2 min.

Ja, vi tilbyr kvalpeforsikring (avlsforsikring) som en valfri tilleggsdekning i hundeforsikringa vår. Kvalpeforsikring gjelder for kvalpekull, frå kvalpane blir fødd til den dagen dei overleverast kjøpar (maks 3 månader). Kvalpeforsikringa dekker kun veterinærutgifter.

Høgste erstatningssum er 6.000 kroner per kvalp, i tillegg til forsikringssummen på tispa. Forsikringa dekker inntil to kvalpekull i løpet av tispa sitt liv. 

Kvalpeforsikring kan kun kjøpast viss:

• Hunden er forsikra hos oss frå før.
• Tispa er ein avlshund.
• Kvalpan(e) ikkje er født (men tispa kan godt vere drektig).
• Parringa er foreinleg med Norsk Kennel Klubb sine etiske reglar for hundeavl.

Rehabilitering er inkludert i topp hundeforsikring. Denne dekninga inkluderer fysioterapi og kiropraktikk som utfører eller blir rekvirert av veterinær.

Etter kirurgiske inngrep kan det ofte vere behov for etterbehandling og rehabilitering av hunden din. Kontinuerleg oppfølging er viktig for at hunden skal kunne oppnå best mogleg funksjon gitt sine føresetnader. Rehabilitering kan også vere nødvendig for hundar med skader som ikkje kan rettast opp med kirurgi. I slike tilfeller kan rehabilitering og trening gi hunden tilbake funksjonen den mista.

Under fysioterapi og kiropraktikk vil veterinæren bruke teknikkar som kan bidra til å redusere smerte og stivheit, auke bevegelserområdet og forbetre muskelstyrken og balansen. Målet med rehabilitering er å auke hunden sin funksjonsevne og livskvalitet.

Rehabiliteringsprosessen kan variere avhengig av tilstanden til hunden, alder og rehabiliteringsbehov. Det kan ta tid og krev tolmod frå di side for å oppnå ønska resultat. Viss hunden ikkje får rehabilitering, kan det føre til at tilstanden forverrast og kan bli vanskelegare eller umogleg å behandle seinare.

Vi anbefaler toppdekninga (der rehabilitering er inkludert) til deg som ønsker å gi hunden din den beste omsorga, spesielt etter ei kirurgisk prosedyre eller ved ein skade. Med toppdekninga kan du vere trygg på at hunden din vil få den hjelpa den treng for å kunne kome nærast mogleg tilbake til sin normale tilstand.

Til informasjon kan ein uføreforsikring bestå av anten uførepensjon, uførekapital eller ein kombinasjon av begge desse.

Av årleg utbetalt uførepensjon vil 20 % av det utbetalte beløpet vere alminneleg skattepliktig inntekt. Skattesatsen for dette beløpet er p.t. [22] Det vil seie at du må betale ca. 4,4 % skatt av heile beløpet du mottar i uførepensjon.

Utbetaling av uførekapital er skattefritt.

*tal for 2024. For personar busett i Troms og Finnmark er skattesatsen 18,5 %.

Sjå også

Skatt på forsikring betalt av arbeidsgivar

Uførekapital er den eine av to typar uføreforsikringar. Uførekapital utbetalast som ein eingongssum ved varig uføre, og forskotteringa betyr at du får månadleg forskot på denne eingongsutbetalinga i inntil 5 år.

Utbetalinga av uførekapital med forskottering startar etter 12 månader med minst 50 % sjukemelding – kor 1 % av denne forsikringssummen vil bli utbetalt kvar månad. Det som eventuelt er igjen av forsikringssummen utbetalast når ​du vurderast som minst 50 % varig ufør.​

Når du kjøper uførekapital med forskottering, blir du anbefalt ein forsikringssum basert på inntekta og gjelda di.

Uførekapital med forskottering er eit rimeligare alternativ til uførepensjon.

Sjå også

Kva er kapitalforsikring?
Kva er sjukeforsikring?
Treng eg uføreforsikring?

Du må kontakte oss i banken for å endre forfallsdatoen på fakturaen du får frå Fremtind Forsikring. Har du både personforsikringar og skadeforsikringar hos oss, får du også to forskjellige fakturaer, med to forfallsdatoer.

For å sjå forfallsdatoen du har i dag, kan du logge inn i mobilbanken/nettbanken eller til «mine forsikringar».
 

Sjå også:

Kva betalingsfrekvensar tilbyr dykk for forsikringane?
Kvifor mottar eg faktura med overlappande datoar?

Ja, du har ubetinga angrerett på både skadeforsikringar og på personforsikringar. Angrefristen er 14 dagar for skadeforsikringar og 30 dagar for personforsikringar.

Du kan bruke angreretten innan angrefristen (14/30 dagar) frå avtalen er inngått og du har motteke alle opplysningar som angrerettlova krev. Du treng ikkje oppgi nokon grunn for at du bruker angreretten.
 

Postadressa og e-postadressa for innsending står oppført i skjemaet.

Viss eg ikkje bruker angreretten?
Viss du ikkje bruker angreretten, vil avtalen vere bindande slik den blei inngått. For ein del forsikringar vil du likevel kunne avslutte forsikringa når som helst, uavhengig av angrerettloven. Det er regulert i finansavtalelova og forsikringsavtalelova.

Forbrukarrådet kan gi rettleiing om angrerett, tlf. 23 400 500.
 

Har du betalt meir enn halvparten av reisekostnadene med kredittkortet, kan du nytte reiseforsikringa i kortet viss eit uhell skulle oppstå. Her finn du kontaktinformasjon:

Akutt sjukdom eller ulykke

• Telefon: (+47) 24 24 07 41
• trygalarm@tryg.no

Mindre hendingar

• Meld skade her
• Telefon: (+47) 55 17 19 46

NB: Har du heilårs reiseforsikring hos oss? Meld skade på heilårs reiseforsikring her.

Bygningar som er freda eller verneverdige kan forsikre på vanleg måte. For å kunne kjøpe fullverdiforsikring på huset må bygningen vere i god stand, utan større feil og manglar. Dersom huset er i dårlegare stand kan det forsikrast med førsterisiko-forsikring.

Antikvariske meirkostnadar
​Dersom du får ein skade på eit freda eller verna hus, vil Fremtind erstatte skaden etter normal reparasjon. Dersom Riksantikvaren kjem med pålegg om spesielle utbetringar, så er reglane slik at Riksantikvaren sjølv dekker denne kostnaden. Viss du på eige initiativ ønsker å tilbakeføre til antikvarisk stil, må du betale for dette sjølv.

Ved ein totalskade vil Riksantikvaren sjå på bygningen som tapt, og vil ikkje kome med krav i samband med gjenoppbygning. Då vil bygningen bli gjenoppført med dagens byggeskikk, utan dekning for antikvariske meirutgifter. Kommunane kan kome med pålegg (offentleg påbod) om korleis utsjånad/form på bygget skal vere. Dette er dekt av forsikringa, og arbeidet vil bli utført etter gjeldande tekniske krav til nybygg.

Døme:
Eit hus brenn ned i eit verna område og kommunen vil at det skal gjenbyggast i ein stil som ikkje bryt med den eksisterande bebygginga. Slike krav vil ofte auke kostnaden med gjenoppføringa og vil vere dekt av forsikringa (offentleg påbod).

Les også:

Kva er vedlikeholdsansvar?
Kva dekker husforsikringa?
Kva er villaforsikring?
Kva gjer eg ved storm?
Flytte forsikringa di til oss?

Kan eg avskilte bilen utan å levere skilt?
Ja, det er ikkje lenger eit krav om at skilta på avregistrerte køyretøy skal leverast inn til ein trafikkstasjon, ved midlertidig avregistrering av køyretøy. Du kan sjølv midlertidig avregistrere køyretøyet på vegvesen.no når du sjølv ønsker. Det vil framleis vere mogleg å møte fysisk med skilta på ein trafikkstasjon dersom du ønsker det.

Og prisen for dette? Helt gratis!

Kva med forsikringa?
Når du avregistrerer/avskiltar bilen midlertidig, går forsikringa di automatisk over på ei lagringsforsikring. Då er bilen din berre forsikra for lagring, og du kan ikkje køyre bilen.

Køyre avregistrert bil
Har du avregistrert bilen har du lagringsforsikring, men ikkje den lovpålagte ansvarsforsikringa. Køyrar du rundt med lagringsforsikring, køyrer du utan forsikring. Blir du stoppa medan du køyrer utan ansvarsforsikring er bota høg, men det verste er viss du blir skuldig i ei ulykke med personskadar. I tillegg til den vonde kjensla av å ha skada nokon for livet, kan erstatningsbeløpet fort komme opp i millionklassen. Vi anbefaler deg difor å ta av skilta så du unngår at nokon brukar køyretøyet ditt når det er avregistrert.

Om du treng å køyre/flytte bilen medan den er avregistrert må du bestille prøveskilt/dagsforsikring hos Statens vegvesen. Du treng ikkje eige ansvarsforsikring når du køyrer med prøveskilt då dagsforsikringa inkluderer dette, og blir dekt av Statens vegvesen viss noko skulle skje. Du kan bruke prøveskilt ved:

• prøvekøyring, for eksempel i samband med kjøp og sal
• flytting av køyretøy frå ein stad til ein annan
• prøving av køyretøy i samband med reparasjon eller anna
• køyring i samband med fortolling, godkjenning og registrering
   

Korleis registrerer eg ein avregistrert bil?
For å kunne registrere ein avregistrert bil må du fyrst ha ei bilforsikring. Om du alt har ei lagringsforsikring på bilen din, kan du logge inn på forsikringa for den bilen det gjeld og velje «Gjenoppta "dekning"».

Deretter kan du påregistrere køyretøyet ditt igjen hos Statens vegvesen.
 

Sjå også

Kondemnert bil?
Kva slags forsikring er påbode på motorkøyretøy?
Må eg forsikre bilen før omregistrering?
Avskiltingskrav?
Kva er regress?

Prisen på hytteforsikring kan koste alt frå nokre hundrelappar i året, til mange tusen. Prisen blir berekna blant anna ut ifrå kor stor hytta er, kor den ligg, når den blei bygd og om det er innlagt vatn og straum. Prisen blir også påverka av kva eigenandel du vel, samt tilleggsdekningar. I tillegg kjem samlarabatten.

Har du adressa (eller gårds- og bruksnummeret), kan du berekne pris på hytteforsikringa her og no.

Hugs forsikring på hytta
Husk at innbuforsikringa du har heime ikkje dekker innbuet i hytta. Har du hytte må du også ha ei eiga innbuforsikring på hytta. Dette kan du anten kjøpe saman med hytteforsikringa, eller som ei eiga forsikring dersom du alt har hytteforsikring.

Bygge hytte?
Er hytta under oppføring anbefaler vi ein byggeforsikring som blant anna dekker skadar og tjuveri under oppføringstida. Les meir om byggeforsikring
 

Ja, innbuforsikringa kan dekke låsbytte viss du har mista husnøklane dine eller dei har blitt stole, avhengig av situasjonen.

Forsikringa kan dekke kostnader til skifte av huslås viss det er sannsynleg at ein tjuv eller finnaren av nøklane kan identifisere kvar husnøklane høyrer heime. Skifte av felleslåsar i burettslag eller sameige er ikkje dekt av innbuforsikringa. Kopiering av nøklar blir heller ikkje erstatta, då nøkkelfiling både er ei rimeleg og tilgjengeleg teneste.

Det er ingen eiganendel ved bruk av innbuforsikringa til låsbytte ved tap av nøklar.
 

Har du blitt fråstole eller mista husnøklane?

Sjå også:

Har eg nøkkelforsikring for bilnøklane?
Dekker innbuforsikringa andre ting eg mistar?
Er nøkkelboks godkjent av forsikringa?

For å endre adressa på innbuforsikringa di, kan du logge inn i mine forsikringar, mobilbanken eller nettbanken og velje "Innbuforsikring" under "Mine forsikringar". Der vil du finne linken til "Endre adresse". Dersom innbuforsikringa di nærmar seg hovudforfall, vil det ikkje vere mogleg å endre denne sjølv. Då må du ta kontakt med oss, så hjelper vi deg vidare.

Vi anbefalar at du ventar med å endre adressa til etter du har flytta til ny bustad og meldt dette til folkeregisteret. I flytteperioden dekkjer innbuforsikringane både ny og gamal adresse.

Har du LOfavør Innbuforsikring slepp du å endre adresse. Denne følgjer din folkeregistrerte adresse.

Treng du hjelp er det berre å ta kontakt med oss. Du kan både ringe oss, chatte, skrive til oss eller avtale eit møte med ein forsikringsrådgjevar i banken.
 

Har du innbuforsikring hos eit anna forsikringsselskap?

Innbuforsikring dekker tjuveri av robotgrasklippar frå privat uteareal med inntil 100.000 kroner. Dette gjeld også ved tjuveri av vanlege grasklipparar, utemøblar, parasoll, putekasse, grill, bålpanne, varmelampe, snøfresar, blomsterpotter, lykter og andre ting du naturleg har ståande i utearealet.

Eigenandelen er den du valde då du kjøpte innboforsikringa. Er du usikker kan du logge inn til «mine forsikringar» og sjå din eigenandel.
 

Sjå også:

Kva er eigenandelen på innbuforsikring?
Gjeld innbuforsikring også på hytta?
Dekker innbuforsikringa ting i garasjen?
Dekker innbuforsikringa sykkel?

Alle typar rullestolar både med og utan elektrisk motor er dekka av innbuforsikringa. Når det gjeld elektriske rullestolar følger vi myndigheitene sine definisjonar og krav til elektriske rullestolar. Kravet er at dei kan vege inntil 250 kg og køyre i ei hastigheit på maks 15 km/t. 

Viss du har motteke rullestol frå NAV (hjelpemiddelsentralen) er det NAV som eig rullestolen. Det vil sei at skadar på, eller tjuveri av rullestolen vil NAV reparere, eller erstatte med ny rullestol. Viss det er inngått ein skriftleg kontrakt der du tar på deg forsikringsplikta av rullestolen vil den vere dekka av innbuforsikringa.

Viss du sjølv eig ein elektrisk rullestol må den vere innanfor myndigheitene sine krav til blant anna fart og vekt for at den skal vere dekka av forsikringa. Innbuforsikringa dekker då rullestolen på lik linje med anna innbu, i samsvar med vilkåra. 
 

Ja, vi tilbyr ei eiga verdisakforsikring for kamera med tilhøyrande kamerautstyr.

Kameraet ditt er alt dekka av både innbu- og reiseforsikring ved mange typar skader og hendingar. Men har du eit ekstra dyrt kamera med utstyr kan dekningane vere avgrensa og mange er ikkje godt nok forsikra.

Fotoutstyr er gjerne både dyrt og sårbart. Det kan bli skada ved uhell, eller bli borte ved tjuveri eller at du gløymer det igjen. Slike hendingar er som regel ikkje dekka godt nok av ein innbuforsikring åleine.

Viss du har eit kostbart kamera med utstyr du ofte bruker utanfor bustaden, anbefaler vi deg å kjøpe ei eia kameraforsikring (verdisakforsikring). Den gjeld over heile verda, dekker mange fleire hendingar og skader, har høgare forsikringssum, og har mykje lågare eigenandel enn innbuforsikring. 

Les meir om verdisakforsikring, og samanlikn den med dekninga i reise- og innbuforsikring.

Sjå også:

Dekker innbuforsikring brillene mine?
Dekker innbuforsikring ting eg mistar?
Dekker innbuforsikring bunaden?
Dekker innbuforsikring høyrselapparat?

Ja, høyreapparat er dekka av innbuforsikringa ved mange typar skader og hendingar. Men når du bruker det utanfor heimen, kan dekninga vere avgrensa og mange er ikkje godt nok forsikra.

Høyreapparat er både små og dyre, og dei kan lett mistast eller bli gløymt igjen. Ei innbuforsikring åleine dekker ikkje ting som blir mista eller gløymt att.

Viss du har eit kostbart høyreapparat du ofte bruker utanfor bustaden, anbefaler vi deg å kjøpe ei eiga høyreapparatforsikring (verdisakforsikring). Denne forsikringa gjeld uansett kvar du er i verda og for nesten alt som skulle skje, inkludert høyreapparat som blir mista eller gløymt att. I tillegg er eigenandelen mykje lågare enn for innbuforsikringa.

Les meir om høyreapparatforsikring og samanlikn dekningane for verdisak-, reise- og innbuforsikringane.

Sjå også:

Dekker innbuforsikringa brillene mine?
Dekker innbuforsikringa ting eg mistar?
Dekker innbuforsikringa bunaden?
Dekker innbuforsikringa kamera og utstyr?

Ja, nøkkelboks kan brukast, men den må vere riktig montert og oppfylle krava. Viss nokon bryt opp boksen og brukar nøkkelen til eksempelvis innbrot i huset eller tjuveri av bilen, kan du få redusert erstatninga viss sikkerheitskrava ikkje er fylgde.

For å unngå avkorting skal nøkkelboksen vere:

• festa godt til ein solid vegg
• ein FG-godkjent modell
• plassert eit stad som ikkje er lett synleg
• lukka utan at koden står innstilt

I tillegg bør du nullstille og byte kode jamleg, særleg når nokon ikkje lenger skal ha tilgang. Dette gjeld òg for elektroniske dørlåser med kode.

Feil montering eller slurv med koden er vanlege årsaker til redusert erstatning. Vil du vere ekstra trygg, kan du kombinere nøkkelboks med alarm, kamera eller vurdere smart dørlås som alternativ.
 

Sjå også:

Dekker forsikringa mista husnøkkel?
Eg har mista bilnøkkelen. Kva gjer eg?
Kva gjer eg ved innbrot i bilen?

Ja, det kan du! Ta kontakt med oss for å bli kunde basert på d-nummer. Deretter kan du kjøpe både bilforsikring og andre skadeforsikringar. 

I utgangspunktet kan du ikkje det. Men det finst nokre unntak der du kan forsikre ein bil som står registrert på ein annan person enn bileigar (hovedeigar). Forsikring må stå på bileigar, med mindre: 

• Bilen er registrert på din ektefelle, sambuar eller partner.
• Bilen er ein leasingbil.
• Bilen er ein trygdebil eigd av ein mindreårig.
  

Sjå også:

Korleis velje bilforsikring på første bil?
Korleis få billegare bilforsikring?
Bilforsikring og bonus

Ein bil blir sett på som ein veteran når bilen er 30 år gammal. Dette gjeld frå og med 1. januar det året køyretøyet først blei registrert i Norge, eller produksjonsdato dersom den er importert. Det er Toll- og avgiftsdirektoratet som bestemmer definisjonen på veteranbilar, mens Statens vegvesen bestemmer den tekniske klassifiseringa for veteranbilar (teknisk gruppe: M1, M2, O1 osv.).

Viss du brukar veteranbilen din som om det skulle vore ein vanleg bil, kan du forsikre den også forsikre den med vanleg bilforsikring.

Reglar for veteranbil
Det er særskilde reglar du må følgje viss bilen din er ein veteranbil og du ønsker å forsikre den med veteranbilforsikring:

• Bilen kan berre brukast til hobbykøyring.
• Bilen kan maksimalt køyre 6.000 km i året.

Det er ei myte at alle veteranbilar slepp EU-godkjenning. Fram til 2016 gjaldt fritaket for EU-godkjenning bilar registrert før 01.01.1960. Men i 2016 vart dette endra til kun å gjelde bevaringsverdige veteranbilar over 50 år.

Avregistrere veteranbil
Viss du avregistrerer veteranbilen i vinterhalvåret, vil du automatisk gå over på ei lagringsforsikring slik at du framleis er dekt mot blant anna brann og tjuveri når køyretøyet står lagra.

Når du låner vekk bilen, fungerer forsikringa på same måte som den gjer no. Bilforsikringa er knytt til bilen og ikkje føraren. Det betyr at du som eig bilen og forsikringa som må betale eigenandelen (og eventuelt må ta bonustapet) viss det skjer ein skade med bilen din. Det kan derfor vere lurt å informere om dette til den som låner bilen din. 

Skru av/på førar under 23 år
Når du låner vekk bilen til nokon som er under 23 år så må dette stå i forsikringsavtalen din. Det er større sjanse for at det skjer eit uhell når førar er under 23 år, og det vil påverke prisen på forsikringen. Forsikringa kan bli avkorta viss ikkje dette står i avtalen og det skjer ein skade.

Du kan enkelt endre dette sjølv, ved å logge inn til «mine forsikringar», velje bilforsikringa og «endre forsikringa». Greitt å vite; når du gir løyve til førarar under 23 år, vil dette gjelde i minst 3 månader før du kan endre tilbake igjen.
 

Eg er usikker på kva som står i bilforsikringa mi?

For å finne ut kva forsikringar du har må du ta kontakt med forsikringsselskapet du har forsikring hos. Har du forsikringa din hos oss kan du logge inn til «mine forsikringar», og sjå kva forsikringar du har hos oss.

Der vil du også finne ut kva type dekning du har. For eksempel viss du har bilforsikring og lurer på om du har ansvar, delkasko, kasko eller toppkasko.

Eg veit ikkje kva forsikringsselskap
Veit du ikkje kva forsikringsselskap du har, kan vi anbefale deg å sjekke utbetalingane på kontoane dine og sjå etter forsikringsselskap der. Hugs at du kan ha fleire forskjellege forsikringar i ulike selskap. Det kan lønne seg å flytte alle forsikringane til same forsikringsselskap, så du får samlarabatt og betre oversikt. 

Du kan også ha forsikringar gjennom jobb og fagforeining/fagforbund. Sjekk med arbeidsgjevaren din kva personalforsikringar dei tilbyr sine tilsette. Er du medlem av ei fagforeining kan du som regel logge inn til deira "mi side" og sjå der kva du har. Er du medlem i eit LO-forbund kan du logge inn til LOfavør «mine forsikringar».

Sjå også

Forsikring gjennom jobben?
Er bilen forsikra? Kor?:

Ifølge forsikringsavtalelova må du melde eit krav om erstatning til forsikringsselskapet innan eitt år etter at du fekk vite om dei tinga som er årsaka til kravet. Viss du ikkje sender inn kravet innan fristen, mistar du vanlegvis retten til å få erstatning.

Ved bruk av bustadseljarforsikringa er klagefristen både kortare og lengre. Du skal klage innan 2-3 månader etter du oppdaga feilen/mangelen, men du kan klage i inntil 5 år etter du overtok bustaden. Les meir om fristane ved klage på bustadkjøp.
 

Sjå også:

Kven skal melde skade?
Kor melder eg skade?
Kor får eg skademeldingsskjema for bil?

Ja, vi tilbyr bilforsikring for alle typar Tesla. Du kan velje mellom ansvar, delkasko, kasko og toppkasko. Med elbilforsikring slepp du å bekymre deg viss det skulle skje noko med Teslaen din.

Vel du toppforsikringa vår til Teslaen din får du mellom anna dekning for:

• heilt ny Tesla ved totalskade på inntil 3 år gammal Tesla
• tjuveri av ladekabelen
• veghjelp viss du går tom for straum

Utvidar du med tilleggsdekning for maskinskade får du også dekning for havari på grunn av batteriet eller elmotoren inntil bilen din er 10 år.

Les meir om kva elbilforsikringa vår dekkar.

Anten du har ein Tesla model Y, model S, model X, model 3 osv. kan du raskt og enkelt sjekke pris på elbilforsikring før du bestemmer deg for å kjøpe. Viss du berre vil sjekke pris, kan du avbryte undervegs. Tilbodet blir liggande i 30 dagar, og du kan logge inn igjen til «mine forsikringar» og fullføre kjøpet når det passar.

Sjå også

Korleis få billegare forsikring på Teslaen min?
Kva bilforsikring er billegast?
Er eg dekka viss Teslaen min får motorhavari?
Kva viss eg treng veghjelp til Teslaen min?
 

Sikkerheitsforskriftene for bil er eit sett reglar du må overhalde for å ha krav på full erstatning ved bruk av bilforsikring. Sikkerheitsforskriftene skal førebyggje faren for eller avgrense omfanget av skadar. Om du ikkje overheld, eller passar på at dei blir overhalde, kan du få avkorting på forsikringa dersom det skulle skje noko. Sikkerheitsforskrifta vil du også finne i forsikringsavtalen di. 

Tjuverisikring

• Når køyretøyet blir forlate skal det vere lukka og låst.
• Når køyretøyet blir forlate, skal gjenstandar oppbevarast i eit separat, låst bagasjerom eller tilsvande rom utan innsyn.
• Delar av køyretøyet som midlertidig er avmontert, skal vere låst inne.
• Ekstra dekk og felgar skal vere innelåst. I fellesgarasje skal ekstra dekk og felgar vere fastlåst til bygning.
• Fastmontert utstyr skal vere montert slik at det ikkje kan fjernast utan bruk av verktøy eller nøkkel.
• Skiboks, sykkel- eller skistativ skal vere fastmontert og låst.
  

Nøklar

• Når bilen vert forlate skal nøklar oppbevarast adskilt frå denne og på ein slik måte at dei ikkje kan bli nytta av uvedkomande.
• Eigar/rettmessig brukar skal ha tilsyn med nøklar som ikkje er i bruk eller sørgje for at desse er innelåst i bygning.
• Bil med elektronisk startsperre skal utan unødig opphald få denne omprogrammert dersom nøklar er komne på avvege.

Sikring av førar og passasjer

• Førar og passasjer skal bruke sikkerheitsbelte og annan påboden sikring.
• Bilen skal vere utstyrt med minst ein godkjent refleksvest, lett tilgjengeleg frå førarplassen.

Førarkort/førarrett

• Føraren av bilen skal ha gyldig førarkort/førarrett for bil. 
• Elev og følge skal oppfylle gjeldande føreskrifter om øvelseskøyring. 

Utrustning, overbelastning, vedlikehald og reparasjonar
Bilen skal vere utrusta slik at det er i trafikksikker stand og skal ikkje overbelastast.

• Bilen skal vedlikehaldast etter fabrikanten/leverandøren sine tilrådingar og etter gjeldande føreskrifter i lov/forskrift*.
• Serviceintervall skal overhaldast. Dersom dokumentasjon for vedlikehald ikkje kan fremskaffast, blir sikkerheitsforskrifta ansett som overtrådd.
• Bilen sitt kjølesystem skal vere påfylt tilstrekkeleg frostvæske/kjølevæske. 
• Reparasjonar skal utførast av godkjent verkstad.

Bruk

• Last skal sikrast forsvarleg slik at den ikkje kan forskyve seg, falle av eller rase ut.

Spesielt for bubil

• Bubilen/tilbygget skal vere tilstrekkelig oppvarma for å unngå frostskadar.
• Bubilen skal ha gjennomført og bestått årleg fuktkontroll, med ein godkjent fuktrapport. Ved påvist fukt må nødvendige tiltak utførast omgåande.
  

Utgifter til rettsbehandling
Sikra skal ved eventuell dekning av utgifter til sakkyndige som ikkje er oppnemnt av retten innhente førehandsgodkjenning av forsikringsselskapet.

Saksomkostningar ved forlik
Sikra skal ved eventuell inngåing av avtale om saksomkostningar ved forlik innhente førehandsgodkjenning av forsikringsselskapet.

*Lov og forskrift som det visast til i sikkerheitsforskriftene, kan du få ved å kontakte oss.

Last ned som PDF:

Det er ikkje tillatt å lade elbilen regelmessig i vanleg stikkontakt. Ladaren som følger med bilen med vanleg stikkontakt (Schuko) er meint for nødlading. Det er altså ulovleg å lade elbilen i vanleg stikkontakt med mindre:

• Det er nødlading.
• Du installerte fast ladepunkt eller industrikontakt før 1. januar 2023, som følgde krava frå DSB.

Det nye regelverket som blei innført 1. januar 2023 kallast for NEK 400. Regelverket går ut på at det krevast ladeboks med type 2-kontakt ved nyinstallasjon for fast lading av elbil. Reglane gjeld både heime, på hytta og på jobb, for både el- og hybridbilar.

Ved nødlading er det viktig å passe på følgande:

• Kontakten må vere på eigen kurs (utan andre ting kopla til same kurs).
• Kursen må vere på minst 10 ampere.
• Unngå bruk av skjøyteleidning, spesielt kabeltrommel der leidningen ligg tett. 
• Stopp ladinga viss sikringa går.
• Vere til stades og våken under ladinga.

Avkorting på forsikringa
Dersom du ladar elbilen din heime med vanleg stikkontakt utan å følge krava frå DSB (Direktoratet for samfunnssikkerheit og beredskap), kan du få avkorting på forsikringa dersom det oppstår brann. 

Det kan også vere greitt å vite at vanlege stikkontaktar ikkje er designa for å handtere den høge effekten lading av elbil krev. Elbilar trekk mykje straum kontinuerleg og over lengre tid, noko som kan overbelaste leidningsnettet til stikkontakta. Dersom leidningsnettet er gamalt eller ikkje dimensjonert for å takle den høge belastninga, kan det oppstå varmgang og i verste fall føre til brann. Det kan vere greitt å vere klar over at ein brann som regel vil starte inne i huset der sikringsskapet er, og ikkje i sjølve bilen eller ladaren.
 

Sjå også:

Dekker bilforsikringa ladekabelen?
Kva dekker elbilforsikringa?
Kva kostar forsikring på elbil?

For å finne ut om ein bil er forsikra kan du logge inn med BankID hos Trafikkforsikringsforeningen. Der kan du søkje på registreringsnummer for å finne ut om bilen er forsikra (uavhengig av forsikringsselskap).

Kvar er bilen forsikra?
Viss du ikkje veit kvar ein bil er forsikra kan du logge inn med BankID hos Trafikkforsikringsforeningen. Der kan du sjekke kva forsikringsselskap som har forsikra bilen.

Sjå også:

Toppkasko bubilforsikring dekker alle typar uforutsette fuktskader som følge av fukt i tak, veggar og golv for opptil 15 år gammal bubil. Du må ha godkjent årleg fuktkontroll frå ein caravanforhandlar autorisert av Norges Caravanbransjeforbund.

Sjå også:

Dekkast fuktskader i campingvogna?
Dekkast museskader i bubilen?

Viss bilnøkkelen er stolen eller du ikkje finn den (og ikkje har ein reserve-bilnøkkel) må du kontakte bilforhandlaren din og bestille ein ny bilnøkkel. Har du ein eldre bil utan avansert nøkkelteknologi, kan du også kontakte låsesmed. Hugs å ha identifikasjon og eigarskapsbevis for bilen din tilgjengeleg.
 

Kva dekker nøkkelforsikringa i bilforsikringa mi?
Vi dekker ny bilnøkkel, programmering og omkoding hos autorisert verkstad/låsesmed, for følgjande typar bilforsikring.

Fremtind kan hjelpe deg raskare dersom du finn ut kva det kostar for ny nøkkel før du melder inn skade.
 

Sjå også:

Kva gjer eg dersom eg treng veghjelp?
Gjeld bilforsikring for dei under 23 år?
Kvar finn eg informasjon om bilforsikringa mi?
Dekker forsikringa mista husnøkkel?
Er nøkkelboks godkjent av forsikring?

Ja, bilforsikringa kan dekke rens og vask av interiør viss du søler i bilen, men du må minimum ha kasko. Det kan for eksempel vere viss nokon søler mat eller drikke, viss hunden din tisser i sete, eller viss eit malingsspann velter under transport.

Du betaler eigenandelen du valde då du kjøpte forsikring. Har du toppkasko, er eigenandelen ekstra låg.

Sjå også:

Eg har mista bilnøkkelen. Kva gjer eg?
Dekker bilforsikringa ladekabelen til bilen?
Dekker bilforsikringa skadedyr?
Dekker bobilforsikringa fuktskader?

Ja, ladekabelen kan dekkast av bilforsikring, men du må minimum ha delkasko. Då er du dekka for ny ladekabel (inntil 10.000 kroner), viss den blir stolen eller øydelagt ved hærverk eller forsøk på tjuveri. Det kan for eksempel vere viss kabelen blir teken frå bilen medan den står og ladar, eller viss den blir øydelagt viss tjuver prøver å stjele den.

Du betaler eigenandel for tjuveri og hærverk. Har du toppkasko, er eigenandelen ekstra låg.

Sjå også:

Eg har mista bilnøkkelen. Kva gjer eg?
Dekker bilforsikring rens og vask av interiør?
Dekker bilforsikring skadedyr?
Dekker bobilforsikring fuktskader?

Reiseforsikringa gjeld i England og resten av Storbritannia som for alle andre stader i verda, så lenge det ikkje er utskrive reiseråd frå UD. Vi anbefaler at du set deg godt inn i lokale bestemmelsar i Storbritannia. Dette gjeld spesielt dei nye reglane om elektronisk reiseløyve (ETA) før reise:

• Nordmenn må (frå 2.april 2025) ha med ein ETA for å besøke Storbritannia
• Søknaden finn du på GOV.UK og den kostar 10 pund
• Søknaden må sendast minst tre arbeidsdagar før avreise
• Søknaden er gyldig i to år
• Pass må vere gyldig under heile opphaldet
• ETA er berre eit digitalt løyve til å reise og er ikkje eit visum

Reiseforsikringa dekker ikkje avbestilling av reisa som følge av at du ikkje får innvilga ETA. Det er derfor viktig at du søker i god tid før avreise.

Hugs Europeisk helsetrygdkort
Frå 2024 kom ein ny trygdeavtale på plass mellom Storbritannia og Norge. Viss du reiser som turist til Storbritannia, kan du igjen nytte Europeisk helsetrygdkort der.

Reise-SMS
Har du heilårs reiseforsikring hos oss, vil du automatisk få ein reise-SMS når du kjem til Storbritannia. I denne SMS-en står det kva du skal gjere og kven du skal ringe viss det skjer noko med deg eller reisefølge.  

Sikkerheitsforskriftene for reise er eit sett reglar du må overhalde for å ha krav på full erstatning ved bruk av reiseforsikringa. Sikkerhetsforskriftene skal førebygge faren for eller avgrense omfanget av skader. Om du ikkje overheld, eller påser at dei blir overhaldt, kan du få avkorting på forsikringane dersom det skulle skje noko. Sikkerheitsforskrifta vil du også finne i forsikringsavtalen din. 

Tilsyn

• Gjenstandar må haldast auge med og ikkje gløymast.
  

Innhenting av fastsett reiserute

• Det må bereknast minst 2 timar til neste transportetappe for å unngå å kome for seint.
• Ved kjøp av billettar ved innhenting og forseinking må du først ta kontakt med forsikringsselskapet for godkjenning.
  

Innsjekka bagasje
Følgande skal ikkje sendast i innsjekka bagasje:

• Verdigjenstandar som for eksempel pengar, smykke, klokker, elektronisk utstyr med tilbehør som datamaskin, mobiltelefon og kamera.
• Flasker, skjøre gjenstandar eller andre varer som lett kan øydeleggast.
• Reseptbelagte medisinar.
• Musikkinstrument.
  

Tjuverisikring

• Gjenstandar må vere forsvarleg sikra mot tjuveri. Dører, vindauge og andre opningar skal vere lukka og låst. Nøklar skal oppbevarast utilgjengeleg for uvedkomande.
• Verdigjenstandar som ikkje er i bruk, skal oppbevarast under lås. I køyretøy/campingvogn skal dei oppbevarast i lukka hanskerom, i separat, låst bagasjerom eller tilsvarande låst rom utan innsynsmoglegheit. Døme på verdigjenstandar er pengar, smykke, klokker, elektronisk utstyr med tilbehør som datamaskin, mobiltelefon og kamera.
• Pengar, smykke og klokke må du ha på deg eller låse inn i ein fastmontert safe eller oppbevaringsboks i bygning. Nøkkel/kode til safe skal oppbevarast forsvarleg.
• Syklar og sykkeltilhengarar skal vere låst når dei ikkje er i bruk.
  

Mobiltelefon og nettbrett

• Mobiltelefon og nettbrett må ha påmontert skjermbeskyttar for å redusere skader for knust/øydelagd skjerm.

Oppbevaring om natta

• Gjenstandar skal ikkje forlatast i køyretøy, campingvogn, båt eller telt om natta, det vil seie frå kl 00:00 til 06:00.
  

Emballering/pakking

• Gjenstandar må vere tilstrekkeleg pakka inn så dei toler transport.
• Elektronisk utstyr som medbringast i båt, kano og kajakk skal pakkast i vanntett emballasje.
• Transportøren sine føresegner må førast når reisegods sendast.
  

Reisesjuke/heimtransport/ulykke

• Ved sjukdom eller skade må forsikringsselskapet eller SOS International AS kontaktast så raskt som mogleg.
• Så raskt som mogleg søke lege og følge instruksen til legen om behandling.
• Sjukehusopphald, sjukdomsopphald som følge av sengeleie etter legen sin instruks, heimtransport, ledsaging og tilkalling av familie skal godkjennast av forsikringsselskapet på førehand.
• Sørge for skriftleg stadfesting frå behandlande lege på staden ved eventuell avbroten reise, heimtransport eller behov for følge.

Sjukdom med behandlingsbehov
Du må ikkje reise når det før avreise ligg føre sjukdom med eit behandlingsbehov og dette er kjent for deg. Det same gjeld dersom det ligg føre sjukdom og komplikasjonar/forverring vil kunne oppstå.

Avbestilling
Du må avbestille reise og opphald så snart du veit at reisa ikkje kan gjennomførast. Du må framlegge legeattest som bekrefter at lege fysisk er oppsøkt før reisa, og der lege bekreftar at avbestillinga skuldast uventa akutt og behandlingskrevande sjukdom/ulukkestilfelle.

Medisinsk førehandsgodkjenning
Er du under behandling for sjukdom/liding må du før avreise kontakte SOS for ei vurdering om det er forsvarleg å foreta reisa, og at det er lite sannsynleg for at komplikasjon/forverring vil oppstå under reisa.

Reiseråd frå Det norske Utanriksdepartementet
Reiseforsikringa gjeld for alle land og område der det ikkje er utstedt reiseråd frå Utanriksdepartementet. Forsikringa er ikkje gyldig for reiser som er bestilt medan det førelåg reiseråd. Ved strengt nødvendig fritidsreise, må du før avreise kontakte oss for ei vurdering og eventuelt godkjenning for at reiseforsikringa er gyldig for den aktuelle reisa. Det er di plikt å overhalde reiseråd og avgrense omfanget av skade.

Last ned som PDF:

Du må ikkje ha med deg europeisk helsetrygdkort på reise, men det er anbefalt viss du skal reise og opphalde deg i eit EØS-land, Sveits eller Storbritannia. Europeisk helsetrygdkort gjer det lettare for deg å dokumentere at du har rett til dekning av nødvendig helsehjelp på same vilkår som du har her i Norge. 

Korta er gratis og alle i familien bør ha kvart sitt helsetrygdkort.

Kva med reiseforsikring/"helseforsikring" for utlendingar i Norge?
Utlendingar som besøker Norge og som ikkje er dekt av Norske Folketrygd, kan kjøpe spesialforsikring, gjerne kalla "incoming-forsikring". Vi tilbyr dessverre ikkje dette.
 

Sjå også:

Kor finn eg reiseforsikringsbeviset mitt?
Må eg ha reiseforsikring til USA?
Må eg ha reiseforsikring til Tyrkia?
Må eg ha reiseforsikring til Thailand?

Ja, om du kun ønsker eingongs reiseforsikring (enkeltreiseforsikring) har du reiseforsikring inkludert når du betaler reisa di med ditt MasterCard. Enten du skal på dagstur (med fly), ei veke til syden eller på lengre opphald (inntil 90 dagar) så er ei midlertidig reiseforsikring i Mastercardet ei rimeleg reiseforsikring. 

Skal du opphalde deg lengre enn 90 dagar, må du kjøpe ei heilårs reiseforsikring og velje varighet opp til 120 eller 180 dagar. Med denne reiseforsikringa har du også moglegheit til å kjøpe utvida reisevarighet per veke for enkeltreiser.

Ja, vi tilbyr reiseforsikring til dei fleste provinsane i Thailand. Reiseforsikringa gjeld for alle land og område kor det ikkje er utstedt reiseråd frå Utenriksdepartementet. Det kan vere reiseråd til enkelte provinsar i Thailand. 

Skal du reise til Thailand bør du vere spesielt oppmerksam på risikoen for trafikkulykker og småtjuveri. Du bør også sette deg godt inn i reiseråda og dei lokale reglane før du bestiller reisa. Det er viktig å hugse at det Europeiske helstrygdkortet ditt ikkje gjeld i Thailand, så reiseforsikring er ekstra viktig.

Reise-SMS
Har du heilårs reiseforsikring hos oss får du automatisk ein reise-SMS når du kjem Thailand. I denne SMSen står det kva du skal gjere og kven du skal ringe viss det skjer noko.

Om du treng reiseforsikring til ein provins i Thailand med reiseråd må dette godkjennast som ei strengt nødvendig reise for at du har gyldig reiseforsikring. Ta kontakt med oss om du lurer på noko.

Les om UD sine reiseråd til Thailand.

Europeisk helsetrygdkort (også kalla Helfo-kort og helsekort) er eit gratis kortbevis for alle som er medlem av folketrygda i Norge og er statsborgar anten her eller i eit anna EØS-land eller i Storbritannia og Sveits. Helsetrygdkortet gjev rett til nødvendig medisinsk behandling ved offentlege helsevesen i EØS-land (inkludert Storbritannia og Sveits) når du er ute på reise, eller studerer.

NB: Storbritannia gjekk ut av EU i 2021, men frå 2024 kom det på plass ein ny trygdeavtale mellom Storbritannia og Norge. Er du norsk statsborgar og reiser som turist til Storbritannia, kan du igjen nytte europeisk helsetrygdkort der. Sjå full liste over land der du kan bruke helsetrygdkortet.

Helsetrygdkortet kan du bestille gratis på helsenorge.no:

Europeisk helsetrygdkort erstattar ikkje reiseforsikringa
Europeisk helsetrygdkort gir deg rett til det same offentlege helsetilbodet som innbyggjarar, men du må òg betale dei same eigenandelane som dei. Standarden på det offentlege helsevesenet varierer mykje frå land til land, og det er ikkje alltid du får dekt alle utgifter. På fleire stader er det private helsevesenet det beste tilbodet. Behandling i privat helsevesen er ikkje dekka gjennom helsetrygdkortet.

Har du både Europeisk helsetrygdkort og reiseforsikring har ein veldig god helseforsikring når du er i utlandet.

Vi har sett opp ein dekningsoversikt som viser forskjellane mellom helsetrygdkortet og «helsedekningane» i reiseforsikringa, så du lettare kan sjå:
 

*ved akutt sjukdom/ulykke

Sjå også

Må eg ha europeisk helsetrygdkort?
Kor finn eg reiseforsikringsbeviset mitt?
Må eg ha reiseforsikring til USA?
Må eg ha reiseforsikring til Tyrkia?
Må eg ha reiseforsikring til Thailand?

Viss foreldra dine har reiseforsikring som dekker familien, kan du vere dekka av denne reiseforsikringa fram til du fyller 21 år. 

Reiseforsikring med familiedekning gjeld for:

• Barn, stebarn og fosterbarn som bur på same adresse som foreldra.
• Eigne barn med folkeregistrert adresse hos ein av foreldra.
• Born dei har vergeansvar for.

Du treng ikkje å reise saman med foreldra dine for at forsikringa skal gjelde.

Etter at du har fylt 21 år, er du ikkje lenger dekka av dine foreldres reiseforsikring. Då bør du skaffe deg ein eigen. Hos oss får du Innbu- og reiseforsikring for unge, som er billegare enn å kjøpe dei kvar for seg.

Ja, du er dekt av reiseforsikringa enten du blir fråstolen jakke, airpods, lommebok, veske, solbriller eller andre ting (reisegods) du har med deg utanfor heimen eller på reise.

Forsikringa gjeld både ved tjuveri og ran, men ikkje viss du mistar eller gløymer igjen eigedelane dine. Tjuveriet må politimeldast.

Det er som hovudregel ingen eigenandel ved bruk av heilårs reiseforsikring, medan for reiseforsikringa i kredittkortet er eigenandelen 500 kroner.
 

Har du blitt fråstolen jakke, airpods eller andre ting?

Sjå også

Dekker forsikringa brillene mine viss eg mistar dei?
Kva forsikring dekkar sykkel?
Dekker reiseforsikring knust mobil?

Pris (før rabattar) på ei heilårs reiseforsikring kostar frå ca 100 kroner i månaden og oppover. Prisen er avhengig av om du kun skal forsikre deg sjølv eller heile familien, kor lenge reisene varer, rabattar osv. Ei heilårs reiseforsikring dekker deg heile året, frå du går ut døra heime, anten du skal på ferie eller berre i butikken.

Prisen på ei eingongs reiseforsikring (som er inkludert når du betalar reisa med ditt MasterCard) er gratis så lenge du betaler tilbake innan forfall. 

Samanlikn dekningane i heilårs og eingongs reiseforsikring


Vel singel eller familie og sjå pris

Har du betalt minst 50 % av transportkostnadene for reisa med ditt SpareBank 1 Mastercard, har du reise- og avbestillingforsikring inkludert på reisa. Forsikringa kan dekke mellom anna

• sjukdom eller ulykke på reisa
• behov for heimreise ved akutt sjukdom, evakuering o.a.
• forsinka flyavgang
• forsinka eller tapt bagasje
• avbestilling av planlagt ferie

Alle LOfavør forsikringar du har kjøpt sjølv vert endra automatisk til ordinære forsikringar ved hovudforfall. Unntaket er dei kollektive forsikringane som følger medlemskapet, som til dømes LOfavør Innbuforsikring. Du må sørge for å kjøpe nye forsikringar som dekker opp behovet ditt viss du melder deg ut av eit LO-forbund. 

Du vil også få informasjon direkte frå forbundet og forsikringsselskapet vårt når du melder deg ut.
 

Allereie meldt deg ut?

Ein forsikringsrådgjevar kan hjelpe deg med:

• å køpe forsikring
• spørsmål om faktura og betalingar
• endringar i forsikringsavtalane
• sei opp forsikringane

Du kan gjere mykje av dette sjølv ved å logge inn til «mine forsikringar». Der finn du òg kontaktinformasjon til oss i banken din, viss du ønsker personleg rådgjeving.
 

Ein saksbehandlar:

• behandlar skadesaka di

Du kan logge inn på «mine skadesaker» og sjekke status på saka eller kome i kontakt med ein saksbehandlar. Du kan melde skade hos Fremtind. Du treng ikkje vere sikker på at skaden er dekka før du melder den inn.

Treng du hjelp eller rettleiing? Kontakt Fremtind på 915 02300.

Våre forsikringsrådgjevarar er blant Norge sine beste på kundeservice!

Nokre gonger er barna uheldige og påfører skadar på andre personar eller andre sine ting. Det kan også gjelde for deg eller partnaren din. Då kan du bli rettsleg erstatningsansvarleg for skaden, og det er her ansvarsforsikringa kjem inn. Det skal for øvrig veldig mykje til før barn under 12 år blir erstatningsansvarlege. Dei fleste forsikringar har ei ansvarsdekning inkludert, som til dømes hus-, hytte-, reise- og innbuforsikring. 

For å vite kven som er inkludert i forsikringa må du logge inn å sjå forsikringsavtala under den aktuelle forsikringa.

Når kan du bli ansvarleg for skade?
Om du får ansvaret for skade på andre personar eller tinga deira, kan det fort bli dyrt. Det kan for eksempel skje dersom du, partnaren din eller borna dine:

• er uoppmerksame i skibakken og skadar ein annan person
• går tur med hunden og den angrip og skadar ein annan hund i parken
• syklar i gata, skrapar opp og skadar ein parkert bil
• er på utanlandsreise og skadar andre personar eller tinga deira

Det kan vere greitt å vite at det berre er aktlause handlingar som dekkast av forsikringane. Forsettlege handlingar (når noko gjerast med viten og vilje) eller tilfeldige uhell ingen har skuld i, er ikkje dekka. Det kan også bli avslag eller avkortning ved påverknad av for eksempel alkohol.

Har det skjedd ein skade?
Ansvarsforsikringane dekkar mykje, men dei dekkar ikkje alt. Det betyr mellom anna at dersom du ikkje er juridisk erstatningsansvarleg etter ein skade, så dekkar heller ikkje forsikringane kravet frå den andre parten.

Om skaden gjeld på eigne ting, sjå uhellsforsikring.

Sjå også

Dekker innbuforsikring ansvar?
Dekker husforsikring ansvar?
Har eg ansvarsforsikring på reisa?
Ansvarsforsikring på drone
Kva dekker ulykkesforsikringa?

Dei fleste forsikringar kan du avslutte sjølv i «mine forsikringar» (eller nettbank/mobilbank). Der vel du forsikringa du ønsker å seie opp, og under forsikringsdetaljar finn du "Avslutt forsikringa".

Skadeforsikringar
Viss du skal flytte skadeforsikringa til anna forsikringsselskap, får vi beskjed frå selskapet som overtar forsikringa, og vi avsluttar forsikringa automatisk for deg same dag som forsikringa startar opp i nytt selskap. Det same gjeld viss du flyttar forsikringa til oss.

For nokre skadeforsikringar, er det eit par ting som kan vere kjekt å vite:

Køyretøy
For å seie opp ei køyretøyforsikring for eit registrert køyretøy, må du først avregistrere køyretøyet hos Statens vegvesen.

• Har du selt, vraka eller meldt kjøretøyet ditt stole, får vi beskjed frå Statens vegvesen, og vi avsluttar forsikringa automatisk for deg same dag. 
• Er det ein leasingbil må du kontakte oss for å avslutte forsikringa.
• Har du midlertidig avregistrert køyretøyet, går du automatisk over på ein lagringsforsikring. Viss du ikkje ønsker dette kan du logge inn og avslutte forsikringa.

Båt-, mc-, moped og snøscooterforsikring
Desse forsikringane har sesongvariert pris, som betyr at prisen avreknast når du avsluttar forsikringa. For mc-, moped- og snøscooterforsikring gjeld reglane over (for køyretøy) ved oppseiing. Båtforsikring er ikkje lovpålagt, og kan avsluttast sjølv når du ønsker. 

Innbuforsikring
Innbuforsikringa kan du avslutte sjølv. Under forsikringsdetaljar finn du både «Avslutt forsikringa» og «Endre adresse». Dette gjeld ikkje viss du har LOfavør Innbuforsikring, som følger medlemskapet og folkeregistrert adresse.

Reiseforsikring
Reiseforsikringa kan du også avslutte sjølv. Men det er greitt å vite at denne forsikringa er inngått som ein årsavtale, som fornyast automatisk ved hovedforfall. Når du seier opp reiseforsikringa, så vil den avsluttast ved hovudforfall.

Personforsikringar
Viss du seier opp ei personforsikring fordi du skal flytte den til eit anna forsikringsselskap, bør du lese reglar for flytting av personforsikring, før du avsluttar forsikringa. 

Alle våre personforsikringar kan avsluttast sjølv ved å logge inn til «mine forsikringar» og velje forsikring du ønskjer å seie opp. Hugs at du kan få utbetaling frå fleire av same personforsikring, så når du kjøper hos eit forsikringsselskap vil den ikkje automatisk avsluttast hos eit anna.
 

Ønsker du hjelp?

Sjå også

• Korleis avsluttar eg bedrifts- eller landbruksforsikringar?
  
• Korleis endrar eg på forsikringane mine?
  
• Eg har spørsmål om fakturaen eg har fått frå Fremtind
  
• Kva gjer vi med forsikringane når vi har eit dødsbu etter eit nært familiemedlem?

Forsikringstakar er gjerne definert som personen eller verksemda som betalar for ei forsikring, og er som hovudregel den som eig eigedomen eller gjenstanden som blir forsikra. Forsikringstakaren kan også vere den som har krav på erstatning eller forsikringssum i samsvar med forsikringsavtalen og vilkåra. 

Ved personforsikringar og personalforsikringar er forsikringstakaren den personen som er forsikra. Altså den personen som har krav på utbetaling eller behandling. Ved livsforsikring og gruppelivsforsikring er forsikringstakar den personen som ved dødsfall utløyser utbetaling, medan begunstiga er den personen/personane som mottek utbetalinga.

Kven er forsikringsgjevar?
Forsikringsgjevar er forsikringsselskapet.
 

Sjå også

Kva forsikringar har eg?
Kva forsikringar treng eg?

Ei kollektiv forsikring er forsikring for ei gruppe personar som høyrer til i ein medlemsorganisasjon, bedrift eller eit forbund. Denne gruppa vert forsikra på same forsikringsavtale og på like forsikringsvilkår. 

Prisen på ei kollektiv forsikring blir normalt billegare enn om du skulle kjøpt forsikring privat (individuell forsikring). Dette er fordi den kollektive forsikringa er framforhandla av organisasjonen eller bedrifta på vegne av medlemmene eller arbeidstakarane. Det gjer også at avtalen hovudsakleg administrerast av organisasjonen eller bedrifta som tilbyr forsikring via forsikringsselskapet. 

Den mest vanlege kollektive forsikringa i Norge er LOfavør Innbuforsikring (tidlegare kalla LOfavør Kollektiv Hjem). Det er ei forsikring som LO-forbund har inkludert for sine medlemmar gjennom medlemskapet.

Det er også vanleg med kollektive personalforsikringar gjennom jobb eller organisasjon, som til dømes gruppelivsforsikring (kollektiv livsforsikring), helseforsikring eller reiseforsikring.

1 G er 124.028 kroner per 01.05.2025.

G er forkortinga for «grunnbeløpet i folketrygda» og er beløpet alle ytingar i folketrygda blir frå rekna ut. Grunnbeløpet blir også brukt til å rekne ut utbetalingar i samband med private pensjonsytingar og forsikringar, som for eksempel uførepensjon, uføredekninga i barneforsikringa og ménerstatning i yrkesskadeforsikringa. 

Grunnbeløpet i folketrygda blir justert 1. mai kvart år og blir fastsett i Stortinget, men blir først offentleggjort rundt 20. mai. Det nye grunnbeløpet får tilbakeverkningskraft til 1. mai same år. Det vil seie at grunnbeløpet som vart fastsett for 1. mai 2025 varer fram til 1. mai 2026. Vi bruker dette beløpet for at utbetaligene du får skal vere like mykje verd i framtida.
 

Grunnbeløp tabell

Antal G (grunnbeløp)

Forsikringsbevis og forsikringspolise er det same. Det som tidlegare vart kalla forsikringspolise blir vanlegvis no kalla forsikringsbevis. Forsikringsbeviset er eit dokument som inneheld informasjon om forsikringa di. Forsikringsbeviset ligg i forsikringsavtalen din og informasjonen beskriv blant anna:

• Kva forsikringa dekker
• Forsikringssum
• Kven/kva som er forsikra
• Kven som eig forsikringa
• Forsikringsnummer/polisenummer
• Kven som er begunstiga
   

Forsikringsbevis i utlandet

• Forsikringsbevis på bilkøyring i utlandet kallast grønt kort. Les meir om grønt kort
• Reiseforsikringsbevis kallast ofte reisekort. Les meir om reiseforsikringsbevis
   

Kor finn eg forsikringsbeviset mitt?

Forsikringsbeviset ditt finn du i avtaledokument under aktuell forsikring, ved å logge inn i mine forsikringar eller mobil-/nettbanken.
 

Ja, har du kasko campingvognforsikring hos oss, er du dekt for alle typar uventa fuktskader og vasskadar i campingvogn – både i tak, veggar og golv. Dekning for fuktskade forutset at du har godkjent årleg fuktkontroll frå ein caravanforhandlar autorisert av Norges Caravanbransjeforbund.

Førebygge fuktskadar i campingvogn og bubil

Årleg fuktkontroll
Det er viktig å gjennomføre  årleg fuktkontroll, for å oppretthalde garantien og oppdage fukt tidleg. Det er vanleg at fuktkontrollen må takast årleg innan 30 dagar før eller etter registreringsdatoen. Er campingvogna/bubilen registrert 1. juni, må fukttesten takast mellom 1. mai og 30. juli.

Fuktgaranti
Kjenn til fuktgarantien på campingvogna/bubilen din. Den kan variere frå 5 til 12 år. Følg garantiføresetnadane for å sikre ein gyldig garanti. Dokumentasjon på årlege utførte fuktkontrollar er avgjerande.

Fuktsensorar
Vurder å installere ein fuktsensor, som for eksempel Avara Moist, for kontinuerleg overvaking av fukt og tidleg varsling ved lekkasjar. Dette kan bidra til å oppdage fuktproblem mellom dei årlege fuktkontrollane og minimere eventuelle fuktskader.

Eigenkontroll
Utfør jamnleg eigenkontroll ved å sjekke utsette område som rundt luker, bak gardiner, i hjørner framfor og bak, og i bagasjerommet. Oppdagar du fukt, bør du få dette sjekka av ein fagperson for å forhindre ytterlegare skader.

Sjå også

Dekkar forsikringa fuktskader i bubil?
Gjeld forsikring for campingvogn på fast plass?

Nokre endringar kan du gjere sjølv ved å logge inn i «mine forsikringar», eller via mobil-/nettbanken. Gå til forsikringa du ønsker å endre. I lista ser du kva endringar du kan gjere sjølv. Viss du treng å gjere andre endringar, kan du enten ringe, skrive eller chatte med oss.

Kva endringar kan eg gjere sjølv?
Du kan sjølv gjere fleire endringar på forsikringane dine, som mellom anna:

• Justere årleg køyrelengde og kilometerstand på bilforsikringa
  (kilometerstand kan berre lesast av éin gong i året)
• Endre adresse på innbuforsikringa
• Skru av/på ung sjåfør på bilforsikringa
• Avslutte eller seie opp forsikringar
• Endre betalingsfrekvens (månadleg, kvartalsvis, halvårleg eller årleg)
• Bestille grønt kort
• Gjenoppta dekning ved lagringsforsikring for bil, mc og moped
  

Sjå også:

Eg har spørsmål om fakturaen frå Fremtind
Kor finn eg reiseforsikringsbeviset mitt?